ପାଟଣାଗଡ ୭|୬: ଫେରି ନଥିବା କନିଷ୍ଠ ଯନ୍ତ୍ରୀଙ୍କୁ ଉଦ୍ଧାର କରିଛି ପୋଲିସ । ନିଖୋଜ ଯନ୍ତ୍ରୀ ଜୟକାନ୍ତ ଶବରଙ୍କୁ କଣ୍ଟାବାଞ୍ଜିରୁ ଉଦ୍ଧାର କରି ଘରେ ଛାଡିଛି ପାଟଣାଗଡ ପୋଲିସ । ଗତ ୫ ତାରିଖରୁ ଘରକୁ ଫେରିନଥିଲେ ଜୟକାନ୍ତ । ଗତକାଲି ପତ୍ନୀ ପ୍ରବିଣା ରାଜହଂସ ଶବର ତାଙ୍କ ସ୍ବାମୀଙ୍କୁ ଅପହରଣ କରାଯାଇଥିବା ନେଇ ପଟଣାଗଡ ଥାନାରେ ଏତଲା ଦେଇଥିଲେ ।
ତେବେ ଘରକୁ ଫେରିବା ପରେ ଅପହରଣ ଅଭିଯୋଗ ନେଇ କନିଷ୍ଠ ଯନ୍ତ୍ରୀ କହିଛନ୍ତି ଯେ, ସେ ବିଜେଡି କର୍ମୀଙ୍କ ସହ ନୂଆପଡା ଖରିଆର ଯାଇଥିଲେ । ଏହାସହ ପୁରା ଘଟଣା ସଂପର୍କରେ ମଧ୍ୟ ମୁହଁ ଖୋଲିଛନ୍ତି । ପାଟଣାଗଡ ବିଧାୟକଙ୍କ ଉପସ୍ଥିତିରେ ସେଦିନ ନିର୍ବାହୀ ଯନ୍ତ୍ରୀ ମଧ୍ୟ ମୋତେ ଚାପୁଡା ମାରିଥିଲେ । ଅଧିକ ଆକ୍ରମଣ ଭୟରେ ମୁଁ ବାଧ୍ୟ ହୋଇ ଉଠବସ୍ ହୋଇଥିଲି । ଲଜ୍ଜାଜନକ ପରିସ୍ଥିତି ଯୋଗୁ ମୁଁ ସେତେବେଳେ ଚୁପ୍ ରହିଥିଲି ବୋଲି କନିଷ୍ଠ ଯନ୍ତ୍ରୀ କହିଛନ୍ତି ।
ସେପଟେ ପାଟଣାଗଡ ବିଧାୟକ ସରୋଜ ମେହେରଙ୍କ ବିରୋଧରେ ଥାନାରେ ଅଭିଯୋଗ କରିଛନ୍ତି କନିଷ୍ଠ ଯନ୍ତ୍ରୀଙ୍କ ପତ୍ନୀ ।