Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||

ନେତାଙ୍କ ପାଇଁ ଟେନସନ୍ ବଢାଇଛି ମୋବାଇଲ : ଘାରିଛି କଲ୍ ରେକର୍ଡିଂ ଭୟ, ଚାଟିଂ କରିବାକୁ ମଧ୍ୟ ଡରୁଛନ୍ତି

6/12/2020 at 2:42 PM

ଭୁବନେଶ୍ୱର, ୦୬।୧୨: ନେତାଙ୍କୁ ଫୋନ୍ କଲ୍ ଡର। କେବଳ ଜଣେ ନୁହେଁ ଅଧିକାଂଶ ମନ୍ତ୍ରୀ, ବିଧାୟକ, ନେତାଙ୍କୁ ଏବେ ଘାରିଲାଣି ଫୋନ୍ କଲ୍ ଡର। ଅଫିସର ବି ଡରୁଛନ୍ତି ମୋବାଇଲରେ କଥା ହେବାକୁ। ଲକ୍ଷ ଲକ୍ଷ ଟଙ୍କାର ହାଇଫାଇ ଦାମୀ ବ୍ରାଣ୍ଡ ମୋବାଇଲ ଉପରେ ବି ଆଉ ଭରସା ପାଉନି। ସଭିଙ୍କୁ ଡର ଫୋନ୍ କଥା ରେକର୍ଡିଂ ହେଉନି ତ ? ଯଦି ଭାଇରାଲ ହୋଇଗଲା ତେବେ ?? ଡର ଏମିତି ଘାରିଲାଣି ଯେ ଫୋନ୍ ରେ ଯେବେ ବି କଥା ହେଉଛନ୍ତି କୋଡ୍ ୱାର୍ଡରେ। ନାଁ ନଧରି କାହାକୁ ଏଏସ୍ ତ କାହାକୁ ପିପି… କାହାକୁ ଭାଇରସ୍ … ପୁଣି କାହାର ନାଁ ବଦଳରେ ମ୍ୟାଡାମ୍ କହୁଛନ୍ତି।

ନିକଟରେ ଫୋନ୍ କଲ୍ ଅଡ଼ିଓ ଭାଇରାଲକୁ ନେଇ କେତେକ ନେତା ବିବାଦରେ ଛନ୍ଦି ହୋଇଛନ୍ତି। ଏଇ କିଛି ଦିନ ତଳେ ଗୋଟିଏ ଅଡିଓ ଭାଇରାଲ ହୋଇଛି। ସେଥିରେ କୁଆଡ଼େ ନିଆଳି ବିଧାୟକ ଡାକ୍ତର ପ୍ରମୋଦ ମଲ୍ଲିକ ନିଜ ନିର୍ବାଚନମଣ୍ଡଳୀର ଜଣେ ଲୋକଙ୍କ ସହ କଥା ହେଉଥିବା ବେଳେ ଆଉ ଜଣଙ୍କ ନାଁରେ ପ୍ରବଳ ଗାଳିଗୁଲଜ କରିବା ଚର୍ଚ୍ଚା ହୋଇଥିଲା। ଏହା ସତ କି ମିଛ ଜଣାନାହିଁ, କିନ୍ତୁ ବିବାଦରେ ଛନ୍ଦି ହେଲେ ବିଧାୟକ ପ୍ରମୋଦ ମଲ୍ଲିକ ।

ଠିକ୍‌ ସେମିତି ଫୋନ୍‌ରେ କଥାବେଳେ ଅଶ୍ଳିଳ ଭାଷା ପ୍ରୟୋଗ ନେଇ ନିକଟରେ ଆଉ ଏକ ଅଡିଓ ଭାଇରାଲ୍‌ ହୋଇଛି । ଏହା କୁଆଡ଼େ ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ଫୋନ୍‌ କଲ୍‌ର ଅଡିଓ ଭାଇରାଲ୍‌ ବୋଲି ସୋସିଆଲ୍‌ ମିଡିଆରେ ଚର୍ଚ୍ଚା ହେଉଛି । କିନ୍ତୁ ଏହାର କୌଣସି ପ୍ରମାଣ ନାହିଁ କିମ୍ବା ଏହା କେତେ ସତ କେତେ ମିଛ, ତାହା ଜଣାନାହିଁ । ଏ ନେଇ ସାଇବର ଥାନାରେ ମାମଲା ରୁଜୁ ହୋଇଛି ।

ନୟାଗଡ଼ର କୁନି ଝିଅ ପରୀ ହତ୍ୟା ମାମଲାକୁ ନେଇ ରାଜ୍ୟ ରାଜନୀତି ଉଠୁଥିବା ପଡ଼ୁଥିବାବେଳେ ଏକ ଫୋନ୍‌ କଲ୍‌ ଭାଇରାଲ୍‌ ନେଇ ବିବାଦରେ ଛନ୍ଦି ହୋଇଥିଲେ ମନ୍ତ୍ରୀ ଅରୁଣ ସାହୁ। ଏହି ଭାଇରାଲ୍‌ ଅଡିଓର ସତ୍ୟତା ବାବଦରେ ବି କିଛି ଜଣାନାହିଁ, କିନ୍ତୁ ଏହାକୁ ନେଇ ବିରୋଧୀ ମନ୍ତ୍ରୀଙ୍କୁ ଘେରିଛନ୍ତି। ବହୁ ନେତା ନିଜ ଘନିଷ୍ଠ ଡ୍ରାଇଭର, ଖାସ୍‌ ଅନୁଗତ କିମ୍ବା ପିଏସ୍‌ଓଙ୍କ ଫୋନ୍‌ରେ କଥାବାର୍ତ୍ତା ହେଉଛନ୍ତି । ତଥାପି ଭୟ ଛାଡ଼ୁନି । ଯଦି ଅନୁଗତ ଭିତରେ ଭିତରେ ତାଙ୍କ କ୍ୟାମ୍ପ ଛାଡ଼ି ବିରୋଧୀ କ୍ୟାମ୍ପ ଯୋଗାଯୋଗରେ ଥିବେ, ତେବେ ଫସିବା ଏକ ପ୍ରକାର ଥୟ । ସାଧାରଣରେ ସବୁ ପେଡ଼ି ଖୋଲିଯିବ । ଚିନ୍ତାର ବିଷୟ ହେଲା, ଏଭଳି ଧୋକାବାଜ୍‌ ଅନୁଗତଙ୍କୁ ଆଗୁଆ ଚିହ୍ନିବା ମୁସ୍କିଲ ହୋଇପଡିଛି ନେତାଙ୍କ ପାଇଁ । ମୋବାଇଲ୍‌ ସ୍କ୍ରିନ୍‌ ସଟ୍‌ ଭୟରେ ଅନେକ ନେତା ଏବେ ଚାଟିଂକୁ ବି ଡରିଲେଣି । ନା ହ୍ୟାଟ୍‌ଆପ୍‌ ନା ଫେସବୁକ୍‌ ମେସେଞ୍ଜର, ଯେତେ ଚାଟିଂ କଲେ ବି ଜବାବ ଦେଉନାହାନ୍ତି । ଦେଖିଲେ ମଧ୍ୟ ଆଖି ଆଡ଼େଇ ଦେଉଛନ୍ତି ।
ସବୁ ଦଳରେ କିଛି ନା କିଛି କେଁ କଟର ରହିଛି । କିଏ କାହା ପାଇଁ ଖାସ୍‌ ତ ଆଉ କାହା ପାଇଁ କଣ୍ଟା । ସାଧାରଣତଃ ଖାସ୍‌ ଅନୁଗତ ଓ ଘନିଷ୍ଠ ନେତାଙ୍କ ସହ ଦଳର ଭିତିରି କଥା ବାବଦରେ ନେତାମାନେ ଆଲୋଚନା କରିଥାନ୍ତି । ଏବେ କିନ୍ତୁ, ଫୋନ୍‌ରେ ଦଳର ଭିତିରି କଥା ବାବଦରେ ପଚାରିଲେ କେହି ମୁହଁ ଖୋଲୁନାହାନ୍ତି ।

କେବଳ ନେତା ନୁହେଁ ସରକାରୀ ଅଫିସର ମଧ୍ୟ ଆଗଭଳି ଫୋନ୍‌ରେ ବିଶେଷ କଥା ହେଉନାହାନ୍ତି । ବ୍ୟକ୍ତିଗତ କଥା ପାଇଁ ଅନେକ ନୂଆ ନମ୍ବର ବ୍ୟବହାର କଲେଣି । ଫୋନ୍‌ କଲେ ପ୍ରାୟତଃ ଅଫିସର (ବରିଷ୍ଠ/କନିଷ୍ଠ) ଧରୁନାହାନ୍ତି । ଧରିଲେ ଠିକ୍‌ ଭାବେ କଥା ହେଉନାହାନ୍ତି । ବ୍ୟସ୍ତତାର ଆଳ ଦେଖାଇ ଫୋନ୍‌ କାଟି ଦେଉଛନ୍ତି ।

 ଏମିତି କାହିଁକି ହେଉଛନ୍ତି, ପଚାରିଲେ ଫୋନ୍‌ରେ ସ୍ପଷ୍ଟ ଉତ୍ତର ମିଳୁନି । କିନ୍ତୁ ସାମ୍ନାସାମ୍ନି ପଚାରିଲେ କେତେକ ନେତା ଓ ଅଫିସର ପାଖକୁ ଆସି ଅସଲ କଥା କହୁଛନ୍ତି । କାନ କଡ଼ରେ ମୁହଁ ଜାକି କହୁଛନ୍ତି, ଏ ମୋବାଇଲ୍‌ଠାରୁ ଯେତେ ଦୂରେଇ ରହିବ ଭଲ । ବର୍ଷ ବର୍ଷର ତପସ୍ୟା ଶୁକୁଆ ପୋଡ଼ାରେ ବରବାଦ୍‌ ହେବା ଭଳି ଗୋଟିଏ ଫୋନ୍‌ କଲ୍‌ ଭାଇରାଲ୍‌ ହେଲେ ପୂରା କ୍ୟାରିୟର ମାଟି ହୋଇଯିବ । କାହାକୁ ଭରସା କରିବୁ, କାହାକୁ ନ କରିବୁ… ଜାଣିପାରୁନୁ । ତେଣୁ ଫୋନ୍‌ କଲ୍‌କୁ ପୂରା ହୁସିଆର ବୋଲି ନେତାମାନେ କହିବା ଆରମ୍ଭ କଲେଣି ।

   Related Posts