Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିୟୁଟି ପାର୍ଲରରେ ଚାଲିଥିଲା ସେକ୍ସ ରାକେଟ୍ : ଗ୍ରାହକ ବେଶରେ ପହଞ୍ଚିଲା ପୋଲିସ, ତାପରେ…

19/01/2020 at 12:14 PM

କୋଲକତା ୧୯।୧: ବିୟୁଟି ପାର୍ଲରରେ ଚାଲିଥିଲା ସେକ୍ସ ରାକେଟ୍ । ଦେହ ବ୍ୟବସାୟର ପର୍ଦ୍ଦାଫାଶ କରିଛି ପୋଲିସ । ପୋଲିସ ଅତି ଚତୁରତାର ସହ ଚଢାଉ କରି ରାକେଟ୍ ର ପର୍ଦ୍ଦାଫାଶ କରିଛି । ପଶ୍ଚିମବଙ୍ଗର ଦୁଗ୍ରାପୁର ଅଞ୍ଚଳରେ ଚାଲିଥିଲା ଏହି ରାକେଟ୍ ।

ସୂଚନାଯୋଗ୍ୟ ଯେ, ସିଟି ସେଣ୍ଟର ଅଞ୍ଚଳରେ ଆସନସୋଲ ଦୁର୍ଗାପୁର କମିଶନରେଟ୍ ପୋଲିସର ଗୁଇନ୍ଦା ବିଭାଗ ଏହି ବିୟୁଟି ପାର୍ଲରରେ ଚଢାଉ ନେଇ ଅପରେସନ ଆରମ୍ଭ କରିଥିଲା । ଶନିବାର ଦିନ ପୋଲିସ ଏଠାରେ ଚଢାଉ କରିଥିଲା । ନାମିଦାମୀ ଅଞ୍ଚଳରେ ଥିବା ଏହି ବିୟୁଟି ପାର୍ଲର ଉପରେ ପୋଲିସ ଚଢାଉ କରିବାକୁ ନେଇ ସ୍ଥାନୀୟ ଲୋକଙ୍କୁ ଆଶ୍ଚର୍ଯ୍ୟଚକିତ କରିଥିଲା ।

ଅପରେସନ ଅନୁଯାୟୀ ଶନିବାର ଦିନ ପୋଲିସ ଚଢାଉ କରିଥିଲା । ଚଢାଉ ବେଳେ ପୋଲିସ ପାର୍ଲରରୁ ୧୧ ମହିଳା ଏବଂ ଜଣେ ପୁରୁଷଙ୍କୁ ସେକ୍ସ ରାକେଟ୍ ଚଳାଇଥିବା ଅଭିଯୋଗରେ ଧରିଥିଲା । ଏହା ବ୍ୟତୀତ କେତେକ ଜରୁରୀ କାଗଜପତ୍ର ମଧ୍ୟ ପୋଲିସ ଜବତ କରିଛି । ଚଢାଉ ଅପରେସନରେ ଏସିପି, ମହିଳା ପୋଲିସ ଅଧିକାରୀଙ୍କ ସହ ଗୁଇନ୍ଦା ବିଭାଗର ଅଧିକାରୀ ସାମିଲ ଥିଲେ ।

ବିୟୁଟି ପାର୍ଲର ନାଁରେ ଏଠାରେ ସେକ୍ସ ରାକେଟ୍ ଚାଲୁଥିବା ନେଇ କିଛି ଦିନ ହେବ ପୋଲିସକୁ ସୂଚନା ମିଳିଥିଲା । ଏହାପରେ କମିଶନରେଟ୍ ପୋଲିସର ଗୁଇନ୍ଦା ବିଭାଗ ସଂପୃକ୍ତ ବିୟୁଟି ପାର୍ଲରରେ ଚଢାଉ ପାଇଁ ଜାଲ ବିଛାଇଥିଲା । ପ୍ରଥମେ ଦୁଇ ଜଣ ପୋଲିସ କର୍ମଚାରୀଙ୍କୁ ସାଦା ପୋଷାକରେ ବିୟୁଟି ପାର୍ଲରକୁ ପଠାଯାଇଥିଲା । ସେମାନେ ପାର୍ଲରକୁ ଯାଇ ସେଠାରେ ସମସ୍ତ ଗତିବିଧିକୁ ଅନୁଧ୍ୟାନ କରିଥିଲେ । ସନ୍ଦେହ ହେବା ଫଳରେ ଅନ୍ୟ ଅଧିକାରୀଙ୍କୁ ଏନେଇ ସୂଚନା ପ୍ରଦାନ କରିଥିଲେ ।

ସୂଚନା ପାଇବା ପରେ ତତକ୍ଷଣାତ୍ ସେଠାରେ ଅନ୍ୟ ପୋଲିସମାନେ ପହଞ୍ଚି ଯାଇଥିଲେ । ସେଠାରେ ତଲାସି କରି ଅଭିଯୁକ୍ତଙ୍କୁ ଧରିଥିଲା ପୋଲିସ । ମାମଲାରେ ପୋଲିସ ପାର୍ଲରର ମାଲିକାଣୀଙ୍କ ସମେତ ୧୧ଯୁବତୀଙ୍କୁ ଗିରଫ କରିଥିଲା । ଜଣେ ଯୁବକଙ୍କୁ ମଧ୍ୟ ସେଠାରୁ ଗିରଫ କରିଛି ପୋଲିସ ।

   Related Posts