Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ପୋଲିସ ପଞ୍ଝାରେ ଡ୍ରଗ୍ସ ରାଜା ଓ ରାଣୀ; କେମିତି ଭାଙ୍ଗିଲା ଧଳା ଜହରର ଅବୈଧ ଅଭେଦ୍ୟ ଦୁର୍ଗ ଜାଣନ୍ତୁ…

18/09/2019 at 6:33 PM

ଭୁବନେଶ୍ବର୧୮|୯; ବାଲେଶ୍ବରର କୁଖ୍ୟାତ ଡ୍ରଗ୍‌ସ ମାଫିଆ ଶେଖ୍‌ ରାଜାକୁ କ୍ରାଇମବ୍ରାଞ୍ଚ ଏସ୍‌ଟିଏଫ୍ ୭ ଦିନିଆ ରିମାଣ୍ଡରେ ନେଇଛି। ରାଜ୍ୟ ବାହାରେ  ରାଜାର  ବ୍ୟାବସାୟିକ ଲିଙ୍କ ଥିବା ସନ୍ଦେହ କରାଯାଉଛି ।  ଏପଟେ ରାଜଧାନୀ ଭୁବନେଶ୍ବରର ଡ୍ରଗ୍‌ସ ହବ୍‌ ଭାବେ ପରିଚିତ ଲକ୍ଷ୍ମୀସାଗର ହଳଦିପଡ଼ିଆ ବସ୍ତିରୁ ମୋଷ୍ଟ ୱାଣ୍ଟେଡ୍ ହସିନା ଖାତୁନ୍‌ କୁ ଗିରଫ କରିଛି ଏସ୍‌ଟିଏଫ୍‌ ସ୍ପେଶାଲ ଟିମ୍‌ ।….

ରାଜା ପାଖରୁ ବାହାରିବ ରାଜ୍ୟର ନିଶା ସାମ୍ରାଜ୍ୟର ଚେର। ବାଲେଶ୍ବରର ଧଳା ଜହର ମାଫିଆ ଶେଖ୍ ରାଜାକୁ ୭ ଦିନିଆ ରିମାଣ୍ଡରେ ନେଇଛି ଏସଟିଏଫ ।  ଏବେ ରାଜା ଓଗାଳିବ ଧଳା ଜହର ଦୁନିଆର କଳା କାରନାମାସବୁ। ଆଜି ତାର ବାଲେଶ୍ବର ଅର୍ଡର ବଜାର ସ୍ଥିତ ଘରେ ରେଡ୍ କରିଛି ପୋଲିସ ।  ଏ ହେଉଛି ଅର୍ଡର ବଜାର ମସଜିଦ୍ ଗଳିରେ ଥିବା ଶେଖ୍‌ ରାଜାର ଘର।  ଦେଖନ୍ତୁ ଲାଗିଛି ସିସିଟିଭି।  ରାଜା ଘରୁ ରହି ରାସ୍ତା ଉପରେ ରଖୁଥିଲା ନଜର।  ପୁଳା ପୁଳା ସିସିଟିଭି ରାସ୍ତାରେ ଲଗାଇଛି।  ଏହି ଘରେ ଶେଖ୍‌ ରାଜା ତାର ଭାଉଜ ସନୱାରା ସହିତ ରହୁଥିଲା ।  ଡିଏସପି ମନୋଜ ରାଉତଙ୍କ ନେତୃତ୍ବରେ ୫ ଜଣିଆ ଟିମ୍ ରାଜାର ଘରେ ତାଲା ଭାଙ୍ଗି ପଶିଥିଲେ।  ସିସିଟିଭି କ୍ୟାମେରା ଓ ହାର୍ଡ ଡିସ୍କ ଜବତ କରିଛି ପୋଲିସ। ।…

ରାଜ୍ୟ ବାହାରେ ମଧ୍ୟ ରାଜାର ବ୍ୟବସାୟିକ ଲିଙ୍କ ରହିଛି।  ପଚରାଉଚରା ସମୟରେ କୌଣସି ବିଦେଶୀ ବେପାରୀଙ୍କ ସହ ତାର ଲିଙ୍କ ରହିଛି କି ନାହିଁ ସେ ନେଇ ମଧ୍ୟ ଅନୁଧ୍ୟାନ କରୁଛି ଏସଟିଏଫ୍। ଆବଶ୍ୟକ ପଡିଲେ ପଶ୍ଚିମବଙ୍ଗ ଓ ବିହାରକୁ ଏସଟିଏଫର ୨ଟି ଟିମ୍ ତଦନ୍ତ ପାଇଁ ଯିବ। ମାସେ ଧରି କ୍ରାଇମବ୍ରାଞ୍ଚ ଏସଟିଏଫ୍‌କୁ ଚକମା ଦେଇ ଶେଖ ବୁଲୁଥିଲା। ରାଜ୍ୟ ବାହାରକୁ ପଳାଇଥିଲା।   କିନ୍ତୁ ଗତ ୧୫ ତାରିଖରେ ଭୁବନେଶ୍ବର ପହଞ୍ଚିବା ପରେ ଏସଟିଏଫ ତାକୁ ଗିରଫ କରିଥିଲା। ତା ନିକଟରୁ ଏକ ଲୋଡେଡ୍ ପିସ୍ତଲ, ୧ ଲକ୍ଷ ଟଙ୍କା , ୬ଟି ମୋବାଇଲ ଓ କାର ଜବତ କରିଥିଲା ଏସଟିଏଫ ଟିମ।  

ଏତିକିବେଳେ  ରାଜଧାନୀରେ ଗିରଫ ହୋଇଛିମୋଷ୍ଟ ୱାଣ୍ଟେଡ୍ ହସିନା ଖାତୁନ୍। ଧଳାଜହର ବେପାର ଦୁନିଆର ଖୁବ ଖତରନାକ।  ରାଜଧାନୀର ଡ୍ରଗ୍‌ସ ହବ୍‌ ହଳଦୀପଡ଼ିଆ ବସ୍ତିରେ ରହୁଥିଲା ହସିନା । ପୂର୍ବରୁ ୨-୨ ଥର ଗିରଫ ହୋଇଥିଲେ ବି ଜାମିନରେ ଆସି ଡ୍ରଗ୍ସ ବେପାର ଚଳାଉଥିଲା ।  ଖୋର୍ଦ୍ଧାରୁ ଗିରଫ ହୋଇଥିବା ଛୋଟ ସହ ଥିଲା ହସିନାର ଲିଙ୍କ।

ପ୍ରଥମେ ଛୋଟା, ପରେ ଶେଖ୍‌ ରାଜା ଆଉ ତା ପରେ ହସିନା ଖାତୁନ୍‌ ।  ଜଣକ ପରେ ଜଣେ ନିଶା ବେପାରୀଙ୍କ ଗିରଫଦାରୀ ରାଜ୍ୟରେ ଚେର ଭଳି ମାଡ଼ି ଯାଇଥିବା ଧଳାଜହର କାରବାରର ଗୁମର ଖୋଲବାରେ ଲାଗିଛି ।…

   Related Posts