ପରତାପୁର ୨୪/୧- ଫେସବୁକରେ ହେଲା ପ୍ରେମ । ତାପରେ ବିବାହ କରିବାକୁ ପ୍ରତିଶୃତି । ବିବାହ ନକରି ପ୍ରେମର ବାହାନାରେ ଯୌନଶୋଷଣ କରିବା ଅଭିଯୋଗ ଆଣିଛନ୍ତି ଜଣେ ଯୁବତୀ, ତାହାପୁଣି ଜଣେ ସବଇନସପେକ୍ଟରଙ୍କ ବିରୋଧରେ ।
ଏହି ଘଟଣା ଘଟିଛି ମେରଠ ପରତାପୁର ଅଂଚଳରେ । ମେରଠର ଜଣେ ଯୁବତୀଙ୍କୁ ସବଇନସପେକ୍ଟର ଫେସବୁକରେ ପ୍ରେମ ନିବେଦନ କରିଥିଲେ । ଯୁବତୀ ଜଣକ ସବଇନିସପେକ୍ଟରଙ୍କୁ ପ୍ରେମ କରିବା ପରେ ବିବାହ କରିବାକୁ ପ୍ରତିଶୃତି ବି ଦେଇଥିଲେ । ବିବାହର କଥା କହି ତାଙ୍କୁ ବିଭିନ୍ନ ସମୟରେ ଯୌନଶୋଷଣ କରୁଥିବା କଥା ଯୁବତୀ ଥାନାରେ ଦ୍ଵାରସ୍ଥ ହୋଇଛନ୍ତି ।
ଆଲିଗଡ଼ ଜମ୍ବାଥାନାର ଜଣେ ପୋଲିସ ଏହି ଘଟଣାରେ ଛନ୍ଦି ହୋଇପଡ଼ିଛନ୍ତି । ସେ ଯୁବତୀଙ୍କୁ ପ୍ରେମଜାଲରେ ଫସାଇବାପରେ ବିବାହ କରିବାକୁ କହିଥିଲେ । ଯୁବତୀଙ୍କୁ ବ୍ରହ୍ମପୁରା ଅଂଚଳକୁ ନେଇ ବୁଲିବାକୁ ଯାଇଥିଲେ । ସେଠାରେ ମଧ୍ୟ ରାତ୍ରୀଯାପନ କରିଥିଲେ । ହୋଟେଲରେ ରହିବାବେଳେ ଯୁବତୀଙ୍କୁ ସ୍ତ୍ରୀର ପରିଚୟ ଦେଇ ରହିଥିଲେ । କିନ୍ତୁ ଯୁବତୀଙ୍କୁ ବିବାହ ନ କଲେ ଶାରୀରିକ ସଂପର୍କ ରଖିବେନି ବୋଲି ମନା କରିଥିଲେ ।
ତା ପରେ ବିଭିନ୍ନ ସମୟରେ ଯୁବତୀଙ୍କ ସହ ବିଭିନ୍ନ ସମୟରେ ଯୌନଶୋଷଣ କରୁଥିବା କଥା କହିଛନ୍ତି ଯୁବତୀ । ଯୁବତୀ ବିବାହ କରିବାକୁ କହିଲାବେଳେ ପୋଲିସ ଅଧିକାରୀ ବାହାନା ଦେଖାଇ ଖସିଯାଉଥିଲେ । ଏମିତିକି ପୋଲିସ ନାଁରେ ଧମକ ମଧ୍ୟ ଦେଉଥିଲେ । ଅନ୍ୟଆଡ଼େ ବିବାହ କରିବାକୁ ମଧ୍ୟ ମନ ବଳାଉଥିଲେ ବୋଲି ଅଭିଯୋଗରେ କହିଛନ୍ତି ଯୁବତୀ । ସେ ତାଙ୍କୁ ବିବାହ ନ କରି ମାସକୁ ୩୦ ହଜାର ଟଂକା ଦେବାକୁ କହିଛନ୍ତି ପୀଡ଼ିତା ।
