ହରିୟାଣା୧୦/୦୭: ଏଠାରେ ଥିବା ଫତେହାବାଦରେ ଡ୍ରଗ୍ସ ଚୋରା ଚାଲାଣକାରୀଙ୍କୁ ଧରିବାକୁ ଯାଇଥିଲା ପୋଲିସ । ହେଲେ ପୋଲିସ ମାଫିଆଙ୍କୁ ଧରିବ କଣ ନିଜେ ଆକ୍ରମଣର ହୋଇଥିଲା ଶିକାର । ଘଟଣାରେ ପୋଲିସ କର୍ମୀ ଗୁରୁତର ବି ହୋଇଛନ୍ତି । ଏ ବାବଦରେ ମାମଲା ରୁଜୁ କରି ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ କରିଛି । ସୂଚନାନୁସାରେ, ଶୁକ୍ରବାର ଦିନ ଫତେହାବାଦର ବାଜିଗର ବସ୍ତିରେ ପୋଲିସ ଟିମ୍ କିଛି ଡ୍ରଗ୍ସ ଚୋରା ଚାଲାଣକାରୀଙ୍କ ଘରେ ଚଢାଉ କରିଥିଲା ।
ତେବେ ଅଭିଯୁକ୍ତକୁ ଗିରଫ କରିବା ପରେ ପୋଲିସ ଷ୍ଟେସନକୁ ନେଇ ଯାଉଥିଲା । ହେଲେ ଏହି ସମୟରେ ତାଙ୍କ ପରିବାର ସଦସ୍ୟ ଏବଂ ପଡ଼ୋଶୀମାନେ ହଠାତ ପୋଲିସ ଟିମ୍ ଉପରକୁ ଆକ୍ରମଣ କରିଥିଲେ । ଦଳ ଉପରେ ଏମିତି ଆକ୍ରମଣ କରିଥିଲେ ଯେ, ଅଭିଯୁକ୍ତମାନେ ଘଟଣାସ୍ଥଳରୁ ଖସିଯିବାରେ ସଫଳ ହୋଇଥିଲେ । ଜାଖାଲ ପୋଲିସ ଷ୍ଟେସନ SHO ବିଜୟନ୍ଦର ସିଂ କହିଛନ୍ତି ଯେ ଡ୍ରଗ୍ସ ଚୋରା ଚାଲାଣ ସମ୍ପର୍କରେ ପୋଲିସ ଟିମ୍ ବାଜିଗର ବସ୍ତି ଉପରେ ରେଡ୍ କରଥିବାବେଳେ ବାସିନ୍ଦା ମାନେ ଆକ୍ରମଣ କରିଛନ୍ତି ।
wp:html/wp:html#WATCH | Haryana: Family members & neighbours of some drug peddlers manhandled a Police team in Bazigar Basti of Fatehabad, to help the accused flee from the spot. The team had raided the area & was taking them to Police station after arrest. (09.07)
— ANI (@ANI) July 10, 2021
(Note: Strong language) pic.twitter.com/pPmWS81fu8
ଆକ୍ରମଣକାରୀଙ୍କ ମଧ୍ୟରେ ମହିଳାମାନେ ମଧ୍ୟ ସାମିଲ ଥିଲେ । SHO କହିଛନ୍ତି ଯେ ପରିବାର ସଦସ୍ୟ ଅଭିଯୁକ୍ତଙ୍କୁ ସେଠାରୁ ଖସିଯିବାକୁ ସାହାଯ୍ୟ କରିବାକୁ ଚାହୁଁଛନ୍ତି । ଏଥିରୁ ଜଣେ ଖସିଯିବାରେ ସଫଳ ହୋଇଛନ୍ତି । ଏହି ଘଟଣାରେ କେତେକ ପୋଲିସ କର୍ମଚାରୀ ମଧ୍ୟ ଆହତ ହୋଇଥିବା ଜଣାଯାଇଛି, ସେମାନଙ୍କର ଡାକ୍ତରୀ ପରୀକ୍ଷା ପରେ ଏଥିରେ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏହି ଘଟଣା ପରେ ଟାଉନସିପରେ ପୋଲିସ ଫୋର୍ସ ମୁତୟନ କରାଯାଇଛି ।