ଚଣ୍ଡିଖୋଲ, ୨୫।୧୦: ଯାଜପୁର ଜିଲ୍ଲା ବଡ଼ଚଣା ପୋଲିସ ଦ୍ୱାରା ଗଞ୍ଜେଇ ଜବତ ହୋଇଥିବା ବେଳେ ଜଣକୁ ଗିରଫ କରିଛି ପୋଲିସ୍ । ଢେଙ୍କାନାଳ ଜିଲ୍ଲା ଭୁବନ ଅଂଚଳରୁ ଗଞ୍ଜେଇ ନେଇ ଚଣ୍ଡିଖୋଲକୁ ଆସୁଥିବା ବେଳେ ଜଣେ ବ୍ୟକ୍ତିକୁ ବଡ଼ଚଣା ପୋଲିସ ଚଣ୍ଡିଖୋଲ ଛକରେ ଅଟକାଇବା ସହ ବ୍ୟକ୍ତିଙ୍କ ଠରୁ ଗଞ୍ଜେଇ ଜବତ କରିଛି ।
ଗିରଫ ଜଣକ ହେଲେ ଭୁବନ ଅଂଚଳର ରମେଶ ରାଜ ସାହୁ । ସେ ଗଞ୍ଜେଇ ନେଇ ଢେଙ୍କାନାଳ ଜିଲ୍ଲାରୁ ବିଭିନ୍ନ ସ୍ଥାନକୁ ଚାଲାଣ କରୁଥିଲେ । ତାଙ୍କ ନିକଟରୁ ୧୦ କେଜି ୪୦ ଗ୍ରାମ ଗଞ୍ଜେଇ ଜବତ କରିଛି ବଡ଼ଚଣା ପୋଲିସ । ଏହି ଘଟଣାରେ ସମ୍ପୃକ୍ତ ବ୍ୟକ୍ତିଙ୍କୁ ଗିରଫ କରି କୋର୍ଟ ଚାଲାଣ କରିବା ସହ ଘଟଣାର ଅଧିକ ତଦନ୍ତ ଚଳାଇଛି ।
