Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ବିସ୍‌ ଓପନ୍‌: ୧୯ ମାସ ଓ ୧୩ ଟୁର୍ଣ୍ଣାମେଣ୍ଟ ପରେ ଫାଇନାଲରେ ପହଞ୍ଚିଥିଲେ ସିନ୍ଧୁ, କ୍ୟାରୋଲିନାଙ୍କଠୁ ହାରିଲେ
  • ||
  • ସରିଲା ବିଜେପିର ଦୁଇ ଦିନିଆ ରାଜ୍ୟ କାର୍ଯ୍ୟକାରିଣୀ, ଗୃହୀତ ହେଲା ରାଜନୈତିକ ଚିଠା ପ୍ରସ୍ତାବ, ପ୍ରସ୍ତୁତ ହେଲା ରଣନୀତି
  • ||
  • ଭାରତ ଓ ଚୀନ୍ କେହି କାହା ଲାଗି ବିପଦ ନୁହେଁ, ପରସ୍ପରର ମିତ୍ର : ୱାଙ୍ଗ ଇ
  • ||
  • ଅନ୍ତର୍ଜାତୀୟ ମହିଳା ଦିବସ: ବର୍ଣ୍ଣାଢ଼୍ୟ ଉତ୍ସବ ‘ୱିମେନ୍ ଆଚିଭର୍ସ୍ ଅଫ୍ ଓଡ଼ିଶା’ରେ ରାଜ୍ୟର ସଫଳ ମହିଳାଙ୍କୁ ସମ୍ବର୍ଦ୍ଧନା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||

ପୋଲିସ୍ ବନିଲା ଚୋର, ଲୁଟି ନେଲା ନଗଦ ଟଙ୍କା ସହ ଲକ୍ଷାଧିକ ଟଙ୍କାର ସୁନା-ରୂପା, ଅଭିଯୁକ୍ତକୁ ଧରାଇଲା ସିସିଟିଭି

22/01/2021 at 2:45 PM

ମହାରାଜଗଞ୍ଜ୨୨/୧: ଉତ୍ତର ପ୍ରଦେଶର ମହାରାଜଗଞ୍ଜ ଜିଲ୍ଲାରେ ଏକ ଆଶ୍ଚର୍ଯ୍ୟ ଜନକ ଡକାୟତି ମାମଲା ସାମ୍ନାକୁ ଆସିଛି । ଯେଉଁଥିରେ ଗୁରୁବାର ଦିନ ତିନିଜଣ ପୋଲିସ୍ କର୍ମୀଙ୍କୁ ଗିରଫ ସହିତ ନିଲମ୍ୱିତ କରାଯାଇଛି ।

ଗୋରଖପୁରର ବରିଷ୍ଠ ପୋଲିସ୍ ଅଧିକ୍ଷକ ଯୋଗେନ୍ଦ୍ର କୁମାର ଏନେଇ କହିଛନ୍ତି ଯେ, ଅଭିଯୁକ୍ତଙ୍କ ଠାରୁ ପୋଲିସ୍ ୧୯ ଲକ୍ଷ ନଗଦ ଟଙ୍କା, ୧୨ ଲକ୍ଷ ଟଙ୍କାର ସୁନା ୪ ଲକ୍ଷ ଟଙ୍କାର ରୂପା ଏବଂ ଏହି ଲୁଟ୍‌ର ବ୍ୟବହୃତ କାରକୁ ଜବତ କରିଛି । ଗୋରଖପୁରର ପାଡଲି ଗଞ୍ଜ ଅଞ୍ଚଳରେ ଦୁଇଜଣ ଗହଣା ଦୋକାନୀଙ୍କୁ ଲୁଟିଥିବା ଅଭିଯୋଗରେ ଏହି ତିନିଜଣ ପୋଲିସ୍ କର୍ମଚାରୀ ଏବଂ ସେମାନଙ୍କ ସହ ସାମିଲ୍ ଅନ୍ୟ ୬ଜଣ ଲୋକଙ୍କୁ ପୋଲିସ୍ ଗିରଫ କରିଥିବା କହିଛି ।

ଘଟଣା ଅନୁସାରେ ଅଭିଯୋଗକାରୀ ଦୀପକ ଶର୍ମା ଏବଂ ରାଜୁ ବର୍ମା ଗତ ବୁଧବାର ସକାଳୁ ବସରେ ଗୋରଖପୁର ଆସିଥିଲେ । ସେଠାରୁ ଲକ୍ଷ୍ନୌ ଯିବା ପାଇଁ ଅନ୍ୟ ଏକ ବସ୍ରେ ଚଢ଼ିଥିଲେ । ପୋଲିସର କହିବା ମୁତାବକ ଏହି ସମୟରେ ୬ ଜଣ ସନ୍ଦିଗ୍ଧ ବ୍ୟକ୍ତି ବସରେ ଚଢ଼ିଥିଲେ ଏବଂ ଦୁଇଜଣ ଗହଣା ଦୋକାନୀଙ୍କୁ ତଳକୁ ଓହ୍ଲାଇବାକୁ କହିଥିଲେ । ଏହାପରେ ସେମାନଙ୍କୁ ମାଡ଼ ମାରିବା ସହ ତାଙ୍କଠାରୁ ଟଙ୍କା, ସୁନା ଏବଂ ରୂପା ଲୁଟି ନେଇଥିଲେ ।

ଏହି ସମସ୍ତ ଘଟଣା ପାଖରେ ଲାଗିଥିବା ଏକ ସିସିଟିଭିରେ ରେକର୍ଡ ହୋଇଯାଇଥିଲା । ଯାହାକୁ ଆଧାର କରି ପୋଲିସ୍ ଅଭିଯୁକ୍ତଙ୍କ ପାଖରେ ପହଞ୍ଚି ପାରିଥିଲା  । ଜଣେ ଅଧିକାରୀ ଏ ନେଇ କହିଛନ୍ତି ଯେ ଗିରଫ ହୋଇଥିବା ପୋଲିସଙ୍କ ମଧ୍ୟରେ ଉପ-ନିରିକ୍ଷକ ଧର୍ମେନ୍ଦ୍ର ଯାଦବ, କନେଷ୍ଟବଳ ମହେନ୍ଦ୍ର ଯାଦବ ଏବଂ ସନ୍ତୋଷ ଯାଦବ ରହିଛନ୍ତି। ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯାଇଥିବା ପୋଲିସ୍ ପକ୍ଷରୁ କୁହାଯାଇଛି ।

   Related Posts