ଗୋଡ଼ା ୧୫/୨- ଦୁଷ୍କର୍ମରେ ଶିକାର ହୋଇଥିବା ଜଣେ ନାବାଳିକା ବାପା ସାଜି ପୋଲିସ କରିଲା ବାହାଘର । ଦୁଷ୍କର୍ମକାରୀକୁ ଦଣ୍ଡଦେବା ବଦଳରେ ପୋଲିସ କଲା ବାହାଘର ।
ଏହିଭଳି ଘଟଣା ଘଟିଛି ହରିୟାଣାର ଗୋଡ଼ା ଅଂଚଳରେ ଦେବଡ଼ାଂଡ଼ ଥାନା ଇଲାକାରେ । ଜଣେ ନାବାଳିକାଙ୍କୁ ଡ଼ିସେମ୍ବର ୨୨ ତାରିଖରେ ଦୁଷ୍କର୍ମ ହୋଇଥିବା କଥା ପରିବାର ପକ୍ଷରୁ ଅଣାଯାଇଥିଲା ଅଭିଯୋଗ । ଏହି ଅଭିଯୋଗକୁ ଭିତ୍ତିକରି ପୋଲିସ ଅମିତ କୁମାର ସେନ ନାମକ ସଂପୃକ୍ତ ଯୁବକଙ୍କୁ ଥାନାକୁ ଧରିଆଣିଥିଲା ।
ଏହି ଘଟଣାରେ ପୋଲିସ ଯୁବକଙ୍କୁ ପଚରାଉଚରା ପରେ ଜାଣିବାକୁ ପାଇଥିଲା ସେ ମୁଖ୍ୟ ଅଭିଯୁକ୍ତ ବୋଲି । ପରିବାର ଲୋକ ଏହି ଦୁଷ୍କର୍ମ ମାମଲାରେ ଧାରଣାରେ ବସିଥିଲେ । ପୋଲିସ ସେମାନଙ୍କୁ ଧାରଣାରୁ ଉଠିବା ପାଇଁ ବୁଝାଇସୁଝାଇ ଅଭିଯୁକ୍ତ ପାଇଁ ନୂଆ ଉପାୟ ଚିନ୍ତା କରିଥିଲା ।
ପୋଲିସ ପୀଡ଼ିତାଙ୍କ ସହ ଅଭିଯୁକ୍ତଙ୍କୁ ବିବାହ କରିବାକୁ ସ୍ଥିର କରିଥିଲା । ପୋଲିସ ବାପା ସାଜି ଥାନାଭିତରେ ନାବାଳିକାଙ୍କୁ କରିଥିଲା ବିବାହ । ଅଭିଯୁକ୍ତଙ୍କୁ ଦଣ୍ଡ ଦେବା ବଦଳରେ ଏମିତି ଦେଇଥିଲା ଶିକ୍ଷା ।
