Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚଣ୍ଡିଖୋଲ : ଅଜଣା ଗାଡି ଧକ୍କାରେ ହୋମ୍‌ଗାର୍ଡଙ୍କ ମୃତ୍ୟୁ
  • ||
  • କଳାହାଣ୍ଡି : ଏକତରଫା ପ୍ରେମରୁ ଗଲା ଜୀବନ, ଯୁବତୀଙ୍କ ଗଳା କାଟିଦେଲା ପ୍ରେମିକ, ଆକ୍ରମଣରେ ଯୁବତୀଙ୍କ ମା’ ମୃତ
  • ||
  • ଢେଙ୍କାନାଳ : ୩ଦିନ ହେଲା ଜଳୁଛି ଜଙ୍ଗଲ, ଲକ୍ଷ ଲକ୍ଷ ଗଛ ପୋଡି ପାଉଁଶ, ଭୟରେ ଜଙ୍ଗଲ ଛାଡି ପଳାଉଛନ୍ତି ବନ୍ୟଜନ୍ତୁ
  • ||
  • ଢେଙ୍କାନାଳ : କପିଳାଶ, ସପ୍ତଶଯ୍ୟା ଓ ମହିମା ଗାଦି ସମେତ ୬ଟି ପର୍ଯ୍ୟଟନସ୍ଥଳୀର ହେବ ସଂଯୋଗୀକରଣ
  • ||
  • ସ୍ୱିଜରଲାଣ୍ଡରେ ସର୍ବସାଧାରଣ ସ୍ଥାନରେ ବୁର୍ଖା ପିନ୍ଧିବା ମନା ! ମତଦାନ ଦ୍ୱାରା ନିଆଗଲା ନିଷ୍ପତ୍ତି
  • ||
  • ରାଫେଲ୍ ତିଆରି କରିଥିବା କମ୍ପାନୀର ମାଲିକ ମୃତ, ହେଲିକପ୍ଟର ଦୁର୍ଘଟଣାରେ ହାରିଲେ ଜୀବନ
  • ||
  • ଆଜିଠୁ ବଢିବ ତାତି, ଆଭ୍ୟନ୍ତରୀଣ ଓଡିଶାରେ ଅନୁଭୂତ ହେବ ଅସହ୍ୟ ଗରମ
  • ||
  • ଟିକା ନେବା ପରେ କୋଭିଡ୍ ପଜିଟିଭ୍ ହେଲେ ଭିଜିଲାନ୍ସ ଏସପି
  • ||

ପପୁଙ୍କ ବିବାଦୀୟ ପୋଷ୍ଟର ମାମଲାରେ ଫିଲ୍ମ ପ୍ରଯୋଜନା ସଂସ୍ଥାକୁ ନୋଟିସ କରାଯିବ: ଡିସିପି

18/08/2019 at 5:56 PM

ଭୁବନେଶ୍ବର୧୮|୮: ମିଷ୍ଟର କହ୍ନେୟା ଫିଲ୍ମର ଅରୁଚିକର ପୋଷ୍ଟରକୁ ନେଇ ଚାରିଆଡୁ ଜୋରଦାର ବିରୋଧ ପରେ ଶେଷରେ ସ୍ପଷ୍ଟୀକରଣ ରଖିଛନ୍ତି ପପୁ ପମ୍‌ପମ୍ ଓରଫ ତତ୍ତ୍ବପ୍ରକାଶ ଶତପଥୀ । ଏହି ପୋଷ୍ଟର ସହିତ ତାଙ୍କର କୌଣସି ସମ୍ପର୍କ ନାହିଁ, ଯେଉଁମାନେ ଏହାକୁ ତିଆରି କରିଛନ୍ତି ସେମାନଙ୍କୁ ଚିହ୍ନଟ କରାଯାଉ।

ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି କହିଛନ୍ତି ପପୁ । ସେପଟେ ଭୁବନେଶ୍ବର ଡିସିପି କହିଛନ୍ତି, ଏହି ମାମଲାରେ ପ୍ରଯୋଜକ ଏବଂ ପ୍ରଯୋଜନା ସଂସ୍ଥାକୁ ନୋଟିସ୍ କରାଯିବ । ସୋସିଆଲ ମିଡିଆରେ ଯିଏ ଏହି ପୋଷ୍ଟରକୁ ପୋଷ୍ଟ କରିଛନ୍ତି ତାର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।…

କିଏ ତିଆରି କରିଛି ଏଇ ଅରୁଚିକର ପୋଷ୍ଟର । କିଏ ମହିଳାମାନଙ୍କୁ ନେଇ ଖେଳ ଖେଳୁଛି। ମିଷ୍ଟର କହ୍ନେୟା ଫିଲ୍ମର ଏହି ପୋଷ୍ଟର ଅସଲି ନା ନକଲି । କିଏ ଏହି ପୋଷ୍ଟରକୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି ତାର ତଦନ୍ତ ହେବ ।

ଫିଲ୍ମର ପ୍ରଯୋଜକ ଏବଂ ପ୍ରଯୋଜନା ସଂସ୍ଥାକୁ ନୋଟିସ୍ କରାଯିବ । ତଦନ୍ତ ପରେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଭୁବନେଶ୍ବର ଡିସିପି । ଗତକାଲି ବିବାଦୀୟ ପୋଷ୍ଟର ସମ୍ପର୍କୀତ ଖବର ପ୍ରସାରଣ ପରେ ସାମାଜିକ କର୍ମୀ ଲିଙ୍କନ ସୁବୁଦ୍ଧି ଭୁବନେଶ୍ବର ମହିଳା ଥାନା ଏବଂ ମହିଳା କମିସନରେ ଅଭିଯୋଗ କରିବା ପରେ ପୋଲିସ ଆକ୍ସନ ମୋଡ୍ କୁ ଆସିଛି।…

 ସେପଟେ ଏହି ବିବାଦୀୟ ପୋଷ୍ଟର ନେଇ ଫିଲ୍ମର ପ୍ରଡକ୍ସନ ହାଉସ୍ ସିଦ୍ଧାର୍ଥ ମ୍ୟୁଜିକ ଏବଂ ନିଜେ ଅଭିନେତା ପପୁ ପମପମ ସ୍ପଷ୍ଟୀକରଣ ଦେଇଛନ୍ତି ।ନିଜ ପୁରୁଣା ଷ୍ଟାଇଲରେ ପପୁ କହିଛନ୍ତି କେଉଁମାନେ ଏହି ପୋଷ୍ଟର ତିଆରି କରିଛନ୍ତି  ସେମାନଙ୍କୁ ଚିହ୍ନଟ କରାଯାଉ । ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ।

 ତେବେ ତାଙ୍କ ପାଖକୁ ଏହି ଫଟୋ  ଆସିବା ପରେ ସେ ନିଜ ହ୍ବାଟସ ଆପ ପେଜ୍ ରେ  ଏହି ଫଟୋକୁ ସ୍ଥାନ ଦେଇଥିବା ସ୍ବୀକାର କରିଛନ୍ତି । ସେପଟେ ସିଦ୍ଧାର୍ଥ ମ୍ୟୁଜିକ କହିଛି, ଭାଇରାଲ୍ ପୋଷ୍ଟର ସହ ଫିଲ୍ମ ବିଷୟବସ୍ତୁର କୌଣସି ସଂପର୍କ ନାହିଁ ଆଉ ବେଳ ଦେଖି ଲୋକେ ଫିଲ୍ମ ଦେଖିବାକୁ ଅପିଲ କରିଛି।

ପ୍ରଶ୍ନ ଉଠୁଛି ଯଦି ପ୍ରଯୋଜନା ସଂସ୍ଥା ଏହି ପୋଷ୍ଟର ତିଆରି କରିନି, ଆଉ କିଏ ଏବଂ କେଉଁ ଉଦ୍ଦେଶ୍ୟରେ ଏହାକୁ ଭାଇରାଲ କରିଛି । କିଏ ଉଦ୍ଦେଶ୍ୟମୂଳକ ଭାବେ ପ୍ରଯୋଜନା ସଂସ୍ଥାକୁ ବଦନାମ କରିବା ପାଇଁ କରିଛି, ନା ଜାଣିଶୁଣି ନେଗେଟିଭ୍ କ୍ୟାମ୍ପେନିଂ ଜରିଆରେ ଫିଲ୍ମର ପ୍ରମୋସନ କରିବାକୁ ଏପରି ଉଦ୍ୟମ କରାଯାଇଛି, ଏହାର ତଦନ୍ତ ବି ହେବା ଦରକାର  ।…

   Related Posts