କଟକ ୧୦।୦୧: ବେଆଇନ୍ ବାଲିଘାଟ ଉପରେ ଚଢାଉ । ବେଆଇନ୍ ଭାବେ ଚାଲିଥିବା ବାଲିଘାଟ ଉପରେ କମିଶନରେଟ୍ ପୋଲିସ ପକ୍ଷରୁ ଚଢାଉ କରାଯାଇଛି । ଚଢାଉରେ ୭ଟି ବାଲି ବୋଝେଇ ଟ୍ରାକ୍ଟର ଜବତ ହୋଇଛି ।
ଖବର ଅନୁଯାୟୀ, କଟକ ଗୋପାଳପୁର ସ୍ଥିତ ପାଇକ ସାହିରେ ଚାଲୁଥିବା ବେଆଇନ୍ ବାଲିଘାଟ ଉପରେ କମିଶନରେଟ୍ ପୋଲିସ ଚଢାଉ କରିଛି । ଆଜି ଭୋର ସମୟରେ କମିଶନରେଟ ପୋଲିସ ସ୍ପେଶାଲ ସ୍କ୍ୱାର୍ଡ ଚଢାଉ କରିଛି । ଉକ୍ତ ଘାଟରେ ଚଢାଉ କରି ୭ଟି ବାଲି ବୋଝେଇ ଟ୍ରାକ୍ଟର ଜବତ କରିଛି । ଏହାସହିତ ଘଟଣାରେ ୧୦ରୁ ଅଧିକ ଜଣଙ୍କୁ ଅଟକ ରଖିଛି କମିଶନରେଟ ପୋଲିସ୍ । ସମସ୍ତଙ୍କୁ ପଚାଉପଚରା ଜାରି ରହିଛି । ଚଢାଉ ଏବେବି ଜାରି ରହିଛି । ପୋଲିସ ଟିମ୍ ବାଲିଘାଟସ୍ଥଳରେ ଉପସ୍ଥିତ ରହିଛି । ପ୍ରଶାସନର ବିନା ଅନୁମତିରେ ଏଠାରେ ବାଲିଘାଟ ଚାଲୁଥିଲା । ଯାହାଦ୍ୱାରା କି ଏଠାରୁ ଲକ୍ଷ ଲକ୍ଷ ଟଙ୍କାର ରାଜସ୍ୱ ଲୁଟ୍ ହେଉଥିଲା ।