ରାୟଗଡା ୨୧।୯: ରାୟଗଡା ପୋଲିସକୁ ମିଳିଛି ବଡ଼ ସଫଳତା । ପ୍ରଥମଥର ଅନ ଲାଇନ କ୍ରିକେଟ ବେଟିଙ୍ଗ ଫିକ୍ସରଙ୍କ ପର୍ଦ୍ଦାଫାସ କରିଛି ପୋଲିସ। ଏଥିରେ ସମ୍ପୃକ୍ତ ୫ ଜଣ ବେଟିଙ୍ଗ ଫିକ୍ସରଙ୍କୁ ଗିରଫ କରିବା ସହ ନଗଦ ୩ ଲକ୍ଷ ୮୭ ହଜାର ଟଙ୍କା୩ ଟି ବାଇକ,୫ ଟି ଏଟିଏମ କାର୍ଡ,, ୬ ଟି ମୋବାଇଲ ଓ୩ଟି ଡାଏରୀ ଜବତ କରିଛି। ଗିରଫ ସମସ୍ତ ଫିକ୍ସର ଯୁବକ।
{"id":160842,"width":577,"height":384}ବେଟିଂ ନେଇ କୌଣସି ସୂତ୍ରରୁ ଖବର ପାଇ ସହରର ରାଣୀଗୁଡା ଠାରେ ଥିବା ଲକ୍ଷ୍ମୀନାରାୟଣ ସାହିରେ ପୁଲିସ ଟିମ ଚଢାଉ କରିଥିଲେ। ବେଟିଂର ମୁଖ୍ୟ କିଙ୍ଗ ପିନ୍ କେ. ସୂରିୟା ରାଓଙ୍କ ସମେତ ସାଗର ସାହୁ, ଜ୍ୟୋତିରଞ୍ଜନ ପଲାଇ, ସତ୍ୟବ୍ରତ ପ୍ରଧାନ ଓ ପି. ଈଶ୍ୱର ରାଓଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଛି।
ତେବେ ଏହି ବେଟିଙ୍ଗ ଏବେ ଚାଲିଥିବା ସିରିଜ ଲାଗି ନୁହେଁ ଗତ ୯ ମାସ ଧରି ଗୁଗୁଲ ପେ ଓ ଫୋନ ପେ ମାଧ୍ୟମରେ ଚଳାଇଥିଲେ। ବେଟିଂରେ ଆଉ କିଛି ଯୁବକଙ୍କ ସମ୍ପୃକ୍ତି ଥିବାର ବି ଏବେ ସନ୍ଦେହ କରାଯାଉଛି। ଏହି ଘଟଣାକୁ ନେଇ ରାୟଗଡା ଥାନା ଅଧିକାରୀ ସାମ୍ବାଦିକ ସମ୍ମଳିନୀରେ ସୂଚନା ଦେଇଛନ୍ତି।