ଭୁବନେଶ୍ୱକ/ବିଜେପୁର - ବିଜେପୁର ଉପନିର୍ବାଚନ ବିଗୁଲ ବାଜୁ ବାଜୁ ଆରମ୍ଭ ହୋଇଗଲାଣି ପ୍ରାକ ନିର୍ବାଚନୀ ହିଂସା । ପ୍ରାର୍ଥୀ ଘୋଷଣା ସରିନି କି ପ୍ରଚାର ଆରମ୍ଭ ହୋଇନି ମଇଦାନରେ ବୁଲିଲାଣି ଭୁଜାଲି। ଯେଉଁଥିରେ ଲହୁ ଲୁହାଣ ହୋଇଛନ୍ତି  ବିଜେପି କର୍ମୀ। ଏଭଳି ଆକ୍ରମଣକୁ ନେଇ ବିଜେପି ଓ କଂଗ୍ରେସ ବିଜେଡିକୁ ଟାର୍ଗେଟ କରିଛନ୍ତି। ଏପଟେ ବିଜେଡି ତଦନ୍ତ କଥା କହି ମାମଲାକୁ ହଲକା କରିବାକୁ ଉଦ୍ୟମ କରିଛି । … 

{"id":163853,"width":563,"height":258}

ପ୍ରଚାର ଆରମ୍ଭ ହୋଇନି କି ପ୍ରାର୍ଥୀ ଘୋଷଣା ସରିନି । ବିଜେପୁରରେ ଆରମ୍ଭ ହୋଇଗଲାଣି  ହିଂସା ଓ ହଣାକଟା । ବିଜେପୁର ବ୍ଳକ ପଡା ଗାଁର ବିଜେପି କର୍ମୀ ମନୋରଞ୍ଜନ ମେହେରଙ୍କୁ ଭୁଜାଲିରେ ହାଣି ଆକ୍ରମଣ କରି ଲହୁଲହାଣ କରିଛନ୍ତି କିଛି ଦୁର୍ବୃତ୍ତ । ଏହାକୁ ନେଇ ବିରୋଧୀ ବିଜେପି ଓ କଂଗ୍ରେସ  ବିଜେଡିକୁ ଟାର୍ଗେଟ କରିଛନ୍ତି । ବିଜେପୁରରେ ଭୟ ଓ ଆତଙ୍କ ବାତାବରଣ ସୃଷ୍ଟି କରିବାକୁ ବିଜେଡି ଉଦ୍ୟମ କରୁଛି ବୋଲି ବିଜେପି ଅଭିଯୋଗ କରିଛି। କଂଗ୍ରେସ କହିଛି ଏଭଳି ହିଂସାରୁ ଦୂରେଇ ରହୁ ବିଜେଡି।  ବିଜେପି ଉପସଭାପତ ସମୀର ମହାନ୍ତି ଓ କଂଗ୍ରେସ ବିଧାୟକ ସୁର ରାଉତରାୟ ଏହି ହିଂସା ପାଇଁ ବିଜେଡିକୁ ଦାୟୀ କରିଛନ୍ତି ।

{"id":163855,"width":569,"height":279}

୨୦୧୭ରେ ବିଜେପୁର ଉପନିର୍ବାଚନରେ ଗୋଟିଏ ମୁଣ୍ଡ ଗଡିଥିଲା । ଏବେ ଆକ୍ରମଣର ଶିକାର ବିଜେପି କର୍ମୀ ମନୋରଞ୍ଜନ ମେହେରଙ୍କ ଘରେ ଗୁଳି ମାଡ ବି ହୋଇଥିଲା । ଯାହାକୁ ଗଣ୍ଠିକରି ବିରୋଧୀ ବିଜେଡି ଉପରକୁ ଦୋଷ ଲଦୁଥିବା ବେଳେ ବିଜେଡି ଏଭଳି ଅଭିଯୋଗକୁ ଖଣ୍ଡନ କରିଛି । ସବୁ ହିଂସାକାଣ୍ଡକୁ ରାଜନୈତିକ ହିଂସାକାଣ୍ଡ ରୂପେ ତୁଳନା କରାଯିବା ଉଚିତ ନୁହେଁ । ପୋଲିସ ତଦନ୍ତ ପରେ ଜଣାପଡିବ ଏଥିରେ କାହାର ହାତ ଅଛି ବୋଲି ଶାସକଦଳ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି  । 

{"id":163856,"width":537,"height":263}

 ଏହି ଘଟଣା ପରେ ବିଜେଡି ବିଜେପି କର୍ମୀଙ୍କ ଭିତରେ ଛକାଛକି ଆରମ୍ଭ ହୋଇଗଲାଣି। ଏବେଠୁ ପଦକ୍ଷେପ ନନେଲେ ପୁଣି ୨୦୧୭ ଉପନିର୍ବାଚନ ଭଳି ସ୍ଥିତି ଉପୁଜିବାର ଯଥେଷ୍ଟ ସମ୍ଭାବନା ରହିଛି