Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ମୁହଁ ଖୋଲିଲା ବିକାଶ ଦୁବେ, କହିଲା ପେଟ୍ରୋଲ ଢାଳି ପୋଡିଥାନ୍ତା ୮ପୋଲିସବାଲାଙ୍କ ଶବ, କରିଥିଲା ଚୂଡାନ୍ତ ପ୍ରସ୍ତୁତି

9/07/2020 at 9:11 PM

ଉଜ୍ଜୈନ ୯।୭:  ମଧ୍ୟପ୍ରଦେଶ ଉଜ୍ଜୈନରୁ ଗିରଫ ଉତ୍ତରପ୍ରଦେଶ ଗ୍ୟାଙ୍ଗଷ୍ଟର ବିକାଶ ଦୁବେକୁ ପୋଲିସ ପଚରା ଉଚରା ଚାଲିଛି। ଏଥିରେ ସେ ଯାହା କହିଛି ଯାଞ୍ଚକାରୀ ଅଧିକାରୀଙ୍କ ମଥା ଘୁରେଇ ଦେଇଛି। ସେ ପୋଲିବାଲାଙ୍କୁ ହତ୍ୟା କରି ସେମାନଙ୍କ ଶବକୁ ପେଟ୍ରୋଲ ଢାଳି ପୋଡିଥାନ୍ତା। ଏଥିଲାଗି ସବୁ ପ୍ରସ୍ତୁତ ରଖିଥିଲା। ହେଲେ ସେ ଏପରି କରିପାରିନଥିଲା ବୋଲି କହିଛି । ତେବେ ସେ ଡିଏସପି ଦେବେନ୍ଦ୍ର ମିଶ୍ରଙ୍କୁ ହତ୍ୟାକରିବାର କାରଣ ସମ୍ପର୍କରେ ଯାହା କହିଛି ତାହା ବାସ୍ତବିକ୍ ଆଶ୍ଚର୍ଯ୍ୟଜନକ।

ବିକାରୁ ଗାଁରେ ହୋଇଥିବା ପୋଲିସ ଗଣ ସଂହାରରେ ଡିଏସପି ଦେବେନ୍ଦ୍ର ମିଶ୍ରଙ୍କ ସମେତ ୮ ଜଣ ପୋଲିସ କର୍ମଚାରୀ ଶହିଦ ହୋଇଥିଲେ। ତେବେ ଏଥିଲାଗି ବିକାଶ ଯେଉଁ କାରଣ କହିଛି ତାହା ସେପରି ଗୁରୁତର ମନେ ହେଉ ନାହିଁ। ପୋଲିସ ତାକୁ ଗିରଫ କରିବାକୁ ଆସୁଥିବାର ପୂର୍ବରୁ ସେ ଥାନାରୁ ସୂଚନା ପାଇ ସାରିଥିଲା। ଏଣୁ ପାନେ ଚଖାଇବା ଲାଗି ସେ ଜେସିବିରେ ରାସ୍ତା ଅଟକାଇଥିଲା। ପୋଲିସ ଗାଡି ପହଞ୍ଚିବା ମାତ୍ରେ ଆମ୍ବୁସ୍‌ କରିଥିଲା।

ଡିଏସପି ଦେବେନ୍ଦ୍ର ମିଶ୍ରଙ୍କ ସହ ତାର ପଡୁ ନଥିଲା। ସେ ତାକୁ ବାରମ୍ବାର ଧମକାଉଥିଲେ ଓ ସୁଯୋଗ ପାଇଲେ ତାର ଅପରାଧ ନିଶା ଛଡାଇ ଦେବେ ବୋଲି କହୁଥିଲେ। ତେବେ ତା ପୂର୍ବରୁ ସେ ତାଙ୍କୁ ରାସ୍ତାରୁ ହଟାଇ ଦେଇଛି ବୋଲି ପୋଲିସକୁ କହିଛି। ଲକଡାଉନ ସମୟରେ ବିକାରୁ ଆଖାପାଖ ଅଞ୍ଚଳର ଥାନା କର୍ମଚାରୀଙ୍କୁ ସେ ଅନେକ ସହାୟତା କରିଛି। ଏଣୁ ତା ଗିରଫ ସମ୍ପର୍କରେ ସୂଚନା ମିଳିବାମାତ୍ରେ ଥାନା କର୍ମଚାରୀମାନେ ଜଣାଇ ଥିଲେ ବୋଲି ସେ ପୋଲିସ ପଚରା ଉଚୁରାରେ କହିଛି। ତେବେ ଘଟଣା ପଛରେ ଅନେକ କିଛି ଥିବାର ଏବେ ସନ୍ଦେହ କରାଯାଉଛି।  

   Related Posts