Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ବାପା ଦିନ ମଜୁରିଆ, ଟ୍ୟୁସନ କରି ପାଠପଢିଲେ ଆଉ ନାସାରେ ବୈଜ୍ଞାନିକ ହେଲେ ଯାଜପୁରର ହେମନ୍ତ ଓଝା

10/02/2019 at 3:57 PM

ଯାଜପୁର୧୦|୨: ଦୃଢ ସଂକଳ୍ପ, ନିରନ୍ତର ପ୍ରେଚେଷ୍ଟା- ଅସାଧ୍ୟକୁ ସାଧନ କରିପାରେ । ଲକ୍ଷ୍ୟ ପଥରେ ଯେତେଯାହା ବାଧାବିଗ୍ନ ଆସିଲେ ବି, ଆପେ ଆପେ ଦୂରେଇ ଯାଏ । ଏହାର ଏକ ପ୍ରମାଣ ହେଉଛନ୍ତି ଯାଜପୁର ଧର୍ମଶାଳା ବ୍ଲକ ରାଇଛନ୍ଦା କମାରସାହି ଗାଁର ହେମନ୍ତ ଓଝା । ବାପା ଦିନ ମଜୁରୀଆ, କିନ୍ତୁ ନିଜର ନିଷ୍ଠା, କଠିନ ଅଧ୍ୟବସାୟ ଯୋଗୁଁ ହେମନ୍ତ ଏବେ ନାଶା ବୈଜ୍ଞାନିକ ।

ହେମନ୍ତ ଓଝା । ଘର ଧର୍ମଶାଳା ରାଇଛନ୍ଦା ଗାଁରେ । ବାପା ଅର୍ଜୁନ ଓଝା ଜଣେ ଦିନ ମଜୁରୀଆ । ବହୁ ଦୁଃଖ କଷ୍ଟରେ ୪ ପୁଅ-ଝିଅଙ୍କୁ ବଡ କରିଛନ୍ତି । ପିଲାଦିନୁ ହେମନ୍ତ ଥିଲେ ମେଧାବୀ । ୨୦୦୯ରେ ପ୍ରଥମ ଶ୍ରେଣୀରେ ମାଟ୍ରିକ୍ ପାସ୍ କରିଥିଲେ । ସେହିବର୍ଷ କିନ୍ତୁ କଲେରେ ନାଁ ଲେଖାଇ ପାରିନଥିଲେ । ବାଧକ ସାଜିଥିଲା ଅର୍ଥ । ଶିକ୍ଷାପ୍ରତି ଆଗ୍ରହ ଥିବାରୁ ଟ୍ୟୁସନ କରି ଯୁକ୍ତ ଦୁଇ ବିଜ୍ଞାନ ପଢିଥିଲେ । ବୈଜ୍ଞାନିକ ହେବାର ସ୍ବପ୍ନ ଦେଖିଥିଲେ । ୨୦୧୨ରେ ଯୁକ୍ତ ଦୁଇ ବିଜ୍ଞାନରେ ବି ପ୍ରଥମ ଶ୍ରେଣୀରେ ଉତ୍ତିର୍ଣ୍ଣ ହୋଇଥିଲେ ।

ଏହାପରେ ରେଭେନ୍ସା ବିଶ୍ବବିଦ୍ୟାଳୟରେ ଯୁକ୍ତ ତିନି ବିଜ୍ଞାନ ପଢିଥିଲେ । ଆଇଆଇଟି ଚେନାଇରେ ଇଣ୍ଟିଗ୍ରଟେଡ୍ ପିଏଚଡି ସହ ଗଣିତରେ ସ୍ନାତକୋତ୍ତର କରିଥିଲେ । ସେଠାରେ ଦେଇଥିବା ଆଠଟି ପରୀକ୍ଷାରୁ ୫ଟିରେ ପ୍ରଥମ ଓ ଦୁଇଟିରେ ଦୀତିୟ ସ୍ଥାନ ଅଧିକାର କରିଥିଲେ ।

ଏହା ପରେ ନାସା ତରଫରୁ ପ୍ରଶିକ୍ଷଣ ପାଇଁ ଯାଇଥିଲେ ଆମେରିକା । ସେଠାରେ ମେଡାଲ ସହ ଆର୍ଥିକ ପ୍ରୋତ୍ସାହନ ପାଇଛନ୍ତି । ଆଇଆଇଟି ପ୍ରବେଶିକାରେ ସଫଳତାର ସହ ଉତ୍ତୀର୍ଣ୍ଣ ହେବାରୁ ନାସର କନିଷ୍ଠ ବୈଜ୍ଞାନିକଭାବେ ଗବେଷଣା କରିବାକୁ ମନୋନୀତ ହୋଇଛନ୍ତି ।

କଠିନ ପରିସ୍ଥିତିରେ ଆଗକୁ ବଢିବାକୁ ବାପା, ମା, ବଡଭାଇ ଓ ଶିକ୍ଷକଙ୍କ ସହୋଯୋଗ ତାଙ୍କୁ ପ୍ରେରଣା ଯୋଗାଥିଲା ବୋଲି ହେମନ୍ତ କହିଛନ୍ତି ।

   Related Posts