ରାଇରଙ୍ଗପୁର,୦୪/୦୩: ଦିନକୁ ଦିନ ରାଜ୍ୟରେ ଚୋରା ମଦ କାରବାର ବଢ଼ି ବଢ଼ି ଚାଲିଛି । ବିଭିନ୍ନ ସ୍ଥାନରେ ଅବକାରୀ ବିଭାଗ ଚଢ଼ାଉ କରି ବିପୁଳ ମାତ୍ରାରେ ଚୋରା ମଦ ଜବତ କରିବା ସହିତ ଏଥିରେ ଜଡ଼ିତ ଥିବା ବ୍ୟକ୍ତିଙ୍କୁ ଗିରଫ କରିଥିବା ଜଣାପଡ଼ୁଛି ।
ରାଇରଙ୍ଗପୁର ଗ୍ରାମାଞ୍ଚଳ ଥାନା ପିଠାକୁଟୁଣୀ ଓ ଅସନବଣୀ ଗ୍ରାମରେ ଏପରି ଚଢ଼ାଉ କରାଯାଇଥିବା ସୂଚନା ମିଳିଛି । ରାଇରଙ୍ଗପୁରର ଅବକାରୀ ବିଭାଗ ଚଢ଼ାଉ କରି ୨୭ ଲିଟର ମଦ ଜବତ କରିବା ସହିତ କାରବାରରେ ସମ୍ପୃକ୍ତ ଜଣେ ମହିଳାଙ୍କୁ ଗିରଫ କରିଛି ।
ଏହି ଦୁଇ ଗ୍ରାମରେ ବେଆଇନ ଚୋରା ମଦ କାରବାର ବୃଦ୍ଧି ପାଉଥିବା ବେଳେ ଅବକାରୀ ବିଭାଗର ଘନଘନ ଚଢ଼ାଉ ଜାରି ରହିଛି । ଏହି ଚଢ଼ାଉରେ ବ୍ୟାପକ ଦେଶୀ ମଦ ଜବତ କରାଯିବା ସହିତ ପ୍ରାୟ ୨୨୦୦ ମହୁଲ ପଚ ଅବକାରୀ ବିଭାଗ ନଷ୍ଟ କରିଥିବା ଜଣାପଡ଼ିଛି ।
