Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ରେଳ ବଜେଟ୍‌ରେ ଓଡ଼ିଶାର ଅନୁଦାନକୁ ନେଇ ବିଜେପି ଓ ବିଜେଡି ମୁହାଁମୁହିଁ

11/02/2020 at 7:11 PM

ଭୁବନେଶ୍ୱର ୧୧।୦୨ – ରେଳ ବଜେଟ୍‌ରେ ଓଡ଼ିଶାର ଅନୁଦାନକୁ ନେଇ ବିଜେପି ଓ ବିଜେଡି ମୁହାଁମୁହିଁ। ଆଜି  ବିଧାନସଭା ଗୃହ କମିଟି କେନ୍ଦ୍ର ରେଳମନ୍ତ୍ରୀଙ୍କୁ ଭେଟିବା ପୂର୍ବରୁ ଆରମ୍ଭ ହୋଇଛି ରାଜନୀତି। ବିଧାନସଭାଗୃହ କମିଟିରେ ଥିବା ବିଜେଡି ସଭ୍ୟମାନେ ସତ୍ୟ ଓ ତଥ୍ୟ ଆଧାରରେ କେନ୍ଦ୍ର ମନ୍ତ୍ରୀଙ୍କ ଆଗରେ ଦାବି ଉପସ୍ଥାପନ କରନ୍ତୁ ବୋଲି ରାଜ୍ୟ ବିଜେପି ସମ୍ବାଦିକ ସମ୍ମିଳନୀ ଦାବି କରିଥିଲା । ଏହାସହ ୟୁପିଏ ସରକାର ଅମଳରେ ରାଜ୍ୟକୁ ରେଳବଜେଟ୍‌ରେ ଅନୁଦାନ ଓ ଏନ୍‌ଡିଏ ଶାସନ କାଳରେ ମିଳିଥିବା ଅନୁଦାନର ଚିଠା ରଖିଥିଲା ବିଜେପି । ଅନ୍ୟପଟେ ବିଜେଡି ବଜେଟ୍‌ରେ ରେଳ ପାଇଁ ଅନୁଦାନ କେତେ ମିଳିଛି ଓ କେତେ ଖର୍ଚ୍ଚ ହୋଇଛି ସେନେଇ କେନ୍ଦ୍ର ସରକାରଙ୍କୁ ହିସାବ ମାଗିଛି । ….

ବଜେଟରେ ଓଡ଼ିଶାକୁ ରେଳବାଇ ଅନୁଦାନ ନେଇ ବିଜେପି ବିଜେଡି ମୁହାଁମୁହିଁ । ବିଧାନସଭା ରେଳବାଇ ଗୃହକମିଟି କେନ୍ଦ୍ରମନ୍ତ୍ରୀଙ୍କୁ ଭେଟିବା ପୂର୍ବରୁ ବିଜେପି ଓ ବିଜେଡି ପରସ୍ପରକୁ ଆକ୍ଷେପ କରିଛନ୍ତି । ସତ୍ୟ ଓ ତଥ୍ୟ ଆଧାରରେ ଗୃହ କମିଟିର ବିଜେଡି ସଭ୍ୟ କେନ୍ଦ୍ରମନ୍ତ୍ରୀଙ୍କ ଆଗରେ ଦାବି ରଖନ୍ତୁ ବୋଲି ବିଜେପି ଦାବି କରିଛି। ଏହା ସହ ୟୁପିଏର ୧୦ ବର୍ଷ ଓ ମୋଦି ସରକାରଙ୍କ ୬ ବର୍ଷ ରେଳ ଅନୁଦାନର ଚିଠା ଉପସ୍ଥାପନ କରିଛି ଦଳ। ବିଜେପି କହିଛି ୧୦ ବର୍ଷର ୟୁପିଏ ସରକାରରେ ଓଡ଼ିଶାକୁ ରେଳବେଜଟ୍‌ରେ ମିଳିଥିଲା ୪ ହଜାର ୨୩୨ କୋଟି ଟଙ୍କା।  ହେଲେ ୬ ବର୍ଷରେ ମୋଦି ସରକାର ଦେଇଛନ୍ତି ୨୯ ହଜାର ୧୧୨ କୋଟି । ସ୍ଥାନୀୟ ପ୍ରଶାସନର ଅସହଯୋଗ, ଜମି ଅଧଗ୍ରହଣ ନହେବା , ଆଇନ ଶୃଙ୍ଖଳା ପରିସ୍ଥିତି ଯୋଗୁଁ ରାଜ୍ୟରେ ୧୪ଟି ରେଳ ପ୍ରକଳ୍ପ ଅଟକିଛି। ଏନେଇ ରାଜ୍ୟ ସରକାରଙ୍କୁ କେନ୍ଦ୍ରମନ୍ତ୍ରୀ ପିୟୁଷ ଗୋୟଲ ଚିଠି ଲେଖି ଜଣାଇଥିଲେ ବି ରାଜ୍ୟ ସରକାର କୌଣସି ଉତ୍ତର ଦେଉନାହାନ୍ତି।

ଅନ୍ୟପକ୍ଷରେ ଜନମତକୁ ବିଭ୍ରାନ୍ତ କରିବାକୁ ବିଜେପି ଏପରି କହୁଥିବା ଅଭିଯୋଗ କରିଛି ବିଜେଡି । ୨୦୧୧ ରୁ ୨୦୨୦ ଭିତରେ ରେଳ ଵଜେଟ ବଢିଛି। ୧୦ ବର୍ଷରେ ଗୋଟିଏ ବି ପ୍ରକଳ୍ପ ସରି ନାହିଁ । ତେଣୁ ଅର୍ଥ କେଉଁଠି ଖର୍ଚ୍ଚ ହେଉଛି ବୋଲି ବିଜେଡି ହିସାବ ମାଗିଛି ?  ଏଥିପାଇଁ ବିଜେପି ଓ ରେଳବିଭାଗକୁ ବିତର୍କକୁ ଡାକିଛି ବିଜେଡି । SPV Project ରେ ଗତ ୪ ବର୍ଷ ହେବ ରାଜ୍ୟ ସରକାର ଅର୍ଥ ଦେଉଥିଲେ ମଧ୍ୟ ପ୍ରକଳ୍ପକୁ କ୍ୟାବିନେଟ ମଞ୍ଜୁରୀ ମିଳୁନି ବୋଲି ବିଜେଡି ଅଭିଯୋଗ କରିଛି ।ସେପଟେ ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ଅଧ୍ୟକ୍ଷତାରେ ଦିଲ୍ଲୀରେ ପହଞ୍ଚିଥିବା ରେଳବାଇ ଗୃହ କମିଟି ରେଳମନ୍ତ୍ରୀଙ୍କୁ ଭେଟିବା ପୂର୍ବରୁ ପ୍ରତିକ୍ରିୟା ରଖିଛି । ବାଚସ୍ପତି କହିଛନ୍ତି ରେଳ ବଜେଟରେ ଓଡିଶାକୁ ଅଣ ଦେଖା କରାଯାଇଛି ।

ପରସ୍ପର ଆରୋପ ପ୍ରତ୍ୟାରୋପ ଭିତରେ ରାଜ୍ୟ ରେଳ ବିକାଶର ଅସଲି ମୁଦ୍ଦାକୁ ଭୁଲି ଯାଉଛନ୍ତି ଦୁଇଦଳ । ଏହା ଉପରେ ଫୋକସ୍ କରିବାକୁ ଦାବି ଉଠିଛି ।

   Related Posts