Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||
  • ଡ୍ୟାମରେ ଭାସୁଛି ଯୁବକଙ୍କ ମୃତଦେହ, ଗାଧୋଇଲା ବେଳେ ବୁଡି ଯାଇଥିଲେ
  • ||
  • ଦକ୍ଷିଣ ଆଫ୍ରିକାରୁ ମହାରାଷ୍ଟ୍ର ଫେରିଥିବା ବ୍ୟକ୍ତି କୋଭିଡ ପଜିଟିଭ୍: ଆଇସୋଲେସନରେ ସଂକ୍ରମିତ, ଓମିକ୍ରନ୍ ନେଇ ଆଲର୍ଟ
  • ||

ବାହାଘରକୁ ମାସେ ନ ପୁରୁଣୁ ସମ୍ପର୍କ ତୁଟେଇବାକୁ ଚାହୁଁଛନ୍ତି ପୁନମ ପାଣ୍ଡେ: କହିଲେ,’ବହୁତ ହେଇଗଲା…ଆଉ ନୁହେଁ’

24/09/2020 at 5:46 PM

ମୁମ୍ବାଇ ୨୪/୦୯ : ଅଭିନେତ୍ରୀ ପୁନମ ପାଣ୍ଡେ ଗତ କିଛି ଦିନ ହେଲା ନିଜ ବାହାଘର, ହନିମୁନ ଓ ବିବାଦକୁ ନେଇ ଚର୍ଚ୍ଚାରେ ରହିଛନ୍ତି । ନବ ବିବାହିତା ପୁନମ ନିଜ ସ୍ୱାମୀ ସେମ ବମ୍ବେଙ୍କ ବିରୋଧରେ ମାରପିଟ ଓ ଧମକ ଦେଉଥିବା ଗମ୍ଭୀର ଆରୋପ ଲଗାଇବା ପରେ ସେମ ବମ୍ବେଙ୍କୁ ଗିରଫ କରାଯାଇଛି । ବର୍ତ୍ତମାନ ପୁନମ ନିଜ ବିବାହକୁ ନେଇ କହିଛନ୍ତି ଯେ ଅଳ୍ପ ଦିନରେ ସେ ବହୁତ କିଛି ସହିଲେଣି ଆଉ ଆଗକୁ ଆଉ ସହି ପାରିବେନି । ବିବାହ ପରେ ଉଭୟଙ୍କ ସମ୍ପର୍କ ମଧୁର ହୋଇଯିବ ବୋଲି ସେ ଆଶା କରିଥିଲେ କିନ୍ତୁ ସେମିତି କିଛି ହୋଇନି ବୋଲି ସେ କହିଛନ୍ତି ।

୭ଜନ୍ମର ବନ୍ଧନ ଏତେ ଶୀଘ୍ର ଭାଙ୍ଗିଯିବ କିଏ ଭାବିନଥିଲେ । ହଠାତ ବିବାହ କରି ସେ ଲୋକଙ୍କୁ ଚକିତ କରିଦେଇଥିଲେ । ଠିକ ସେହିଭଳି ବିବାହର ୧୨ ଦିନ ପରେ ଉଭୟଙ୍କ ସମ୍ପର୍କରେ ଫାଟ ଦେଖି ଲୋକେ ଆହୁରି ଆଶ୍ଚର୍ଯ୍ୟ ହୋଇଯାଇଛନ୍ତି । ସମସ୍ତେ ଜାଣିବାକୁ ଚାହୁଁଛନ୍ତି ହନିମୁନ ସମୟରେ ଉଭୟଙ୍କ ମଧ୍ୟରେ ଏମିତି କଣ ହେଲା ଯେ ସେମ ବମ୍ବେଙ୍କୁ ଜେଲ ଯିବାକୁ ପଡିଲା ।

ଗୋଆରେ ହନିମୁନ ସମୟରେ କଣ ହୋଇଥିଲା ଏକ ଗଣମାଧ୍ୟମକୁ ପୁନମ କହିଛନ୍ତି । ସେ କହିଛନ୍ତି ଯେ ଗୋଆରେ ଉଭୟଙ୍କ ମଧ୍ୟରେ ବିବାଦ ହୋଇଥିଲା । ବିବାଦ ପରେ ସେମ ପୁନମଙ୍କୁ ବାଡେଇଥିଲେ । ସେତେବେଳେ ତାଙ୍କୁ ଅନୁଭୂତ ହୋଇଥିଲେ ସତେ ଯେମିତି ସେ ମରିଯିବେ । ସେମ ତାଙ୍କ ମୁହଁରେ ବାଡେଇଥିଲେ, ଚୁଟି ଟାଣି ବେଡ଼ କୋଣରେ ତାଙ୍କ ମୁଣ୍ଡ ପିଟି ଦେଇଥିଲେ । ସେ କୌଣସି ପ୍ରକାରେ ସେମଙ୍କ ଚଂଗୁଲରୁ ବାହାରି ଆସିଛନ୍ତି ବୋଲି କହିଥିଲେ । ଏହାପରେ ହୋଟେଲ କର୍ମଚାରୀ ପୋଲିସକୁ ଫୋନ କରି ଖବର ଦେଇଥିଲେ । ପୋଲିସ ଆସି ତାଙ୍କୁ ଗିରଫ କରିଥିଲା ।

ପୁନମ କହିଛନ୍ତି ଯେ ସେ ସେମଙ୍କ ପାଖକୁ ଆଉ ଯିବାକୁ ଚାହୁଁ ନାହାନ୍ତି । ସେ ତାଙ୍କୁ ପଶୁ ଭଳି ମାଡ ମାରିଛନ୍ତି । ଏହିଭଳି ସମ୍ପର୍କରେ ରହିବା ଅପେକ୍ଷା ସେ ସିଙ୍ଗଲ ରହିବାକୁ ପସନ୍ଦ କରିବେ ବୋଲି କହିଛନ୍ତି । ସେ ବିବାହ ସମ୍ପର୍କକୁ ସବୁଦିନ ପାଇଁ ତୁଟେଇ ଦେବାକୁ ଚାହୁଁଛନ୍ତି ବୋଲି କହିଛନ୍ତି ପୁନମ ପାଣ୍ଡେ ।

   Related Posts