କାନପୁର ୨୩/୩- ଆଜିକାଲି ପାଶ୍ଚାତ୍ୟ ସଂସ୍କୃତିର ପ୍ରଭାବରେ ପ୍ରେମ କରିବାକୁ ଯୁବକ-ଯୁବତୀ ଦେଖୁନାହାଁନ୍ତି ସ୍ଥାନ-କାଳ-ପାତ୍ର । ଅନାୟସରେ ଖୁଲମଖୋଲା ଭାବେ ରାସ୍ତା-ଘାଟ-ମନ୍ଦିର-ପାର୍କ ସବୁଆଡ଼େ ଅଶ୍ଳୀଳତା ପ୍ରଦର୍ଶନ କରିବାକୁ ବି ପଛାଉନାହାଁନ୍ତି । କିନ୍ତୁ ପ୍ରେମୀଯୁଗଳ ଜାଣିବା ଦରକାର ସର୍ବସାଧାରଣ ସ୍ଥାନରେ ପ୍ରେମ କରିବା ଦଣ୍ଡନୀୟ ଅପରାଧ ।
ଏମିତି ଏକ ଘଟଣା କାନପୁରର ଜଣେ ବିଧାୟକଙ୍କ ଘର ସାମନାରେ ଘଟିଛି । ବିଧାୟକ ନିକଟସ୍ଥ ଥାନାକୁ ସୂଚନା ଦେବାପରେ ପ୍ରେମୀଯୁଗଳଙ୍କୁ ଥାନାରେ ଅଟକ ରଖିଛି ପୋଲିସ ।
ଶୁକ୍ରବାରଦିନ ବିଧାୟକଙ୍କ ଘର ସାମ୍ନାରେ ଗାଡ଼ିରଖି ଖୋଲାଖୋଲି ଭାବେ ପ୍ରେମ କରୁଥିଲେ । ଏମିତିକି ସେମାନଙ୍କ ଅଶ୍ଳୀଳତା ଏତେ ଟପିଯାଇଥିଲା ବାଟରେ ଯାଉଥିବାଲୋକ ସେହିବାଟ ଦେଇ ଯିବାକୁ ବି ଲଜ୍ୟା ଅନୁଭବ କରୁଥିଲେ । ବିଧାୟକଘର ସାମ୍ନାରେ ଅଶ୍ଳୀଳଭାବରେ ମିଶିବା ସେମାନଙ୍କ ପାଇଁ ପଡ଼ିଲା ମହଙ୍ଗା ।
ବିଧାୟକ ଥାନାକୁ ଫୋନ କରି ସୂଚନା ଦେଇଥିଲେ । ପୋଲିସ ପହଂଚିବାବେଳକୁ ସେମାନଙ୍କୁ ଅଂସଯତ ଅବସ୍ଥାରେ ଦେଖିବାକୁ ପାଇଥିଲା । ଦିନ-ଦ୍ଵିପ୍ରହରେ ସର୍ବସାଧାରାଣ ସ୍ଥାନରେ ଏଭଳି କାର୍ଯ୍ୟ ଅପରାଧ ବୋଲି କହିଥିଲା ପୋଲିସ । ଯୁବକ-ଯୁବତୀଙ୍କୁ ଥାନାରେ ଅଟକ ରଖି ପଚରାଉଚରା କରିବା ସହ ପରିବାରଲୋକଙ୍କୁ ସମାଧାନ ପାଇଁ ଡ଼ାକିଛି ପୋଲିସ ।