Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ଭିଡରେ ପୋପ୍‌ଙ୍କ ହାତ ଭିଡି ଧରିଲେ ମହିଳା, ଭିଡିଓ ଏବେ viral

1/01/2020 at 9:33 PM

ଭଟିକାନ:  ନବବର୍ଷ ପୂର୍ବ ସନ୍ଧ୍ୟାରେ ଭଟିକାନସିଟି ସେଣ୍ଟ ପିଟର୍ସ ସ୍କୋୟାରର ଏକ ଘଟଣାରେ ପୋପ ଫ୍ରାନସିସ୍-୧ ନିଜ ହାତ ଛଡେଇବାକୁ ଜଣେ ମହିଳାଙ୍କ ହାତକୁ ବାଡେଇ ଦେଇଥିଲେ। ତେବେ ତାଙ୍କର ଏହି ଆଚରଣ ଲାଗି ପୋପ୍ ବୁଧବାର କ୍ଷମାଯାଚନା କରିଛନ୍ତି। ଘଟଣାରେ ଏତେ ଶୀଘ୍ର ଧୈର୍ଯ୍ୟହରା ହୋଇପଡିବା ଯୋଗୁ ପୋପ୍ କ୍ଷମା ନିବେଦନ କରିଥିବା ବେଳେ ଗତ ସନ୍ଧ୍ୟାର ଭିଡିଓ କିନ୍ତୁ ଭାଇରାଲ ହେବାରେ ଲାଗିଛି।

ନବବର୍ଷ ପୂର୍ବ ସନ୍ଧ୍ୟାରେ ପୋପ ସାର୍ବଜନୀନ ପ୍ରାର୍ଥନାପରେ ସେଣ୍ଟ ପିଟର୍ସ ସ୍କୋୟାରରେ ସମସ୍ତଙ୍କୁ ନବବର୍ଷର ଅଭିନନ୍ଦନ ଜଣାଉଥିଲେ। ସେ ସେଠାରେ ଉପସ୍ଥିତ ମହିଳା, ଶିଶୁ ଓ ଲୋକଙ୍କୁ ହାତ ଧରି ଅଭିନନ୍ଦନ ଜଣାଉଥିବାବେଳେ ଜଣେ ମହିଳା ତାଙ୍କ ହାତକୁ ଜାବୁଡି ଧରି ନିଜ ଆଡକୁ ଭିଡିବାରେ ଲାଗିଥିଲେ। ମହିଳାଙ୍କ ହାତରୁ ପୋପ୍ ତାଙ୍କର ହାତ ଛଡାଇବାକୁ ଚେଷ୍ଟା କରିଥିଲେ ହେଁ ଛଡାଇପାରିନଥିଲେ। ଏହି ଘଟଣା ସେତେବେଳେ କେହି ତାଙ୍କ କ୍ୟାମେରାରେ ସୁଟିଂ କରିଦେଇଥିଲା। ତେବେ ସେମାନଙ୍କ କଥା କିନ୍ତୁ ଏଥିରେ ରେକର୍ଡ ହୋଇନାହିଁ। ତେବେ ପୋପ ମହିଳାଙ୍କ ହାତରୁ ନିଜ ହାତ ଖସାଇବାକୁ ତାଙ୍କ ହାତକୁ ବାଡଉଥିବା ଦେଖାଯାଇଥିଲା। ହୁଏତ ଏଥିଲାଗି ମହିଳାଙ୍କୁ ଆଘାତ ହୋଇଥାଇପାରେ ବୋଲି ପୋପ୍ ଆଶଙ୍କା କରିବା ସହ ନିଜେ କାହିଁକି ଏତେଶୀଘ୍ର ଧୈର୍ଯ୍ୟ ହରାଇଲେ ସେଥିଲାଗି ବ୍ୟଥିତ ହୋଇଛନ୍ତି।

ଏଥିଲାଗି ସେ ସ୍ୱତନ୍ତ୍ର କ୍ଷମାଯାଚନା ମଧ୍ୟ କରିଛନ୍ତି ଗତକାଲି ମୋ ଦ୍ୱାରା ଯେଉଁ ଖରାପ ଉଦାହରଣ ସୃଷ୍ଟି ହୋଇଛି ସେଥିଲାଗି ମୁଁ ସମସ୍ତଙ୍କୁ କ୍ଷମାଯାଚନା କରୁଛି ବୋଲି ପୋପ୍ ଏକ ବାର୍ତ୍ତାରେ କହିଛନ୍ତି। ତେବେ ପୋପ୍ ଫ୍ରାନ୍ସିସ-୧ ଙ୍କ ଲାଗି ଏଭଳି ଘଟଣା ପ୍ରଥମ ନୁହେଁ। ଏହା ପୂର୍ବରୁ ଗତ ସେପ୍ଟେମ୍ବର ମାସରେ ପୋପ୍ ଲିଫ୍ଟରେ ଅଟକି ରହିଥିଲେ। ଏଥିଲାଗି ସାପ୍ତାହିକ ସମ୍ବୋଧନ ଲାଗି ବିଳମ୍ବରେ ପହଞ୍ଚିଥିଲେ। ଏଣୁ ନିସର୍ତ୍ତ କ୍ଷମାଯାଚନା କରିଥିଲେ।

   Related Posts