କଟକ ୨୪।୧୧: କଟକ ନୟାସଡକ IIFLରୁ ୨୦କୋଟି ଟଙ୍କାର ସୁନା ଲୁଟ୍ ଘଟଣାରେ ପୋଲିସକୁ ମିଳିଛି ବଡ ସଫଳତା । କଟକ ଡିସିପିଙ୍କ ତତ୍ତ୍ବାବଧାନରେ ବଡ ଧରଣର ଲୁଟ୍ ଘଟଣାର ପର୍ଦ୍ଦାଫାଶ କରିଛି ପୋଲିସ । ସମସ୍ତ ଅଭିଯୁକ୍ତକୁ ପୋଲିସ ଅଟକ ରଖିଥିବା ନେଇ ଟ୍ବିଟ୍ ଯୋଗେ ସୂଚନା ଦେଇଛନ୍ତି ପୋଲିସ କମିଶନର ସୁଧାଂଶୁ ଷଡଙ୍ଗୀ ।
wp:html/wp:htmlWith immense professional satisfaction we share the information that officers of @cpbbsrctc led by our young @dcp_cuttack have solved the Nayasarak IIFL robbery case. All accused detained, both bikes seized & substantial quantities of gold recovered. Investigation is still on.
— Dr Sudhanshu Sarangi (@SarangiSudhansu) November 24, 2020
ଲୁଟ୍ରେ ବ୍ୟବହୃତ ହୋଇଥିବା ବାଇକ୍ ମଧ୍ୟ ଜବତ ହୋଇଛି । ଲୁଟ୍ ହୋଇଥିବା ଅଧିକାଂଶ ସୁନା ମଧ୍ୟ ଜବତ କରିଛି ପୋଲିସ । ଏ ନେଇ ଅଧିକ ତଦନ୍ତ ଜାରି ରହିଛି ବୋଲି ପୋଲିସ କମିଶନର କହିଛନ୍ତି । ତେବେ ଅଭିଯୁକ୍ତମାନେ କଟକ ଓ ଏହାର ଆଖପାଖ ଅଞ୍ଚଳର ବୋଲି ସୂଚନା ମିଳିଛି ।
wp:html/wp:htmlI feel proud of my officers & hope twin city citizens take pride in having such a competent & professional police force that could solve one of the most sensational robbery cases in Odisha history in record time. Well done. ?@CMO_Odisha @DGPOdisha
— Dr Sudhanshu Sarangi (@SarangiSudhansu) November 24, 2020
ସୂଚନାଯୋଗ୍ୟ ଯେ, ଗତ ୧୯ ତାରିଖରେ ଦିନ ଦ୍ବିପ୍ରହରରେ କଟକ ନୟାସଡକ ସ୍ଥିତ IIFLରୁ ବନ୍ଧୁକ ମୁନରେ ଲୁଟ୍ ହୋଇଥିଲା । ୩୯ କିଲୋ ୫୦୦ ଗ୍ରାମ୍ ସୁନା ଲୁଟ୍ ହୋଇଥିବା ନେଇ ବିଧିବଦ୍ଧ ଭାବେ ଥାନାରେ ଏତଲା ଦେଇଥିଲେ IIFL କର୍ତ୍ତୃପକ୍ଷ । ଯାହାର ଆନୁମାନିକ ମୂଲ୍ୟ ପ୍ରାୟ ୨୦ କୋଟି ହୋଇଥିବା ସୂଚନା ମିଳିଥିଲା । ଲୁଟ୍ ଘଟଣାରେ IIFL କର୍ମଚାରୀଙ୍କ ସମ୍ପୃକ୍ତି ଥିବା ନେଇ ସନ୍ଦେହ କରାଯାଉଥିଲା । ତେବେ ଏନେଇ ଅପରାହ୍ନରେ ସାମ୍ବାଦିକ ସମ୍ମିଳନୀରେ ପୋଲିସ କମିଶନର ସବିଶେଷ ତଥ୍ୟ ରଖିବେ ବୋଲି ସୂଚନା ମିଳିଛି ।