ଭୁବନେଶ୍ବର ୧୧|୩ : ବାଣୀବିହାର କ୍ୟାମ୍ପସରେ କମିସନରେଟ୍ ପୋଲିସର ଚଢାଉ । କ୍ୟାମ୍ପସ୍ ଭିତରେ ନୂତନ ଭାବେ ନିର୍ମାଣ କରାଯାଇଥିବା ସାତ ନମ୍ବର ହଷ୍ଟେଲକୁ ପୋଲିସ ଖାଲି କରିବା ସହିତ ହଷ୍ଟେଲ ଭିତରୁ ଅନେକ ମାଦକଦ୍ରବ୍ୟ ଜବତ କରିଛି ।
{"id":92416}
ହଷ୍ଟେଲର ଆଲମାରୀରେ ସଜା ହୋଇ ରହିଛି ମଦ ବୋତଲ । ଏଭଳି ଦୃଶ୍ୟ ଦେଖିବାକୁ ମିଳିଛି ବାଣୀବିହାର କ୍ୟାମ୍ପସ ଭିତରେ ନୂତନ ଭାବେ ନିର୍ମାଣ କରାଯାଇଥିବା ୭ ନମ୍ବର ହଷ୍ଟେଲେ । ତିନି ମହଲା ବିଶିଷ୍ଟ ଏହି ହଷ୍ଟେଲରେ ୮୦ରୁ ଅଧିକ ରୁମ୍ ରହିଥିବା ବେଳେ ଏହା ଭିତରେ ୱାର୍ଡନ ରୁମ୍ ସହିତ ଡାଇନିଙ୍ଗ ରୁମ୍ ମଧ୍ୟ ରହିଛି ।
{"id":92417}
ଏହି ହଷ୍ଟେଲରେ ରହିବା ପାଇଁ ମାତ୍ର ୩୧ ଜଣଙ୍କୁ ଅନୁମତି ପ୍ରଦାନ କରାଯାଇଥିଲା । ପରବର୍ତ୍ତି ସମୟରେ ହଷ୍ଟେଲରୁ ୨୬ଜଣ ଛାତ୍ର ରୁମ୍ ଛାଡିଦେଇଥିଲେ । ହେଲେ କୌଣସି ଛାତ୍ରଙ୍କୁ ଏଥିପାଇଁ ଅନୁମତି ନଥିଲେ ମଧ୍ୟ ଏହି ହଷ୍ଟେଲରେ ୧୪୦ରୁ ଅଧିକ ପିଲା ରହୁଥିଲେ । ଯେଉଁମାନଙ୍କ ମଧ୍ୟରୁ ଅନେକ ଅଣଛାତ୍ର ବୋଲି ଜଣାପଡିଛି ।
{"id":92418}
ହଷ୍ଟେଲ ଭିତରୁ ଅଣଛାତ୍ର ଓ ଅନୁମତି ପାଇନଥିବା ଛାତ୍ର ମାନଙ୍କୁ ବାହାର କରିବା ପାଇଁ କମିସନରେଟ ପୋଲିସକୁ ନାକେଦମ ହେବାକୁ ପଡିଥିଲା । ପ୍ରତ୍ୟେକ ରୁମରେ ତାଲା କାଟି ପୋଲିସ ହଷ୍ଟେଲରେ ପଶି ଅଣଛାତ୍ରଙ୍କ ଆସବାବପତ୍ର ବାହାର କରି ସେହି ସବୁ ରୁମରେ ନୂଆ ତାଲା ପକାଇଥିଲା ।
{"id":92420}
ତେବେ କେବଳ ୭ନମ୍ବର ହଷ୍ଟେଲ ନୁହେଁ ସାରା ବାଣିବିହାର କ୍ୟାମ୍ପସ ଏଭଳି ଅଣଛାତ୍ରଙ୍କ ରାଜୁତି ଥିବା ଅଭିଯୋଗ ହୋଇଛି ।
