Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ନୂତନ ଆଡ୍ଡା ଖୋଜୁଛନ୍ତି ନକ୍ସଲ, ବଦଳୁଛି ରଣନୀତି, ଏବେ ଅନେକ ରାଜ୍ୟର ପୁଲିସ ମିଶି ଚଳାଇବେ ଅଭିଯାନ

20/10/2020 at 3:48 PM

ନୂଆଦିଲ୍ଲୀ ୨୦।୧୦: ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ନକ୍ସଲଙ୍କ ପ୍ରବେଶ ଉପରେ ରୋକ୍ ଲଗାଇବା ପାଇଁ ଛତିଶଗଡ ସହିତ ଚାରୋଟି ରାଜ୍ୟର ପୁଲିସ ମିଶି ଅଭିଯାନ ଆରମ୍ଭ କରିବେ। ଏଥି ସହ ନକ୍ସଲ, ତସ୍କରି ସହିତ ଅନ୍ୟ ପ୍ରସଙ୍ଗରେ ଉତ୍ତମ ସମନ୍ଵୟ ରଖି କାର୍ଯ୍ୟ କରାଯିବ। ଚାରି ରାଜ୍ୟ ନକ୍ସଲଙ୍କ  ବିରୋଧରେ ମିଳିତ ରଣନୀତିକୁ କାର୍ଯ୍ୟକାରୀ କରିବା ପାଇଁ ଗତ ଦିନରେ ଉଚ୍ଚସ୍ତରୀୟ ବୈଠକ କରିଛନ୍ତି। ଆବଶ୍ୟକ ପଡିଲେ ଅନ୍ୟ ରାଜ୍ୟ ମଧ୍ୟ ସାମିଲ ହେବେ ବୋଲି କୁହାଯାଇଛି।

ସୁରକ୍ଷାବଳର ଜଣେ ଅଧିକାରୀ କହିଛନ୍ତି ଛତିଶଗଡ, ମହାରାଷ୍ଟ୍ର, ତେଲଙ୍ଗାନା ଓ ଓଡିଶା ପୋଲିସ ଏବଂ ସୁରକ୍ଷାବଳ ସମନ୍ଵିତ ରଣନୀତି ସହିତ ନକ୍ସଲଙ୍କ ବିରୋଧରେ ଅଭିଯାନ ଚଳାଇବେ। ଏହି ରାଜ୍ୟ ନକ୍ସଲ ସମ୍ବନ୍ଧରେ ପ୍ରତିଟି ସୂଚନା ପରସ୍ପର ମଧ୍ୟରେ ଆଦାନ ପ୍ରଦାନ କରିବେ। ଅଧିକାରୀଙ୍କ ଅନୁଯାୟୀ ପ୍ରତି ମାସରେ ଡିଜିପିସ୍ତରୀୟ ବୈଠକରେ ନକ୍ସଲି ଅଭିଯାନର ସମୀକ୍ଷା କରାଯିବ।

ଉଲ୍ଲେଖଯୋଗ୍ୟ, ନକ୍ସଲଙ୍କ ଟ୍ରାଇଜଙ୍କସନକୁ ଧ୍ୟାନରେ ରଖି ରାଜ୍ୟଗୁଡିକ ମଧ୍ୟରେ ସମନ୍ଵିତ ରଣନୀତି ୨୦୦୯ରୁ ଆରମ୍ଭ ହୋଇଥିଲା। ସେହି ସମୟରେ ତିନି ଗୋଷ୍ଠୀରେ ଟ୍ରାଇ ଜଙ୍କସନ ଆରମ୍ଭ ହୋଇଥିଲା। ଏଥିରେ ଆନ୍ଧ୍ର ପ୍ରଦେଶ-ମହାରାଷ୍ଟ୍ର-ଛତିଶଗଡ, ଓଡିଶା-ଝାଡଖଣ୍ଡ-ଛତିଶଗଡ ଓ ପଶ୍ଚିମବଙ୍ଗ-ଝାଡଖଣ୍ଡ-ଓଡିଶାକୁ ସାମିଲ କରାଯାଇଥିଲା। ୨୦୧୮ରେ ନକ୍ସଲଙ୍କ ନୂତନ ଆଡ୍ଡା ଉପରେ ସୁରକ୍ଷାବଳଙ୍କ ଖାସ୍ ନଜର ରହିଥିଲା।

ଉଲ୍ଲେଖଯୋଗ୍ୟ, ମଧ୍ୟ ପ୍ରଦେଶ, ଛତିଶଗଡ ଓ ମହାରାଷ୍ଟ୍ର ସୀମାରେ ଘଞ୍ଚ ଜଙ୍ଗଲରେ ନକ୍ସଲ ଟ୍ରେନିଂ କ୍ୟାମ୍ପ ଲଗାଇ ନକ୍ସଲଙ୍କୁ ଗରିଲା ଯୁଦ୍ଧର ପ୍ରଶିକ୍ଷଣ ଦେଉଛନ୍ତି। ନକ୍ସଲଙ୍କ କ୍ରମାଗତ ବଦଳୁଥିବା ରଣନୀତିର ମୁକାବିଲା ପାଇଁ ସୁରକ୍ଷାବଳ ମଧ୍ୟ ନୂତନ ଭାବେ ନିଜର ରଣନୀତି ପ୍ରସ୍ତୁତ କରିଛି।

ସୁକମା ଓ ବିଜାପୁର ନକ୍ସଲଙ୍କ ପେଣ୍ଠସ୍ଥଳୀ କୁହାଯାଏ। ଏହି ଅଞ୍ଚଳ ସହିତ ଓଡିଶା, ତେଲଙ୍ଗାନା, ମହାରାଷ୍ଟ୍ରର ନକ୍ସଲ ପ୍ରଭାବିତ ଅଞ୍ଚଳ ଲାଗି ରହିଛି। ତେଣୁ ଯେ କୌଣସି ଅପରେସନ ଆରମ୍ଭ ହେଲେ ନକ୍ସଲ ଅନ୍ୟ ରାଜ୍ୟର ଜଙ୍ଗଲରେ ଛପି ଯାଉଛନ୍ତି।

   Related Posts