Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ନିର୍ବାଚନ ପରେ ସରିଲା ତର୍ଜମା , ପ୍ରମୁଖ ରାଜନୈତିକ ଦଳ ଆରମ୍ଭ କଲେ ଘର ସଜଡା କାମ

24/08/2019 at 5:49 PM

ଭୁବନେଶ୍ବର ୨୪।୮- ସରିଲା ନିର୍ବାଚନ । କେଉଁଠି ଠିକ୍ ହେଲା କେଉଁଠି ଭୁଲ୍ ରହିଲା ସେ ନେଇ ତିନି ପ୍ରମୁଖ ଦଳ ବିଜେଡି, ବିଜେପି ଓ କଗ୍ରେସ ତର୍ଜମା କରିଥିଲେ । ଆଉ ଏବେ ସଂଗଠନ ସଜଡା କାମ ଆରମ୍ଭ ହୋଇଛି । ବିଜେପି ଓ ବିଜେଡି ସଂଗଠନ ସଜଡ଼ାକାମ ଆରମ୍ଭ କରିଦେଇଥିବା ବେଳେ କଂଗ୍ରେସ ମଧ୍ୟ ଘର ସଜାଡ଼ିବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କରୁଛି ।

ନିର୍ବାଚନରେ ଠିକ୍ ଭୁଲ୍‌ର ତର୍ଜମା ପରେ ଏବେ ପ୍ରମୁଖ ରାଜନୈତିକ ସଂଗଠନ ସଜାଡି଼ବା କାମ । ପ୍ରଥମେ ବିଜେପି ଆଉ ଏବେ ବିଜେଡି ସଂଗଠନ କାର୍ଯ୍ୟ ତ୍ବରାନ୍ବିତ ପାଇଁ ଅଣ୍ଟା ଭିଡିଛନ୍ତି । ସାରା ଦେଶରେ ବିଜେପିର ସଦସ୍ୟତା ଅଭିଯାନ କାମ ଆରମ୍ଭ ହୋଇଯାଇଛି । ଦଳୀୟ ସାଂଗଠନିକ ନିର୍ବାଚନ ପାଇଁ ଏକ ରାଜ୍ୟସ୍ତରୀୟ କର୍ମଶାଳା ଆୟୋଜନ କରିବାକୁ ଯାଉଛି ବିଜେପି । ଏଥିପାଇଁ ୩୦୦ ନେତାଙ୍କୁ ଦାୟିତ୍ବ ବଣ୍ଟା ଯାଇଛି । ସବୁ ସାଙ୍ଗଠନିକ ଜିଲ୍ଲା ପାଇଁ ନିର୍ବାଚନ ଅଧିକାରୀ ମନୋନୀତ ହୋଇଛନ୍ତି । ସେପଟେ ବିଜୁ ଜନତା ଦଳ ସେପ୍ଟେମ୍ବର ୨ରୁ ସଦସ୍ୟତା ଅଭିଯାନ ଆରମ୍ଭ କରିବାକୁ ଘୋଷଣା କରିଛି । ଏଥିପାଇଁ ଏକ ରାଜ୍ୟ ସ୍ତରୀୟ କମିଟି ଗଠନ କରିଛନ୍ତି ଦଳ ସୁପ୍ରିମୋ ନବୀନ ପଟ୍ଟନାୟକ । ପ୍ରସନ୍ନ ଆଚାର୍ଯ୍ୟ, ପ୍ରମିଳା ମଲ୍ଲିକ, ସଂଜୟ ଦାସବର୍ମା, ପ୍ରତାପ ଦେବ, ପ୍ରଦୀପ ପାଣିଗ୍ରାହୀ ଓ ପ୍ରଣବ ପ୍ରକାଶ ଦାସ ଏହି କମିଟିର ସଦସ୍ୟ ରହିବେ । ଦେବୀ ମିଶ୍ର କମିଟିର ଆବାହକ ଦାୟିତ୍ବ ତୁଲାଇବେ।

ଅନ୍ୟପଟେ କଂଗ୍ରେସ ମଧ୍ୟ ନିଜ ସଂଗଠନ ସଜାଡିବାକୁ ସଜବାଜ ହେଉଛି । ଗତକାଲି ଏଆଇସିସି ପକ୍ଷରୁ ଦିଲ୍ଲୀରେ ଆୟୋଜିତ ବୈଠକରେ ଓଡିଶା ନେତାଏ ଯୋଗ ଦେଇ ଫେରିବା ପରେ କହିଛନ୍ତି, ଦଳର ସଂଗଠନ କାମ ଖୁବ ଶୀଘ୍ର ଆରମ୍ଭ ହେବ । ନିର୍ବାଚନରେ ଦଳର ଖରାପ ପ୍ରଦର୍ଶନ ନେଇ ପିସିସି ସଭାପତି ପଦରୁ ନିରଞ୍ଜନ ପଟ୍ଟନାୟକ ଇସ୍ତଫା ଦେଇଛନ୍ତି । କିନ୍ତୁ ତାହା ଗ୍ରହଣ ହେଉନି । ଯାହା ଲାଗୁଛି ପିସିସି ସଭାପତି ପଦରେ ନିରଞ୍ଜନ ହିଁ ରହିବେ, ତାଙ୍କ ନେତୃତ୍ବରେ କଂଗ୍ରେସ ସଂଗଠନ ସଜାଡିବ ।

ଆଗକୁ ନିଗମ ଓ ମ୍ୟୁନିସପାଲିଟ ନିର୍ବାଚନ । ତେଣୁ ସବୁଦଳ ସଂଗଠନ କାମ ସାରିବାକୁ ଜୋରଦାର ପ୍ରସ୍ତୁତି କରିବା ମୁଡ୍‌ରେ । ସେପଟେ ରାଜ୍ୟ ବିଜେପିରେ ନୂଆ ସଭାପତି ସହ ସାଙ୍ଗଠନିକ ପୁନର୍ବିନ୍ୟାସ କାମ  ବାକି ରହିଛି । ତେଣୁ ନୂଆ ସଦସ୍ୟତା କାର୍ଯ୍ୟକ୍ରମ ପରେ ଦଳ ସଭାପତିଙ୍କ ନାଁ ଘୋଷଣା କରିବ ବିଜେପି । ବିଜେଡିରେ ଯେହେତୁ ସେ ସମସ୍ୟା ନାହିଁ ତେଣୁ ନୂଆ ନୂଆ ଲୋକଙ୍କୁ ମିଶାଇ ଦଳକୁ ମଜବୁତ କରିବା ଯୋଜନାରେ ବିଜେଡି । ସେପଟେ କଂଗ୍ରେସ ବି ସଂଗଠନରେ ବଡ ଅଦଳ ବଦଳ କରିବାକୁ ବ୍ଲୁପ୍ରିଣ୍ଟ ପ୍ରସ୍ତୁତ କରିଛି ।

   Related Posts