Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ପାଟଣାଗଡ ବିଧାୟକ ଜେଇଙ୍କୁ ଉଠବସ୍ କରିବା ଘଟଣା : ନା’ ବିଧାୟକଙ୍କ ବିରୋଧରେ ନିଆଯାଉଛି କାର୍ଯ୍ୟାନୁଷ୍ଠାନ, ନା’ ଜେଇଙ୍କୁ ଚାପୁଡା ମାରିଥିବା ନିର୍ବାହୀ ଯନ୍ତ୍ରୀଙ୍କୁ ଗିରଫ କରୁଛି ପୋଲିସ

14/06/2019 at 4:48 PM

ବାଲାଙ୍ଗିର ୧୪|୬:  ପୂର୍ତ୍ତ ବିଭାଗ ଜେଇଙ୍କୁ ପାଟଣାଗଡ ବିଧାୟକ ଉଠବସ୍‌ କରିବା ଘଟଣାରେ ଯେତେ ତମ୍ବିତୋଫାନ୍‌ ହେଲେ ବି ପ୍ରଶାସନ ଚୁପ୍‌ । ନା’ ବିଧାୟକଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଉଛି, ନା’ ବିଧାୟକଙ୍କ ନିର୍ଦ୍ଦେଶରେ ଜେଇଙ୍କୁ ଚାପୁଡା ମାରିଥିବା ନିର୍ବାହୀ ଯନ୍ତ୍ରୀ ବାନ୍ଧିଛି ପୋଲିସ । ଏମିତିକି ରାସ୍ତା କାମରେ ହୋଇଥିବା ଦୁର୍ନୀତି ଅଭିଯୋଗ ଉପରେ କୌଣସି ଆକ୍ସନ ନିଆନଯିବା ପୂରା ବ୍ୟବସ୍ଥା ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି । ପ୍ରଶ୍ନ ଉଠୁଛି ଏଠି ଆଇନ୍‌ କାନୁନ୍‌ ବୋଲି କିଛି ଅଛି କି ନାହିଁ ?

ସର୍ବସମ୍ମୁଖରେ ପୂର୍ତ୍ତ ବିଭାଗର ଜଣେ ଜେଇଁଙ୍କୁ ଉଠ୍‌ବସ୍‌ କଲେ ଶାସକ ଦଳ ବିଧାୟକ । ବିଧାୟକଙ୍କ ନିର୍ଦ୍ଦେଶରେ ଜେଇଙ୍କୁ ଚାପୁଡ଼ା ମାରିଲେ ନିର୍ବାହୀ ଯନ୍ତ୍ରୀ । ଭିଡିଓ ଭାଇରାଲ୍‌ ହେଲା । ମିଡିଆରେ ଜୋର୍‌ ଧରିଲା ଚର୍ଚ୍ଚା  । ଡିପ୍ଲୋମା ଇଂଜିନିୟର ସଂଘଠାରୁ ଆରମ୍ଭ କରି ଜିଲ୍ଲା ଆଦିବାସୀ ସଂଘ ସମସ୍ତେ ପ୍ରତିବାଦ କରି କାର୍ଯ୍ୟାନୁଷ୍ଠାନ ଦାବି କଲେ । ଜିଲ୍ଲାପାଳ ମଧ୍ୟ ତାଙ୍କ ତଦନ୍ତ ରିପୋର୍ଟରେ ବିଧାୟକଙ୍କୁ ଦୋଷୀ ବୋଲି କହିସାରିଲେଣି । ତଥାପି ପୂରା ବ୍ୟବସ୍ଥା ଚୁପ୍‌ । ନା’ ବିଧାୟକଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଉଛି, ନା’ ବିଧାୟକଙ୍କ ନିର୍ଦ୍ଦେଶରେ ଜେଇଙ୍କୁ ଚାପୁଡ଼ା ମାରିଥିବା ନିର୍ବାହୀ ଯନ୍ତ୍ରୀଙ୍କୁ ବାନ୍ଧିଛି ପୋଲିସ । ଏମିତିକି ରାସ୍ତା କାମରେ ହୋଇଥିବା ଦୁର୍ନୀତି ଅଭିଯୋଗ ଉପରେ କୌଣସି ଆକ୍ସନ ନିଆନଯିବା ପୂରା ବ୍ୟବସ୍ଥା ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି ।

ତଦନ୍ତ ହେବା ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଥିଲେ ପୂର୍ତ୍ତମନ୍ତ୍ରୀ । ହେଲେ ଜିଲ୍ଲାପାଳ ତଦନ୍ତ ରିପୋର୍ଟ ଦେବାର ୪ ଦିନ ପୁରିଲାଣି । ତଥାପି ମନ୍ତ୍ରୀଙ୍କ ଆକ୍ସନ ଜିରୋ । ବିଧାୟକଙ୍କ ବିରୋଧରେ ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ନିଆଯାଇନାହିଁ ।  ସେପଟେ  ଘଟଣାରେ ଦୋଷୀ ନିର୍ବାହୀ ଯନ୍ତ୍ରୀ ଲୋକନାଥ ମିଁଶ୍ରଙ୍କୁ ମଧ୍ୟ ଘଣ୍ଟ ଘୋଡାଇବାରେ ବ୍ୟସ୍ତ ବିଭାଗୀୟ ଅଧିକାରୀ ।

ସେହିଭଳି ରାସ୍ତାକାମରେ ହୋଇଥିବା ଦୁର୍ନୀତି, ଯେଉଁଥିରୁ ପୂରା ଘଟଣାର ସୂତ୍ରପାତ ହୋଇଛି ତା’ ଉପରେ ମଧ୍ୟ କୌଣସି ଆଖି ଦୃଶିଆ ତଦନ୍ତ କିମ୍ବା ଆକ୍ସନ ନଜରକୁ ଆସୁନି । ନିମ୍ନମାନର ରାସ୍ତାକାମ ପାଇଁ କ’ଣ କେବଳ ଜେଇ ଦାୟୀ ଥିଲେ, ଠିକାଦାର କୁଆଡ଼େ ଗଲେ, ନିର୍ବାହୀ ଯନ୍ତ୍ରୀ କ’ଣ ଦୋଷୀ ନୁହନ୍ତି, କୁଆଡ଼େ ଗଲେ ପୂର୍ତ୍ତ ବିଭାଗର ବଡ଼ ବାବୁମାନେ । ନା’ ଦୁର୍ନୀତିରେ ସମସ୍ତଙ୍କ ମିଲିଭଗତ୍‌ ଅଛି ବୋଲି କୌଣସି କାର୍ଯ୍ୟାନୁଷ୍ଠାନ ନଜରକୁ ଆସୁନି ?

   Related Posts