Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||
  • ଖୋଲିଲା ଶିମିଳିପାଳ, ପର୍ଯ୍ୟଟକଙ୍କ ପାଇଁ ଖୁସି ଖବର
  • ||
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||
  • କଥକ ସମ୍ରାଟ ବିରଜୁ ମହାରାଜଙ୍କ ପରଲୋକ, ୮୩ ବର୍ଷ ବୟସରେ ଦେହାନ୍ତ
  • ||
  • ତ୍ରିସ୍ତରୀୟ ପଞ୍ଚାୟତ ନିର୍ବାଚନ : ସୋମବାରଠୁ ଦାଖଲ ହେବ ପ୍ରାର୍ଥୀପତ୍ର, କରୋନା କଟକଣାରେ ସରିବ ପୁରା ପ୍ରକ୍ରିୟା
  • ||
  • ଆହତ ହାତୀର ଚିକିତ୍ସା କଲା ବନ ବିଭାଗ, ବାରହା ଫାଶରେ ପଡି ଗୋଡରେ ହୋଇଥିଲା କ୍ଷତ
  • ||
  • ଖସିବ ପାରଦ ବଢିବ ଶୀତ, ୧୯ ଯାଏଁ ବିଭିନ୍ନ ଜିଲ୍ଲାରେ ଘନ କୁହୁଡି
  • ||

ଓବିସି କାର୍ଡରେ କାହାର କେତେ ଫାଇଦା : ରାଜ୍ୟ ସରକାରଙ୍କ ଓବିସିଙ୍କ ପ୍ରେମ ଦେଖି ବିରୋଧୀ କଂଗ୍ରେସ ଓ ବିଜେପି ସ୍ତବ୍ଧ

18/02/2020 at 5:06 PM

ଭୁବନେଶ୍ବର ୧୮/୨: ରାଜ୍ୟରେ ପଛୁଆ ବର୍ଗ ଗଣନା ପାଇଁ ବିଧାନସଭାରେ ସର୍ବ ସମ୍ମତ ପ୍ରସ୍ତାବ ପାରିତ ହେବା ପରେ ଏହାକୁ ନେଇ ଆରମ୍ଭ ହୋଇଛି ରାଜନୀତି । ଭୋଟ ବ୍ୟାଙ୍କ ପାଇଁ ସରକାର ଓବିସି ବିଲ ପାରିତ କରିଛନ୍ତି ବୋଲି କଂଗ୍ରେସ ଅଭିଯୋଗ କରିଛି । ଅନ୍ୟପଟେ ବିଜେପି କହିଛି ଜନଗଣନା କାମ କେନ୍ଦ୍ର ସରକାରଙ୍କର, ରାଜ୍ୟର ନୁହେଁ। ବିଜେଡି ଜାତିଭିତ୍ତିକ ରାଜନୀତି ପାଇଁ ଏଭଳି ଭୋଟ ବ୍ୟାଙ୍କ ସୃଷ୍ଟି ପାଇଁ ଚାଲ ଖେଳୁଛି । ସେପଟେ ବିଜେଡି କହିଛି ସମାଜର ଏକ ବଡ ଭାଗର ଉନ୍ନତି ଲାଗି ସେମାନଙ୍କ ସଂଖ୍ୟା ଓ ତଥ୍ୟ ଜାଣିବା ନିହାତି ଦରକାର । ତେଣୁ ଓବିସି ମାନଙ୍କର ସାମାଜିକ, ଶିକ୍ଷାଗତ ଗଣନାରେ ରାଜନୀତି କରାନଯାଉ ।

ଓବିସି କାର୍ଡରେ କାହାର କେତେ ଫାଇଦା । ଅନ୍ୟାନ୍ୟ ପଛୁଆ ବର୍ଗଙ୍କ କଥା ଏକ ପ୍ରକାର ଭୁଲିଯାଇଥିବା ରାଜ୍ୟ ସରକାରଙ୍କ ହଠାତ୍‌ ଓବିସିଙ୍କ ପ୍ରେମ ଦେଖି ବିରୋଧୀ କଂଗ୍ରେସ ଓ ବିଜେପି ସ୍ତବ୍ଧ । ସୁପ୍ରିମକୋର୍ଟଙ୍କ ଆଳ ଦେଖାଇ ୫୦ ପ୍ରତିଶତରୁ ଅଧିକ ସଂରକ୍ଷଣ ଦେବାକୁ ପଛଘୁଞ୍ଚା ଦେଉଥିଲେ ସରକାର । ଓବିସି କମିଶନ ଗଠନ ନେଇ ବର୍ଷ ବର୍ଷ ଗଡି ଚାଲିଥିଲା । ଏବେ ଓବିସି ଜନଗଣନା କରିବା ଲାଗି ରାଜ୍ୟ ସରକାର ବିଧାନସଭାରେ ସର୍ବସମ୍ମତି ପ୍ରସ୍ତାବ ପାରିତ କରିବା ବିରୋଧୀଙ୍କ ହଜମ ହେଉନି ।କଂଗ୍ରେସ କହିଛି ସରକାର ଗୋଟିଏ ଗୁଳିରେ ଦୁଇଟି ଶିକାର ଭଳି ଭୋଟ ବ୍ୟାଙ୍କ ପାଇଁ ଓବିସି ପ୍ରସ୍ତାବ ପାରିତ କରିଛନ୍ତି । ପଛୁଆ ବର୍ଗଙ୍କ ଉନ୍ନତି ଆଳରେ ଓବିସି ଗଣନା କରୁଛନ୍ତି । ବିଜେପି କହିଛି ଜନଗଣନା କରିବା କାମ କେନ୍ଦ୍ର ସରକାରର । ଭୋଟ ବ୍ୟାଙ୍କ ପାଇଁ ରାଜ୍ୟ ସରକାର ଜାତି ଭିତ୍ତିକ ରାଜନୀତି କରୁଛନ୍ତି । ସେପଟେ ବିଜେଡିର ଜବାବ ଓବିସି ମାନଙ୍କର ସାମାଜିକ, ଶିକ୍ଷାଗତ ଗଣନାରେ ରାଜନୀତି କରାନଯାଉ ।

ଓବିସି ବିଲ୍ ପାସ୍ ହେବା ପରେ ଓଡ଼ିଶାର ପଛୁଆ ବର୍ଗଙ୍କ ସାମାଜିକ, ଶିକ୍ଷାଗତ ଓ ଆର୍ଥିକ ସର୍ଭେ କରାଯାଇପାରିବ ।ଏଥିପାଇଁ ସର୍ବ ସମ୍ମତି ପ୍ରସ୍ତାବ ପାରିତ ହୋଇଛି । ସରକାର ରାଜ୍ୟର ଅନ୍ୟାନ୍ୟ ପଛୁଆ ବର୍ଗଙ୍କ ଗଣନା କରିପାରିବେ । ଏହାଦ୍ବାରା ପଛୁଆ ବର୍ଗଙ୍କ ସାମାଜିକ ଓ ଶିକ୍ଷାଗତ ଉନ୍ନତି ସହ ସେମାନଙ୍କ ଲାଗି ସରକାର ଯୋଜନା କରିପାରିବେ ବିଭାଗୀୟ ମନ୍ତ୍ରୀ ଯୁକ୍ତି ବାଢିଛନ୍ତି ।

୧୯୩୧ରେ ଶେଷ ଥର ପାଇଁ ଜାତିଭିତ୍ତିକ ଜନଗଣନା କରାଯାଇଥିଲା । ଏହାପରେ ୨୦୧୧ ଏସ୍.ଇ.ସି.ସି ସର୍ଭେରେ ଓବିସି ତଥ୍ୟ ସଂଗ୍ରହ କରାଯାଇଥିଲେ ବି ତଥ୍ୟ ସାମ୍ନାକୁ ଅଣାଯାଇ ନଥିଲା । ୨୦୨୧ ଜନଗଣନା ସମୟରେ ଓବିସି ଓ ପଛୁଆବର୍ଗଙ୍କ ଜନଗଣନା ପାଇଁ ରାଜ୍ୟ ସରକାର ସଂକଳ୍ପ ପତ୍ର କେନ୍ଦ୍ର ସରକାରଙ୍କ ନିକଟକୁ ପଠାଇଥିଲେ । ହେଲେ କେନ୍ଦ୍ର ନକରାତ୍ମକ ଆଭିମୁଖ୍ୟ ଦେଖାଇଥିଲା । ଫଳରେ ନିଜେ ଅନ୍ୟାନ୍ୟ ପଛୁଆ ବର୍ଗଙ୍କ ଗଣନା କରିବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଯାହା ରାଜ୍ୟରେ ପ୍ରଥମଥର ହେବ ।

   Related Posts