Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ବୟସ କେବଳ ଏକ ସଂଖ୍ୟା ! ୮୦ ବର୍ଷୀୟ ବୃଦ୍ଧ ୮୦ Porsche କାରର ମାଲିକ, କେଉଁଠୁ ଜନ୍ମିଲା ଇଚ୍ଛା…

23/12/2020 at 10:23 PM

ନୂଆଦିଲ୍ଲୀ ୨୩/୧୨: ବୟସ କେବଳ ଏକ ସଂଖ୍ୟା। ଏହାକୁ ସତ କରି ଦେଖାଇଛନ୍ତି ଜଣେ ୮୦ ବର୍ଷୀୟ ବୃଦ୍ଧ। ୮୦ ବର୍ଷ ବୟସରେ ୮୦ ଦାମୀ ପୋର୍ଶ କାରର ମାଲିକ । ବୟସ ବଢ଼ିଚାଲିବା ସଂଗେସଂଗେ ବୃଦ୍ଧଙ୍କ ଲକ୍ଜରି କାର କ୍ରୟ କରିବାର ନିଶା ବି ବଢ଼ିଚାଲିଛି। ବୟସ ଯେତିକି କାର ସଂଖ୍ୟା ବି ସେତିକି।

ଭିଏନାର ନାଗରିକ ୮୦ ବର୍ଷୀୟ ଓଟୋକାର। ବୟସ ୮୦ ଧରିଲାଣି କିନ୍ତୁ ପାଖରେ ପୋର୍ଶ କାର ସଂଖ୍ୟା ୮୦। ଷ୍ଟାଇଲ୍‌ ବି ଜବରଦସ୍ତ। ଜଣେ ଲୋକ ଗୋଟିଏ କାର କିଣିବାକୁ ନିଜ ଜୀବନ ଲଗାଇଦେଉଥିବା ବେଳେ ଓଟୋକାର କିନ୍ତୁ ନିଜ ସ୍ବପ୍ନ ପୁରା କରିବା ସହ ବୟସ କେବଳ ଏକ ସଂଖ୍ୟା ବୋଲି ପ୍ରମାଣ କରି ଦେଖାଇଛନ୍ତି।

ଓଟୋକାର ଏବେ ବି ଜଣେ ଯୁବକଙ୍କ ଭଳି ଜବରଦସ୍ତ ଷ୍ଟାଇଲ୍‌ରେ କାର ଚଳାଇବାକୁ ପସନ୍ଦ କରୁଛନ୍ତି। ହାତରେ ସିଗାର ଆଉ ମୁଣ୍ଡରେ ଟୋପି ସହ ମଡର୍ଣ୍ଣ ପୋଷାକରେ ପୋର୍ଶ କାରର ସ୍ପିଡ୍‌ ଓଟୋକାରଙ୍କ ଲାଇଫ୍‌ ଷ୍ଟାଇଲ୍‌କୁ ଦର୍ଶାଉଛି।

ତେବେ ପୋର୍ଶ କାର ପାଇଁ ତାଙ୍କର ନିଶା ୫୦ ବର୍ଷ ପୂର୍ବରୁ ଆରମ୍ଭ ହୋଇଥିଲା। ଯେତେବେଳେ ଏମିତି ଏକ କାର ତାଙ୍କ ଘର ପଛପଟେ ଯାଉଥିବାର ଦେଖିଥିଲେ ସେବେ ଠାରୁ ସେ ପୋର୍ଶ କାର କିଣିବାକୁ ମନସ୍ଥ କରିଥିଲେ ବୋଲି କୁହନ୍ତି ଓଟୋକାର। ତାପରେ ଟଙ୍କା ସଂଚୟ କରି ପ୍ରଥମେ ସ୍ପିଡ୍‌ ୟେଲୋ ୯୧୧ ହିଁ କିଣିଥିଲେ। ଏବେ ଓଟୋକାରଙ୍କ ପାଖରେ ୮୦ ପ୍ରକାର ପୋର୍ଶ କାର ରହିଛି।

   Related Posts