ଭୁବନେଶ୍ବର୧୮|୮: ମିଷ୍ଟର କହ୍ନେୟା ଫିଲ୍ମର ଅରୁଚିକର ପୋଷ୍ଟରକୁ ନେଇ ଚାରିଆଡୁ ଜୋରଦାର ବିରୋଧ ପରେ ଶେଷରେ ସ୍ପଷ୍ଟୀକରଣ ରଖିଛନ୍ତି ପପୁ ପମ୍ପମ୍ ଓରଫ ତତ୍ତ୍ବପ୍ରକାଶ ଶତପଥୀ । ଏହି ପୋଷ୍ଟର ସହିତ ତାଙ୍କର କୌଣସି ସମ୍ପର୍କ ନାହିଁ, ଯେଉଁମାନେ ଏହାକୁ ତିଆରି କରିଛନ୍ତି ସେମାନଙ୍କୁ ଚିହ୍ନଟ କରାଯାଉ।
{"id":145832}ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି କହିଛନ୍ତି ପପୁ । ସେପଟେ ଭୁବନେଶ୍ବର ଡିସିପି କହିଛନ୍ତି, ଏହି ମାମଲାରେ ପ୍ରଯୋଜକ ଏବଂ ପ୍ରଯୋଜନା ସଂସ୍ଥାକୁ ନୋଟିସ୍ କରାଯିବ । ସୋସିଆଲ ମିଡିଆରେ ଯିଏ ଏହି ପୋଷ୍ଟରକୁ ପୋଷ୍ଟ କରିଛନ୍ତି ତାର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।…
{"id":145833}କିଏ ତିଆରି କରିଛି ଏଇ ଅରୁଚିକର ପୋଷ୍ଟର । କିଏ ମହିଳାମାନଙ୍କୁ ନେଇ ଖେଳ ଖେଳୁଛି। ମିଷ୍ଟର କହ୍ନେୟା ଫିଲ୍ମର ଏହି ପୋଷ୍ଟର ଅସଲି ନା ନକଲି । କିଏ ଏହି ପୋଷ୍ଟରକୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି ତାର ତଦନ୍ତ ହେବ ।
{"id":145834}ଫିଲ୍ମର ପ୍ରଯୋଜକ ଏବଂ ପ୍ରଯୋଜନା ସଂସ୍ଥାକୁ ନୋଟିସ୍ କରାଯିବ । ତଦନ୍ତ ପରେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଭୁବନେଶ୍ବର ଡିସିପି । ଗତକାଲି ବିବାଦୀୟ ପୋଷ୍ଟର ସମ୍ପର୍କୀତ ଖବର ପ୍ରସାରଣ ପରେ ସାମାଜିକ କର୍ମୀ ଲିଙ୍କନ ସୁବୁଦ୍ଧି ଭୁବନେଶ୍ବର ମହିଳା ଥାନା ଏବଂ ମହିଳା କମିସନରେ ଅଭିଯୋଗ କରିବା ପରେ ପୋଲିସ ଆକ୍ସନ ମୋଡ୍ କୁ ଆସିଛି।…
{"id":145835}ସେପଟେ ଏହି ବିବାଦୀୟ ପୋଷ୍ଟର ନେଇ ଫିଲ୍ମର ପ୍ରଡକ୍ସନ ହାଉସ୍ ସିଦ୍ଧାର୍ଥ ମ୍ୟୁଜିକ ଏବଂ ନିଜେ ଅଭିନେତା ପପୁ ପମପମ ସ୍ପଷ୍ଟୀକରଣ ଦେଇଛନ୍ତି ।ନିଜ ପୁରୁଣା ଷ୍ଟାଇଲରେ ପପୁ କହିଛନ୍ତି କେଉଁମାନେ ଏହି ପୋଷ୍ଟର ତିଆରି କରିଛନ୍ତି ସେମାନଙ୍କୁ ଚିହ୍ନଟ କରାଯାଉ । ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ।
{"id":145836}ତେବେ ତାଙ୍କ ପାଖକୁ ଏହି ଫଟୋ ଆସିବା ପରେ ସେ ନିଜ ହ୍ବାଟସ ଆପ ପେଜ୍ ରେ ଏହି ଫଟୋକୁ ସ୍ଥାନ ଦେଇଥିବା ସ୍ବୀକାର କରିଛନ୍ତି । ସେପଟେ ସିଦ୍ଧାର୍ଥ ମ୍ୟୁଜିକ କହିଛି, ଭାଇରାଲ୍ ପୋଷ୍ଟର ସହ ଫିଲ୍ମ ବିଷୟବସ୍ତୁର କୌଣସି ସଂପର୍କ ନାହିଁ ଆଉ ବେଳ ଦେଖି ଲୋକେ ଫିଲ୍ମ ଦେଖିବାକୁ ଅପିଲ କରିଛି।
{"id":145837}ପ୍ରଶ୍ନ ଉଠୁଛି ଯଦି ପ୍ରଯୋଜନା ସଂସ୍ଥା ଏହି ପୋଷ୍ଟର ତିଆରି କରିନି, ଆଉ କିଏ ଏବଂ କେଉଁ ଉଦ୍ଦେଶ୍ୟରେ ଏହାକୁ ଭାଇରାଲ କରିଛି । କିଏ ଉଦ୍ଦେଶ୍ୟମୂଳକ ଭାବେ ପ୍ରଯୋଜନା ସଂସ୍ଥାକୁ ବଦନାମ କରିବା ପାଇଁ କରିଛି, ନା ଜାଣିଶୁଣି ନେଗେଟିଭ୍ କ୍ୟାମ୍ପେନିଂ ଜରିଆରେ ଫିଲ୍ମର ପ୍ରମୋସନ କରିବାକୁ ଏପରି ଉଦ୍ୟମ କରାଯାଇଛି, ଏହାର ତଦନ୍ତ ବି ହେବା ଦରକାର ।…