ମୁମ୍ବାଇ ୦୧/୧୧: ଅଭିନେତ୍ରୀ ପୂଜା ବେଦୀ ସୋସିଆଲ ମିଡିଆରେ ପ୍ରାୟତଃ ତାଙ୍କର ଫଟୋ ଏବଂ ଭିଡିଓ ସେୟାର କରନ୍ତି। ଏଥି ସହିତ ବିଭିନ୍ନ ପ୍ରସଙ୍ଗରେ ନିଜର ମତ ମଧ୍ୟ ପ୍ରକାଶ କରନ୍ତି। ବର୍ତ୍ତମାନ ପୂଜା ବେଦୀ ତୈଳ ମୂଲ୍ୟ ଉପରେ ଏକ ଟ୍ୱିଟ୍ କରି ବିଜେପିକୁ ପ୍ରଶ୍ନ ପଚାରିଛନ୍ତି।

wp:html

Our tax on fuel is a WHOPPING 260% &USA just 20%!
IF Price of fuel reduces can u imagine the benefits to every industry? the price of EVERYTHING would reduce in proportion? @BJP4India can u please JUSTIFY this level of fuel tax 2 us? It's impacts cost of EVERYTHING! @FinMinIndia pic.twitter.com/mdfMKQ8rIq

— Pooja Bedi (@poojabeditweets) October 31, 2021

/wp:html

ଅଭିନେତ୍ରୀ ଲେଖିଛନ୍ତି,“ଇନ୍ଧନ ଉପରେ ଆମର ଟ୍ୟାକ୍ସ ୨୬୦% ଏବଂ ଆମେରିକାରେ ମାତ୍ର ୨୦ ପ୍ରତିଶତ। ଯଦି ଇନ୍ଧନ ମୂଲ୍ୟ ହ୍ରାସ ହୁଏ ତେବେ ପ୍ରତ୍ୟେକ ଶିଳ୍ପ ପାଇଁ ଲାଭ କ’ଣ ଆପଣ କଳ୍ପନା କରିପାରିବେ? ପ୍ରତ୍ୟେକ ଜିନିଷର ମୂଲ୍ୟ ଅନୁପାତରେ କମ୍ ହୋଇଯିବ କି? ବିଜେପି, ଆପଣ ଦୟାକରି ଆମକୁ ଏହି ସ୍ତରର ଇନ୍ଧନ ଟ୍ୟାକ୍ସର ବ୍ୟାଖ୍ୟା କରିପାରିବେ କି? ଏହା ପ୍ରତ୍ୟେକ ଜିନିଷର ମୂଲ୍ୟ ଉପରେ ପ୍ରଭାବ ପକାଇଥାଏ।' ଏହା ସହିତ ପୂଜା ତାଙ୍କ ଟ୍ୱିଟରେ ଅର୍ଥ ମନ୍ତ୍ରଣାଳୟକୁ ମଧ୍ୟ ଟ୍ୟାଗ୍ କରିଛନ୍ତି।

ପୂଜା ବେଦୀଙ୍କ ଏହି ଟ୍ୱିଟ୍ ଉପରେ ସୋସିଆଲ ମିଡିଆ ୟୁଜର୍ସ ବହୁତ ପ୍ରତିକ୍ରିୟା କରୁଛନ୍ତି। କେତେକ ସୋସିଆଲ ମିଡିଆ ୟୁଜର୍ସ ପୂଜା ବେଦୀଙ୍କ ମତ ସହ ସହମତ ହୋଇଥିବାବେଳେ କେହି କେହି କହିଛନ୍ତି ଯେ ଆମେରିକାରେ ଟିକସ ଦେଉଥିବା ଏବଂ ଭାରତରେ ଟିକସ ଦେଉଥିବା ଲୋକଙ୍କ ପ୍ରତିଶତରେ ବହୁତ ପାର୍ଥକ୍ୟ ଅଛି। ଏଥି ସହିତ କିଛି ୟୁଜର୍ସ କହିଛନ୍ତି ଯେ ଇନ୍ଧନ ମୂଲ୍ୟ ପାଇଁ ରାଜ୍ୟ ସରକାର ମଧ୍ୟ ଦାୟୀ, ତେବେ କେବଳ ବିଜେପିକୁ ଟାର୍ଗେଟ କାହିଁକି?

ଏହା ସହିତ କିଛି ୟୁଜର୍ସ କହିଛନ୍ତି ଯେ ଆମକୁ ବର୍ତ୍ତମାନ ବୈଦ୍ୟୁତିକ ଯାନ ଆଡକୁ ଅଧିକ ଦ୍ରୁତ ଗତିରେ ଯିବାକୁ ପଡିବ, ଯାହାଫଳରେ ପେଟ୍ରୋଲ ଏବଂ ଡିଜେଲ ଉପରେ ଆମର ନିର୍ଭରଶୀଳତା ହ୍ରାସ ହୋଇପାରିବ।