Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

କୃଷ୍ଣଚନ୍ଦ୍ର ପୋଡି ଘଟଣାରେ ଭିନ୍ନ ମୋଡ, ପ୍ରେମରେ ଭାବପ୍ରବଣ ହୋଇ ନିଜେ ଦେହରେ ନିଆଁ ଲଗାଇ ଆତ୍ମହତ୍ୟା କରିଛି କୃଷ୍ଣ

8/10/2019 at 11:44 AM

ଜଗତସିଂହପୁର ୮।୧୦: କୃଷ୍ଣଚନ୍ଦ୍ର ଚମ୍ପତିରାୟ ପୋଡି ଘଟଣାରେ ଭିନ୍ନ ମୋଡ ଆସିଛି । କୃଷ୍ଣଚନ୍ଦ୍ରଙ୍କୁ ହତ୍ୟା କରାଯାଇନଥିବା ସ୍ପଷ୍ଟ ହୋଇଛି । ତେବେ ସେ ଆତ୍ମହତ୍ୟା କରିଥିବା ପୋଲିସ ସୂଚନା ଦେଇଛନ୍ତି । ପ୍ରେମରେ ଭାବପ୍ରବଣ ହୋଇ କୃଷ୍ଣ ଆତ୍ମହତ୍ୟା କରିଥିବା ପ୍ରାଥମିକ ତଦନ୍ତରୁ ଜଣା ପଡିଥିବାର ପୋଲିସ ସୂଚନା ଦେଇଛି ।

କୃଷ୍ଣ ଏବଂ ମଧୁ ଓରଫ ଶ୍ରାବଣୀ ମହାନ୍ତିଙ୍କ ସହ ଫେସ୍ ବୁକରୁ ସମ୍ପର୍କ ଆରମ୍ଭ ହୋଇଥିଲା । ମଧୁଙ୍କ ଗାଁରେ ଥିବା କନକେଶୋର ମନ୍ଦିରରେ ପୂଜା କରିବା ବାହାନାରେ ୬ ମାସ ତଳେ ମଧୁଙ୍କ ଘରକୁ ଆସିଥିଲା କୃଷ୍ଣ । କୃଷ୍ଣ ମଧୁଙ୍କୁ ତାଙ୍କ ସହ ଘର ଛାଡି ଚାଲିଆସିବାକୁ ବାଧ୍ୟ କରୁଥିଲା । ବାରମ୍ବାର ଫୋନ୍ କରୁଥିଲା । କୃଷ୍ଣ ସେଦିନ ମଧୁଙ୍କୁ ତାଙ୍କ ବାପଘରକୁ ଆସିବାକୁ ମଧ୍ୟ ବାଧ୍ୟ କରିଥିଲା । ସେ ନିଜେ ହିଁ ନିଜ ଦେହରେ ନିଆଁ ଲଗାଇ ଆତ୍ମହତ୍ୟା କରିଥିବାର ପୋଲିସ ସୂଚନା ଦେଇଛି । ଘଟଣାରେ ଅଧିକ ତଦନ୍ତ ଜାରି ରହିଛି ବୋଲି ସୂଚନା ଦେଇଛନ୍ତି ଜଗତସିଂହପୁର ଏସଡିପିଓ ।

ସୂଚନାଯୋଗ୍ୟ ଯେ, ମୃତ କୃଷ୍ଣଚନ୍ଦ୍ରଙ୍କ ପ୍ରେମିକା ମଧୁଙ୍କୁ ଅଟକ ରଖି ପୋଲିସ ପଚରାଉଚରା କରୁଥିଲା । ସେ ରହୁଥିବା କଟକ କାଠଗଡା ସାହିକୁ ଯାଇ ପୋଲିସ ତାଙ୍କୁ ପଚରା ଉଚରା କରିବା ସହ ସେଠାରୁ ଆଣି ଏକ ଅଜ୍ଞାତ ସ୍ଥାନାରେ ରଖି ଜେରା କରୁଥିବାର ସୂଚନା ମିଳିଥିଲା । ଏଥି ସହିତ ପୋଲିସ ଗତକାଲି ରାତିରେ ମଧୁଙ୍କର ଦୁଇ ଭଉଣୀଙ୍କ ସହ ତାଙ୍କ ବାପାଙ୍କୁ ଜଗତସିଂହପୁର ସଦର ଥାନାକୁ ଆଣି ଅଟକ ରଖିବା ସହ ଜେରା ମଧ୍ୟ କରୁଥିଲା ପୋଲିସ ।

   Related Posts