Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

କନିକା କପୁରଙ୍କ ବନ୍ଧୁଙ୍କୁ ଖୋଜୁଛି ପୋଲିସ : କନିକାଙ୍କ ସହ ପାର୍ଟିରେ ସାମିଲ ହୋଇଥିଲେ, ଏବେ ଫେରାର

24/03/2020 at 11:35 AM

ମୁମ୍ବାଇ ୨୪/୦୩ : ବଲିଉଡ ଗାୟିକା କନିକା କପୁର କରୋନା ସଂକ୍ରମିତ ହେବା ପରେ ଆଇସୋଲେସନରେ ଅଛନ୍ତି | ସେ ପ୍ରଥମ ଭାରତୀୟ ସେଲିବ୍ରିଟି ଯିଏ କରୋନାରେ ଆକ୍ରାନ୍ତ | ସେ କରୋନା ଆକ୍ରାନ୍ତ ହୋଇଥିବା ଶୁକ୍ରବାର ସ୍ପଷ୍ଟ ହୋଇଥିଲା | ଲଣ୍ଡନରୁ ଫେରିବା ପରେ ସେ ୩ଟି ପାର୍ଟିରେ ସାମିଲ ହୋଇଥିଲେ | ଯେଉଁମାନଙ୍କ ସଂସ୍ପର୍ଶରେ ଆସିଥିଲେ ସେମାନଙ୍କ ଯାଞ୍ଚ କରାଯାଇଛି | କିନ୍ତୁ କନିକାଙ୍କ ଜଣେ ବ୍ୟବସାୟୀ ବନ୍ଧୁ ଫେରାର ଅଛନ୍ତି | କନିକାଙ୍କ ବନ୍ଧୁ ଓଜସ ଦେଶାଇଙ୍କୁ ବର୍ତ୍ତମାନ ପୋଲିସ ଖୋଜୁଛି | ଓଜସ ଦେଶାଇ କନିକାଙ୍କ ସହ ଲକ୍ଷ୍ନୌର ତାଜ ହୋଟେଲରେ ଥିଲେ | ସେ ମାର୍ଚ୍ଚ ୧୬ ତାରିଖରେ ସହର ଛାଡିଥିଲେ | ପୋଲିସ ୨୬୦ ଜଣଙ୍କୁ ଟ୍ରାକ କରିଛି ଯେଉଁମାନେ କନିକାଙ୍କ ସଂସ୍ପର୍ଶରେ ଆସିଥିଲେ | 

ଡାକ୍ତର ନରେନ୍ଦ୍ର ଅଗ୍ରୱାଲ କହିଛନ୍ତି, ଓଜସ ଦେଶାଇକୁ ଟ୍ରାକ କରିବା ପାଇଁ ପୋଲିସ ଉଦ୍ୟମ କରୁଛି | କିନ୍ତୁ ତାଙ୍କ ପାଖରେ ଦେଶାଇଙ୍କ ମୁମ୍ବାଇ ସ୍ଥିତ ଠିକଣା ନାହିଁ | ଯେହେତୁ କନିକା ବର୍ତ୍ତମାନ କ୍ଵାରେଣ୍ଟାଇନରେ ଅଛନ୍ତି ତାଙ୍କୁ ବର୍ତ୍ତମାନ ପଚରାଉଚୁରା କରାଯାଇପାରିବ ନାହିଁ | ସେଥିପାଇଁ ଦେଶାଇକୁ ଖୋଜିବାରେ ଅସୁବିଧା ହେଉଛି |

କନିକା ଲକ୍ଷ୍ନୌର ତାଜ ହୋଟେଲରେ ପାର୍ଟି କରିଥିଲେ | ହୋଟେଲର ୧୧ ଜଣ କର୍ମଚାରୀଙ୍କୁ କ୍ଵାରେଣ୍ଟାଇନ କରାଯାଇଛି | ହୋଟେଲକୁ ବନ୍ଦ କରିଦିଆଯାଇଛି | କନିକାଙ୍କ ଆଉଥରେ କରୋନା ପରୀକ୍ଷା କରାଯାଇଛି | ସଞ୍ଜୟ ଗାନ୍ଧୀ ପୋଷ୍ଟ ଗ୍ରାଜୁଏଟ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସରେ ରବିବାର ଦିନ ପୁଣିଥରେ କନିକାଙ୍କ କରୋନା ଯାଞ୍ଚ କରାଯାଇଥିଲା | ତାଙ୍କ ରିପୋର୍ଟ ପଜିଟିଭ ଆସିଛି | କିନ୍ତୁ ହସ୍ପିଟାଲର ଡାକ୍ତର କହିଛନ୍ତି କନିକା ବର୍ତ୍ତମାନ ଭଲ ଅଛନ୍ତି କିନ୍ତୁ ଯେପର୍ଯ୍ୟନ୍ତ ତାଙ୍କ ରିପୋର୍ଟ ନେଗେଟିଭ ନ ଆସେ ସେପର୍ଯ୍ୟନ୍ତ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯିବ ନାହିଁ | 

   Related Posts