Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ୪୧ ବର୍ଷ ପରେ କ୍ଵାର୍ଟର ଫାଇନାଲ୍‌ରେ ଭାରତୀୟ ମହିଳା ହକି ଦଳ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୯୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ଡିସଚାର୍ଜ, ଜାଣନ୍ତୁ କେଉଁ ଜିଲ୍ଲାରୁ କେତେ ସୁସ୍ଥ
  • ||
  • ଭୁବନେଶ୍ବରରୁ ଦିନକରେ ୩୫୪ କରୋନା ଆକ୍ରାନ୍ତ ଚିହ୍ନଟ, ୨୩୯ ସୁସ୍ଥ
  • ||
  • ଭାରତ-ଚୀନ ମଧ୍ୟରେ ଥମିବ କି ବିବାଦ ! ୯ ଘଣ୍ଟା ଧରି ଚାଲିଲା ୧୨ତମ ବୈଠକ, ଗୋଗରା-ହଟ୍ ସ୍ପ୍ରିଙ୍ଗରୁ ସୈନ୍ୟ ପ୍ରତ୍ୟାହାର ଉପରେ ଜୋର
  • ||
  • ଜେଲ୍‌ ଗଲେ କୋଟିପତି ପିଏସ୍‌ ବିରଞ୍ଚି ସାହୁ
  • ||
  • ସେମି ଫାଇନାଲରେ ହାରିଲେ ସିନ୍ଧୁ, ଧୂଳିସାତ ହେଲା ସ୍ଵର୍ଣ୍ଣ ପଦକ ଆଶା, ଏବେ କାଂସ୍ୟ ଉପରେ ନଜର
  • ||
  • ସରକାରୀ-ବେସରକାରୀ ସ୍ବିମିଂ ପୁଲ ଖୋଲିବ
  • ||
  • ମୀନା ବଜାର ଖୋଲାଯାଇପାରିବ
  • ||
  • ଭୋଜିଭାତ ଉପରେ ପୂର୍ବବତ କଟକଣା ରହିବ
  • ||
  • ବିବାହରେ ୨୫, ଶୁଦ୍ଧିକ୍ରିୟାରେ ୨୦ ଜଣଙ୍କୁ ଅନୁମତି
  • ||

କରୋନାରେ ଚାଲିଗଲା କୋଭିଡ଼ ଯୋଦ୍ଧାଙ୍କ ଜୀବନ : ଲକ୍ଷଣ ଥାଇ ଦୁଇ ଥର ଟେଷ୍ଟ ରିପୋର୍ଟ ନେଗେଟିଭ୍, ତୃୀତୟ ଥର ଆସିଲା ପଜିଟିଭ୍‌

8/08/2020 at 1:04 PM

ଲକ୍ଷ୍ନୌ ୦୮।୦୮: ଦିନକୁ ଦିନ ଅଣାୟତ ହୋଇଚାଲିଛି କରୋନା । ପ୍ରତିଦିନ ହଜାର ହଜାର କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ଉତ୍ତରପ୍ରଦେଶର ଜଣେ ପୋଲିସ ଇନ୍ସପେକ୍ଟର କରୋନାରେ ପ୍ରାଣ ହରାଇଛନ୍ତି । ତାଙ୍କ ନାମ ଇନ୍ଦ୍ରଜିତ ସିଂହ ଭଦୌରିଆ (୪୭) ଏବଂ ସେ ଉନ୍ନାଓ ଜିଲ୍ଲାର ବାସିନ୍ଦା । ଶାହାଜାହାନପୁର ଜିଲ୍ଲା ଆଲ୍ଲାହାଗଞ୍ଜ ଥାନାରେ କାର୍ଯ୍ୟରତ ଥିଲେ । ସବୁଠାରୁ ଆଶ୍ଚର୍ଯ୍ୟର ବିଷୟ ୨ ଥର ତାଙ୍କ ରିପୋର୍ଟ ନେଗେଟିଭ୍‌ ଆସିବା ପରେ ତୃତୀୟ ଥର ପଜିଟିଭ୍‌ ଆସିଥିଲା ।

ଭଦୌରିଆ ଜୁଲାଇ ୨୨ ତାରିଖରେ ମିରଟରେ ଏକ ପୁଲିସ ଟ୍ରେନିଂରେ ସାମିଲ ହୋଇଥିଲେ । ସେଠାରୁ ଫେରିବାର ଦିନକ ପରେ ଅର୍ଥାତ ଜୁଲାଇ ୨୩ରେ ଥଣ୍ଡା ଜ୍ୱର ଓ କାଶରେ ପୀଡିତ ହୋଇପଡିଥିଲେ । ସେହିଦିନ ତାଙ୍କର କରୋନା ଟେଷ୍ଟ କରାଯାଇଥିଲା । ରାପିଡ ଆଣ୍ଟିଜେନ ଟେଷ୍ଟରୁ ତାଙ୍କ ରିପୋର୍ଟ ନେଗେଟିଭ ଆସିଥିଲା । କିନ୍ତୁ ତାଙ୍କୁ ଘରେ ରହିବାକୁ ପରାମର୍ଶ ଦିଆଯାଇଥିଲା ।

ଘରେ ରହିବା ଭିତରେ ତାଙ୍କର ଜ୍ୱର ଓ ଥଣ୍ଡା କମି ନଥିଲା । ତାଙ୍କୁ ଜୁଲାଇ ୩୧ରେ ପୁଣି ଥରେ କରୋନା ଟେଷ୍ଟ କରିବାକୁ କୁହାଯାଇଥିଲା । ଏଥରକ ସେ ଆରଟି-ପିସିଆର ଟେଷ୍ଟ କରାଇଥିଲେ । କିନ୍ତୁ ଏଥର ବି ରିପୋର୍ଟ ନେଗେଟିଭ ଆସିଥିଲା । ତେବେ ଦେହ ଅଧିକ ଖରାପ ହୋଇପଡିବାରୁ ଅଗଷ୍ଟ ୧ ତାରିଖରେ ତାଙ୍କୁ ଲକ୍ଷ୍ନୌର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ସେଠାରେ ତାଙ୍କ କରୋନା ଟେଷ୍ଟ କରାଯିବା ପରେ ତାହା ପଜିଟିଭ ବାହାରିଥିଲା । ହେଲେ ସେତେବେଳକୁ ତାଙ୍କ ଅବସ୍ଥା ବହୁତ ଖରାପ ହୋଇସାରିଥିଲା । ଅଗଷ୍ଟ ୪ ତାରିଖରେ ସେଠାରୁ ତାଙ୍କୁ ଅନ୍ୟ ଏକ ହସ୍ପିଟାଲକୁ ନିଆଯାଇଥିଲା । ସେଠାରେ ମାତ୍ର ଗୋଟିଏ ଦିନ ଭେଣ୍ଟିଲେଟରରେ ସେ ରହିଥିଲେ । ପରଦିନ ଅର୍ଥାତ ଅଗଷ୍ଟ ୫ ତାରିଖରେ ଡାକ୍ତରଙ୍କ ଚେଷ୍ଟା ସତ୍ତ୍ୱେ ସେ ପ୍ରାଣ ହରାଇଥିଲେ ।

   Related Posts