Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ପତ୍ନୀଙ୍କ ଚରିତ୍ରକୁ ସନ୍ଦେହକରି ୩ ମାସ ହେଲା ୩୦ କିଲୋର ଶିକୁଳିରେ ବାନ୍ଧି ରଖିଥିଲା ସ୍ବାମୀ, ନୃଶଂସ ବାପାକୁ ସାହାଯ୍ୟ କରୁଥିଲା ନିର୍ଦୟ ପୁଅ

2/07/2021 at 9:02 PM

ଜୟପୁର ୦୨/୦୭ : ମଧ୍ୟଯୁଗୀୟ ବର୍ବରତା ଏବେ ବି ରହିଛି । କ୍ରୀତଦାସଙ୍କୁ ସେତେବେଳେ ମାଲିକ ଦେଉଥିଲେ ନିର୍ଯ୍ୟାତନା । ଲୁହା ଶିଜୁଳିରେ ବାନ୍ଧି ଖଟାଉଥିଲେ । ତେବେ ଦୀର୍ଘ ବର୍ଷ ପୂର୍ବର ସେହି ଅମାନବିକ ଅତ୍ୟାଚାର ଏବେବି ଦେଖିବାକୁ ମିଳିଛି । ତେବେ ଚାକର କିମ୍ବା ଶତ୍ରୁ ନୁହେଁ, ଜେଲର କଏଦୀ ମଧ୍ୟ ନୁହେଁ ସେ ଜଣେ ମହିଳା । ନିଜ ଘରେ ୩୦ କିଲୋର ଲୁହା ଶିକୁଳିରେ ବନ୍ଧା ହୋଇଛନ୍ତି ମହିଳା ।  ରାଜସ୍ଥାନର ପ୍ରତାପଗଡ  ଅଞ୍ଚଳର ଏହି  ଦୃଶ୍ୟ ଯେତିକି ବେଦନା ଦାୟକ ତା ପଛର କାହାଣୀ ଆହୁରି ଦୁଃଖଦ । 

ସୂଚନା ଅନୁଯାୟୀ, ପ୍ରତାପଗଡ ଜାମ୍ବୁଖେଡା ଗାଁରେ ରହୁଥିବା ଭେରୁଲାଲ ମିଣା ନାମକ ବ୍ୟକ୍ତି ନିଜ ସ୍ତ୍ରୀକୁ ପାଖାପାଖି ତିନି ମାସ ହେଲା ଗୋଟିଏ ଘରେ ୩୦ କେଜି ଓଜନର ଏକ ମୋଟା ଶିକୁଳିରେ ବାନ୍ଧିୁ ରଖିଥିଲା । ଯାହା ଫଳରେ ସେ ବାହାରକୁ ଯିବା ଦୂର କଥା ସାହାଯ୍ୟ ପାଇଁ କାହାରିକୁ କହିବାକୁ ବି ସକ୍ଷମ ନଥିଲେ । ଭେରୁଲାଲ ତାଙ୍କୁ ଏକ କୋଠରୀରେ ବନ୍ଦ ରଖି  ଶାରିରୀକ ଓ ମାନସିକ ଭାବେ ଅକଥନୀୟ ନିର୍ଯ୍ୟାତନା ଦେଉଥିଲେ ।

ସ୍ଥାନୀୟ କିଛି ବାସିନ୍ଦା ଏ ନେଇ ପ୍ରଥମେ ପୋଲିସକୁ ସୂଚନା ଦେଇଥିଲେ । ଏହା ପରେ ପୋଲିସ୍ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଉଦ୍ଧାର କରିବା ସହିତ ଶୁକୁଳିରୁ  ବାହାର କରିଥିଲେ । ପୋଲିସ ସାମ୍ନାରେ ମହିଳାଜଣଙ୍କ ତାଙ୍କ ଦୁଃଖ ବିଷୟରେ କହିଥିଲେ । ମହିଳା ଜଣଙ୍କ କହିଥିଲେ କି ତାଙ୍କ ମାଆକୁ ସାହାର୍ଯ୍ କରିବା ପାଇଁ ସେ ହିଙ୍ଗଲାଜ୍ ଗାଁକୁ ଯାଆନ୍ତି । ଏଥିପାଇଁ ତାଙ୍କ ସ୍ବାମୀ ଓ ପୁଅ ତାଙ୍କ ଚରିତ୍ର ଉପରେ ସନ୍ଦେହ କରୁଥିଲେ ।  ଏଥିପାଇଁ ତାଙ୍କୁ ୩୦ କିଲୋର ଲୁହା ଶିକୁଳିରେ ବାନ୍ଧି ରଖିଥିଲେ । ଏହି ନିର୍ଯ୍ୟାତନା ପ୍ରାୟତଃ ୩ ତିନି ମାସ ପୂର୍ବରୁ ଆରମ୍ଭ ହୋଇଥିଲା ଯାହାକି ଏପର୍ଯ୍ୟନ୍ତ ଜାରି ରହିଥିଲା । 

ଘଟଣା ବାବଦରେ ଶୁଣିବା ପରେ ପୋଲିସ ଆଶ୍ଚର୍ଯ୍ୟ ହୋଇଯାଇଥିଲା । ସେ କହିଥିଲେ କି ତାଙ୍କ ସ୍ବାମୀ ଓ ପୁଅ ତାଙ୍କୁ ତିନି ମାସ ହେଲା ବାନ୍ଧି ରଖିଥିଲେ । ଏଥିରୁ ଜଣାପଡିଛି କି ମହିଳା ଜଣଙ୍କ ନିତିଦିନ ୩୦ କିଲୋର ଓଜନିଆ ଲୁହା ଶିକୁଳି ଉଠାଇ କାମ କରିବାକୁ ପଡୁଥିଲା । ଯାହାପଳରେ ତାଙ୍କ ପାଦ ଫୁଲି ଯାଇଥିଲା । ପୋଲିସ ପୀଡିତାଙ୍କ ସ୍ବାମୀ ଓ ପୁଅକୁ ଗିରଫ କରି କୋର୍ଟ ଚାଲାଣ କରିବା ସହିତ ଅଧିକ ତଦନ୍ତ ଜାରି ରଖିଛି ।

   Related Posts