ଜଗତପୁର ୨୨।୧୨: ସିମେଣ୍ଟ ଗୋଦାମରେ ପୋଲିସର ଚଢାଉ । କଟକ ଜଗତପୁର ସ୍ଥିତ କେନ୍ଦ୍ରାପଡା-ଚାନ୍ଦବାଲି ରୋଡରେ ଥିବା ସିମେଣ୍ଟ ଗୋଦାମ ଉପରେ ଜଗତପୁର ପୋଲିସ ଚଢାଉ କରିଛି ।

ସୂଚନାଯୋଗ୍ୟ ଯେ, ଏହି ସିମେଣ୍ଟ କମ୍ପାନୀରେ ଅପମିଶ୍ରିତ କରି ବଜାରକୁ ଛଡାଯାଉଥିଲା । କମ୍ପାନୀରୁ ଉତ୍ପାଦିତ ହୋଇଥିବା ସିମେଣ୍ଟ ଏକ୍ସପାୟରୀ ହେବା ପରେ ପୁଣି ସେହି ସିମେଣ୍ଟକୁ ବସ୍ତାରୁ କଢ଼ାଯାଇ ପୁନର୍ବାର ସିମେଣ୍ଟକୁ ଭେଜାଲ କରି ପ୍ୟାକିଂ କରାଯାଇ ବଜାରକୁ ଛଡା ଯାଉଥିଲା । ପୋଲିସ ବିଶେଷ ସୂତ୍ରରୁ ଖବର ପାଇ ଚଢାଉ କରିଥିଲା । ଚଢାଉ ବେଳେ ଗୋଦାମରୁ ଟ୍ରକରେ ସିମେଣ୍ଟ ଲୋଡ୍ କରାଯାଉଥିଲା । ସେହି ସମୟରେ ପୋଲିସ ଗାଡି ସହ ସମସ୍ତ ସିମେଣ୍ଟକୁ ସିଜ୍ କରିବା ସହ ଗୋଦାମର ଜଣେ କର୍ମଚାରୀକୁ ଅଟକ ରଖିଛି । ଗୋଦାମରେ ବିପୁଳ ପରିମାଣର ଅପମିଶ୍ରିତ ସିମେଣ୍ଟ ରହିଛି ।