Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||

କ୍ବାରେଣ୍ଟାଇନ୍ ସେଣ୍ଟରରେ ପଶି ଫଟୋ ଉଠାଇଲେ ଯୁବକ, ୧୪ଦିନିଆ ହୋମ୍ କ୍ବାରେଣ୍ଟାଇନ୍‌ରେ ପଠାଇଲା ପୋଲିସ

8/05/2020 at 11:25 AM

ବାଲିପାଟଣା ୮|୫ : କ୍ଵାରେଣ୍ଟାଇନ୍ ସେଣ୍ଟରରେ ପ୍ରବେଶ କରି ପ୍ରବାସୀ ଓଡିଆଙ୍କ ଫଟୋ ଉଠାଇ ୧୪ ଦିନିଆ ହୋମ୍ କ୍ଵାରେଣ୍ଟାଇନ୍ ରେ ରହିଲେ ଯୁବକ । ଏଭଳି ଏକ ଘଟଣା ଘଟିଛି ବାଲିପାଟଣା ଥାନା ତୁରିନ୍ତିରା କ୍ଵାରେଣ୍ଟାଇନ୍ ସେଣ୍ଟରରେ ।

ସୂଚନାଯୋଗ୍ୟ ଯେ, ଗତ ୬ ତାରିଖରେ ବାଗଲପୁର ଗ୍ରାମର ଶ୍ରୀଧର ସାହୁ ବିପିନ୍ ବିହାରୀ ହାଇସ୍କୁଲରେ ହୋଇଥିବା ତୁରିନ୍ତିରା ଗ୍ରାମ ପଞ୍ଚାୟତ କ୍ଵାରେଣ୍ଟାଇନ୍ ସେଣ୍ଟରରେ ପ୍ରବେଶ କରି ପ୍ରବାସୀ ଓଡିଆଙ୍କର ଫଟୋ ଉଠାଇଥିଲେ । ବାରଣ ସତ୍ତ୍ବେ ଶ୍ରୀଧର କ୍ଵାରେଣ୍ଟାଇନ୍ ସେଣ୍ଟରରେ ପ୍ରବେଶ କରି ସୋସିଆଲ୍ ମିଡିଆରେ ଏହାର ଫଟୋ ସେୟାର କରିଥିଲେ । କ୍ଵାରେଣ୍ଟାଇନ୍ ସେଣ୍ଟର ନିମ୍ନମାନର ବୋଲି ସୋସିଆଲ ମିଡିଆରେ ଅଭିଯୋଗ କରିଥିଲେ । 

ଏହାକୁ ନେଇ ତୁରିନ୍ତିରା ସରପଞ୍ଚ ସୁଲୋଚନା ସ୍ଵାଇଁ ବାଲିପାଟଣା ଥାନାରେ ଲିଖିତ ଅଭିଯୋଗ କରିଥିଲେ । ବାଲିପାଟଣା ପୋଲିସ ଘଟଣାର ତଦନ୍ତ କରି ଯୁବକଙ୍କୁ ୧୪ ଦିନିଆ ହୋମ୍ କ୍ଵାରେଣ୍ଟାଇନରେ ପଠାଇଛି । ଅମାନିଆ ହେଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପୋଲିସ ତାଗିଦ୍ କରିଛି । କ୍ଵାରେଣ୍ଟାଇନ୍ ସେଣ୍ଟରରେ ସଂକ୍ରମଣର ଭୟ ଥିବାରୁ ସାଧାରଣ ଲୋକଙ୍କୁ କ୍ଵାରେଣ୍ଟାଇନ୍ ସେଣ୍ଟରରେ ପ୍ରବେଶକୁ ବାରଣ କରାଯାଇଛି ।

   Related Posts