Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ପୁଣି କଟକ ପୋଲିସର ଦବଙ୍ଗଗିରି: ଅଭିଯୁକ୍ତକୁ ଛାଡି ଅଭିଯୋଗକାରୀକୁ ନାଲିଆଖି

11/03/2019 at 6:00 PM

କଟକ୧୧୧|୩ (କିରଣ କାନୁନ୍‌ଗୋ):ମଦ ବିରୋଧରେ ମୋର୍ଚ୍ଚା ବାହାର କରିଥିବା ଆନ୍ଦୋଳନକାରୀଙ୍କୁ ଚାପୁଡ଼ା ମାରି ଜୋନ୍‌ 2 ଏସିପି ହରଡ଼ଘଣାରେ ପଡ଼ିଥିବା ବେଳେ କଟକରେ ପୋଲିସର ବ୍ୟବହାରକୁ ନେଇ ଆସିଛି ଆଉ ଏକ ଅଭିଯୋଗ । ଖାନ ନଗର ଅଂଚଳରେ ଏକ ଜମି ବିବାଦକୁ ନେଇ ବାଦାମବାଡ଼ି ଥାନାରେ ଅଭିଯୋଗ ହୋଇଥିବା ବେଳେ ଅଭିଯୋଗକାରୀଙ୍କୁ ପୋଲିସ ନାଲି ଆଖି ଦେଖାଉଥିବା ଅଭିଯୋଗ ହୋଇଛି । ଅଭିଯୁକ୍ତ ଫେରା୍ର ଥିବା ବେଳେ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରି ଚୁପ୍‌ ବସିବାକୁ ନେଇ ଉଠିଛି ପ୍ରଶ୍ନ । …..

ପୋଲିସର ମାତ୍ରାଧିକ କାର୍ଯ୍ୟକଳାପ ଏବେ କଟକ ସହରରେ ଚର୍ଚ୍ଚାକୁ ଖୋରାକ୍‌ ଯୋଗାଇଛି । ଅଭିଯୁକ୍ତଙ୍କୁ ଧରିବା ବଦଳରେ ଅଭିଯୋଗକାରୀଙ୍କୁ ପୋଲିସ ନାଲିଆଖି ଦେଖାଉଥିବା ଅଭିଯୋଗ ହୋଇଛି । ଏକ ଜମିଜମା ବିବାଦକୁ ନେଇ ଖାନ୍‌ ନଗର ଅଞ୍ଚଳର ବାସିନ୍ଦା ମାନବେଶ ମହାନ୍ତିଙ୍କୁ ଗଲା ୨ ତାରିଖରେ ସ୍ଥାନୀୟ ଅଂଚଳର ପ୍ରତ୍ୟୁଷ ମହାନ୍ତି ଏବଂ ତାଙ୍କର କିଛି ସହଯୋଗୀ ବିଭିନ୍ନ ମାରଣାସ୍ତ୍ରରେ ଆକ୍ରମଣ ଉଦ୍ୟମ କରିଥିଲେ । ଏନେଇ ମାନବେଶ ବାଦାମବାଡ଼ି ଥାନାରେ ଅଭିଯୋଗ କରିଥିଲେ ମଧ୍ୟ ଅଭିଯୁକ୍ତକୁ ଧରିବା ବଦଳରେ ପୋଲିସ ଅଭିଯୋଗକାରୀ ଏବଂ ତାଙ୍କ ସମ୍ପର୍କୀୟଙ୍କୁ ଦୁର୍ବ୍ୟବହାର କରିବା ସହ ଜୋର ଜବରଦସ୍ତ ଗାଡ଼ିରେ ବସାଇ ଥାନାକୁ ଆଣିବାକୁ ଉଦ୍ୟମ କରିଥିଲା । ତେବେ ସ୍ଥାନୀୟ ଲୋକମାନେ ଏହାକୁ ବିରୋଧ କରିବାରୁ ମାନବେଶଙ୍କୁ ଛାଡ଼ିବାକୁ ବାଧ୍ୟ ହୋଇଥିଲା ପୋଲିସ । ସେପଟେ ଅଭିଯୁକ୍ତ ଖୁଲମଖୁଲା ବୁଲୁଥିବା ବେଳେ ପୋଲିସ ତାକୁ ଗିରଫ ନକରି ଚୁପ୍‌ ବସିବା ନେଇ ମଧ୍ୟ ଉଠିଛି ପ୍ରଶ୍ନ ।

ନିକଟରେ ମଦ ବିରୋଧୀ ଆନ୍ଦୋଳନ ବେଳେ ସଂଗଠନର କର୍ମକର୍ତ୍ତାଙ୍କୁ ଚାପୁଡା ମାରି କଟକ ଜୋନ୍-2 ଏସିପି ଶେଖ୍ ସରିଫୁଦ୍ଦିନ୍‌ ବିବାଦ ଘେରକୁ ଆସିଥିବା ବେଳେ ବାଦାମବାଡି ପୋଲିସ ବିରୋଧରେ ଏଭଳି ଅଭିଯୋଗ, କଟକ ପୋଲିସର କାର୍ଯ୍ୟଶୈଳୀ ଉପରେ ପ୍ରଶ୍ନବାଚୀ ସୃଷ୍ଟି କରିଛି ।

ନିକଟରେ କମିଶନରେଟ୍‌ ପୋଲିସରେ ବ୍ୟାପକ ଅଦଳବଦଳ ହୋଇଥିବା ବେଳେ କଟକର ବିଭିନ୍ନ ଥାନାକୁ ଆସିଥିବା ନୂଆ ଅଧିକାରୀମାନେ ଅପରାଧ ନିୟନ୍ତ୍ରଣ ସହ ସହରବାସୀଙ୍କ ଭରସା ଜିତିବାକୁ ମଧ୍ୟ ଉଦ୍ୟମକରିବା ଦରକାର । ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନକରି ଅଭିଯୋଗକାରୀଙ୍କୁ ନିଜ ଦବଙ୍ଗଗିରି ଦେଖାଇଲେ ପୋଲିସ ହିଁ ବଦନାମ ହେବା ସାର ହେବ ।

   Related Posts