Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||
  • ଚଣ୍ଡିଖୋଲ : ଗୋଷ୍ଠୀ ସଂଘର୍ଷର ସମାଧାନ ପାଇଁ ଯାଇଥିବା ପୋଲିସକୁ ବାନ୍ଧିଲେ ଏବଂ ୨ଟି ଜିପ୍ ଜାଳିଦେଲେ ଉତ୍ତ୍ୟକ୍ତ ଲୋକେ
  • ||

ଫିଲ୍ମ ଷ୍ଟାଇଲରେ ପୋଲିସ-ଡକାୟତ ମୁହାଁମୁହିଁ, ଗ୍ରାମବାସୀଙ୍କ ସହାୟତାରେ ୩ ଡକାୟତଙ୍କୁ ଏମିତି କାବୁ କଲା ଲୋଇସିଂହା ପୋଲିସ

16/01/2021 at 5:27 PM

ବଲାଙ୍ଗୀର ୧୬।୦୧: ଜଙ୍ଗଲ ରାସ୍ତାରେ ପୋଲିସ ଡକାୟତଙ୍କ ମଧ୍ୟରେ ଘମାଘୋଟ୍ ଲଢେଇ। ଫିଲ୍ମ ଷ୍ଟାଇଲରେ ବନ୍ଧୁକକୁ ଖାତିର ନକରି ଡକାୟତଙ୍କର ସାମ୍ନା କରୁଛି ପୋଲିସ । ସ୍ଥାନୀୟ ଲୋକେ ମଧ୍ୟ ପୋଲିସକୁ ସାହାରା ଦେଇ ହାତରେ ଢେଲା ଧରି ଛିଡ଼ା ହୋଇଛନ୍ତି । ଡ଼କାୟତ ବନ୍ଧୁକ ଧରି ଫୁଟାଇ ଦେବାକୁ କହୁଥିଲେ ମଧ୍ୟ ଭୟ ନାହିଁ ପୋଲିସ ଅଧିକାରୀ ମାନଙ୍କର । ଡକାୟତ ମାନଙ୍କୁ ଭଲରେ ସରେଣ୍ଡର କରିବା ପାଇଁ କହୁଛି ପୋଲିସ । ହେଲେ ସେମାନେ ନାରାଜ । ବାରମ୍ବାର ଗୁଳି ଫୁଟେଇ ଦେବାକୁ ଦେଉଛନ୍ତି ଧମକ୍‌ । ଏଭଳି ଏକ ଘଟଣା ବଲାଙ୍ଗିର ଲୋଇସିଂହା ଥାନା ଅନ୍ତର୍ଗତ କୁଟାସିଂହା ଗାଁ ନିକଟସ୍ଥ ଜଙ୍ଗଲ ରାସ୍ତାରେ ଦେଖିବାକୁ ମିଳିଛି ।

ଡକାୟତି କରି ଫେରାର୍‌ ହେଉଥିବା ବେଳେ ବଲାଙ୍ଗୀର ଜିଲ୍ଲା ଲୋଇସିଂହା ପୋଲିସ କୁଟାସିଂହା ଗ୍ରାମବାସୀ ତଥା ସ୍ଥାନୀୟ ଯୁବକଙ୍କ ସହାୟତାରେ ୩ ଜଣ ଡକାୟତଙ୍କୁ ଧରିବାରେ ସକ୍ଷମ ହୋଇଥିବା ବେଳେ ଆଉ ଜଣେ ଫେରାର ହୋଇଯାଇଛି । ତଦନ୍ତ ବ୍ୟାହତ ହେବା ଆଶଙ୍କାରେ ଲୋଇସିଂହା ପୋଲିସ କୌଣସି ସୂଚନା ଦେବାକୁ ମନା କରିଛି ।

ଗତ କିଛି ଦିନ ତଳେ ବଲାଙ୍ଗିର ସଦର ଥାନା ତଥା ଲୋଇସିଂହା ବ୍ଲକ କୁଶଙ୍ଗ ଗ୍ରାମର ଜନରଞ୍ଜନ ନାୟକ ଝାରମୁଣ୍ଡା ଠାରେ ଏକ କିଓସ୍କ ସେଣ୍ଟର ଖୋଲିଛନ୍ତି । ଶନିବାର ସକାଳ ୯ ଟାରେ ସେ ନିଜ ଭାଇ ଜ୍ୟୋତିରଞ୍ଜନଙ୍କ ସହିତ ଝାରମୁଣ୍ଡାକୁ ବାଇକରେ ଯାଉଥିଲେ । ରାସ୍ତାରେ ଆମପାଲି ଛକରେ କିଛି ଦୁର୍ବୁର୍ତ୍ତ ସେମାନଙ୍କୁ ଅଟକାଇ ଆକ୍ରମଣ କରିବା ସହିତ ପିସ୍ତଲ ଦେଖାଇ ଲ୍ୟାପଟପ୍, ମୋବାଇଲ ଓ ବ୍ୟାଗରେ ଥିବା ୩୫ ହଜାର ଟଙ୍କା ତଥା କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ଛଡାଇ ନେଇ ଲୋଇସିଂହା ପଟକୁ ଫେରାର ହୋଇ ଯାଇଥିଲେ ।

ଏ ନେଇ ଜନରଞ୍ଜନ ବଲାଙ୍ଗିର ସଦର ଥାନାରେ ଅଭିଯୋଗ କରିଥିଲେ । ପୋଲିସ ଉଚ୍ଚ କର୍ତ୍ତୃପକ୍ଷ ତୁରନ୍ତ ଏ ନେଇ ଲୋଇସିଂହା ଥାନା ସମେତ ବିଭିନ୍ନ ଥାନାକୁ ଖବର ଦେଇ ନାକାବନ୍ଦୀ କରିଥିଲେ । ଡକାୟତ ମାନେ ସାଲେଭଟା-କୁଟାସିଂହା ରାସ୍ତାରେ ଥିବା ରେଲୱେ ଲେଭେଲ କ୍ରସିଂ ଠାରେ ପହଂଚିବା ପରେ ଗେଟ୍‌ ବନ୍ଦ ଥିବାରୁ ସେଠାକାର ଜଗୁଆଳି ମୁଣ୍ଡରେ ପିସ୍ତଲ ରଖି ଗେଟ ଖୋଲିବାକୁ କହିଥିଲେ । ଜଗୁଆଳି ଜଣକ ଭୟରେ ଗେଟ ଖୋଲିଦେବାରୁ ଡକାୟତ ମାନେ କୁଟାସିଂହା ଗ୍ରାମ ପଟକୁ ଫେରାର ମାରିଥିଲେ । ସେମାନଙ୍କୁ ପିଛା କରୁଥିବା ଲୋଇସିଂହା ପୋଲିସ ସମେତ ସହିତ ସ୍ଥାନୀୟ ଗ୍ରାମବାସୀ କୁଟାସିଂହା ନିକଟରେ ମୁହାଁମୁହିଁ ହୋଇଥିଲେ।

ସେଠାରେ ଡକାୟତ ଦଳ ପିସ୍ତଲ ଦେଖାଇ ପୋଲିସକୁ ଭୟଭୀତ କରିବା ସହିତ ଫେରାର ହେବାକୁ ଉଦ୍ୟମ କରିଥିଲେ । ତେବେ ସ୍ଥାନୀୟ ବାସିନ୍ଦାଙ୍କ ଢେଲାମାଡ଼ ଓ ଚାରିପଟୁ ପୋଲିସ ଘେରିଯିବା ଦେଖି ଡକାୟତ ମାନେ ଆତ୍ମସମର୍ପଣ କରିଥିଲେ ।  ଡକାୟତ ଦଳରେ ୪ ସଦସ୍ୟ ଥିବା କୁହାଯାଉଥିବା ବେଳେ ଅଭିଯୁକ୍ତ ମାନେ ୩ ଜଣ ଥିବା ସୂଚନା ଦେଇଛନ୍ତି । ଗିରଫ ଡକାୟତଙ୍କ ମଧ୍ୟରୁ ଜଣେ ଛତିଶଗଡ଼ ଅଂଚଳର ହୋଇଥିବା ବେଳେ ଆଉ ଦୁଇଜଣ ସୋନପୁର ଜିଲା ଡୁଙ୍ଗୁରିପାଲି ଅଂଚଳର ବୋଲି ଜଣାଯାଇଛି । ସେମାନଙ୍କ ସାଙ୍ଗରେ ଥିବା ଝାରଖଣ୍ଡ ଅଂଚଳର ଆଉ ଜଣେ ଡକାୟତ ଫେରାର ଥିବା ଖବର ମିଳିଛି ।

ଲୋଇସିଂହା ଡାକ୍ତରଖାନାରେ ପୋଲିସ ଡକାୟତଙ୍କ ମେଡିକାଲ ଚେକ୍‌ଅଫ୍‌ କରିବା ସହିତ ଅଧିକ ପଚରା ଉଚୁରା ଜାରି ରଖିଥିବା ଜଣାଯାଇଛି। ତେବେ ଏ ନେଇ କୌଣସି ଅଧିକ ସୂଚନା ଦେବାକୁ ଲୋଇସିଂହା ଥାନା ଆଇଆଇସି ଲଳିତା ଲାକ୍ରା ମନା କରି ଦେଇଛନ୍ତି ।

   Related Posts