Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ଚାଷୀ ଆନ୍ଦୋଳନ ସହ ଖଲିସ୍ତାନର ଯୋଗସୂତ୍ର ସନ୍ଦେହ, ଖଟ୍ଟର କହିଲେ ଏବେ କେବଳ ପ୍ରମାଣକୁ ଅପେକ୍ଷା

28/11/2020 at 4:31 PM

ଚଣ୍ଡିଗଡ଼ ୨୮।୧୧: ରାଜଧାନୀ ଦିଲ୍ଲୀରେ ଚାଲିଥିବା ଚାଷୀ ଆନ୍ଦୋଳନ ପଛରେ ଖାଲିସ୍ତାନ ଯୋଗସୂତ୍ରର ସୂଚନା ମିଳିଛି। ହରିୟାଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର ଶନିବାର ଦେଇଥିବା ବୟାନରୁ ଏବେ ଏହି ସନ୍ଦେହ କରାଯାଉଛି। ଖଟ୍ଟର କହିଛନ୍ତି ଯେ ଆମକୁ ଏମିତି କିଛି ସୂଚନା ମିଳିଛି ଯାହା ଏବେ କହିବା ଉଚିତ ନୁହେଁ। ତେବେ ଉପଯୁକ୍ତ ପ୍ରମାଣକୁ ଅପେକ୍ଷା କରାଯାଇଛି। 

କେନ୍ଦ୍ର ସରକାରଙ୍କ କୃଷି ଆଇନ ବିରୋଧରେ ଚାଷୀମାନେ ଗୁରୁବାର ‘ଦିଲ୍ଲୀ ଚଲ୍ଲୋ’ ଅଭିଯାନ ଆରମ୍ଭ କରିଥିଲେ। ଯାହାକୁ ଏବେ ବିଭିନ୍ନ ରାଜ୍ୟର ଚାଷୀଙ୍କ ସମର୍ଥନ ମିଳିଛି। ତେବେ ଆନ୍ଦୋଳନକାରୀ ଚାଷୀଙ୍କ ସହ ଖଲିସ୍ତାନୀ ସମର୍ଥକ ମଧ୍ୟ ସାମିଲ ହୋଇଥିବାର ସୂଚନା ମିଳୁଛି। ଯେଉଁମାନେ ସେମାନଙ୍କ ଘୃଣ୍ୟ ଉଦ୍ଦେଶ୍ୟ ପୂର୍ତ୍ତି କରିବାକୁ ନିଜକୁ ଆନ୍ଦୋଳନ ସହ ସାମିଲ କରିଛନ୍ତି। ଏ ନେଇ କେତେକ ଅଡିଓ ଏବଂ ଭିଡିଓ ଗୁଇନ୍ଦା ଯୋଗାଡ କରିଛନ୍ତି। ଯାହା ଏବେ ଭାଇରାଲ ହେବାରେ ଲାଗିଛି। 

ଅଡିଓ ଏବଂ ଭିଡିଓରେ ‘ଆମେ ଇନ୍ଦିରା ଗାନ୍ଧିଙ୍କୁ ୟେ କରିପାରିଥିବା ବେଳେ ମୋଦିଙ୍କୁ କାହିଁ କରି ନପାରିବୁ ବୋଲି’ ସ୍ଲୋଗାନ ଦେଉଥିବା ଦେଖା ଓ ଶୁଣା ଯାଉଛି। ଏଥିରୁ ଆନ୍ଦୋଳନକାରୀ ଚାଷୀଙ୍କ ମଧ୍ୟରେ ଖାଲିସ୍ତାନୀ ସମର୍ଥକ ଥିବାର ସନ୍ଦେହ କରାଯାଉଛି।  ଏହି ଅଡିଓ ଏବଂ ଭିଡିଓର ଏଭେ ଯାଞ୍ଚ ହେଉଥିବା ବେଳେ ଏହାର ଗୁଇନ୍ଦା ଅନୁସନ୍ଧାନ  କରାଯାଉଛି। ଠୋସ ପ୍ରମାଣ ମିଳିବା ମାତ୍ରେ ଚାଷୀ ଆନ୍ଦୋଳନର ବାସ୍ତବତା ଖୁବ୍ ଶୀଘ୍ର ସାମ୍ନାକୁ ଆସିଯିବ ବୋଲି ଖଟ୍ଟର କହିଛନ୍ତି।

ସେପଟେ ପଞ୍ଜାବ ଓ ହରିୟାଣାରୁ ଦିଲ୍ଲୀକୁ ଆସୁଥିବା ଚାଷୀଙ୍କୁ ପୋଲିସ ଏବେବି ଦିଲ୍ଲୀ ସୀମାରେ ଅଟକାଇ ରଖିଛି। ଟିକିରୀ ସୀମାରେ ଟ୍ରାଫିକ ସଞ୍ଚାଳନକୁ ସମ୍ପୂର୍ଣ୍ଣ ବନ୍ଦ ରଖାଯାଇଥିବା ବେଳେ ସିଂଘୁ ବର୍ଡର ଏବେବି ଉଭୟ ପାର୍ଶ୍ୱରୁ ବନ୍ଦ ରହିଛି। ଏବେ ପଞ୍ଜାବ ଓ ହରିୟାଣା ପଟରୁ ଆସୁଥିବା ଚାଷୀ ସିଂଘୁ ବର୍ଡରରେ ହିଁ ବିକ୍ଷୋଭ ପ୍ରଦର୍ଶନ କରିବାକୁ ନିଷ୍ପତ୍ତି ନେଇଥିବ ଜଣାପଡିଛି। ଏଣୁ ଦିଲ୍ଲୀ ପେୋଲିସ ଟ୍ରାଫିକ ଡାଇଭର୍ସନ କରୁଛି।

   Related Posts