ଜଗତସିଂହପୁର ୨୭।୧୧: ଜଗତସିଂହପୁରରେ ସେକ୍ସ ରାକେଟ ଠାବ । ଅସଞ୍ଜତ ଅବସ୍ଥାରେ ଯୁବକ ଓ ଯୁବତୀଙ୍କୁ ଉଦ୍ଧାର କରାଯାଇଛି। ଏହି ରାକେଟ ଆଉ କେତେ ଜଣ ସାମିଲ ରହିଛନ୍ତି ସେନେଇ ପୋଲିସ ଛାନଭିନ ଜାରି ରଖିଛି ।
{"id":190581,"sizeSlug":"large"}ସୂଚନାଯୋଗ୍ୟ ଯେ , ସଦର ଥାନା ସିପି ଛକ ନିକଟରେ ଥିବା ଏକ ଘରୋଇ ଲଜ ଉପରେ ଆଜି ଜଗତସିଂହପୁର ପୋଲିସ ଆତର୍କିତ ଚଢ଼ାଉ କରି ଅସଂଯତ ଅବସ୍ଥାରେ ଥିବା ସାତ ଯୋଡ଼ା ଯୁବକ ଯୁବତୀଙ୍କୁ ଉଦ୍ଧାର କରିଛି । ଏଥି ସହିତ ପୋଲିସ ଆପତ୍ତିଜନକ ସାମଗ୍ରୀ ମଧ୍ୟ ଜବତ କରିଛି । ଯୁବକ ଯୁବତୀ ମାନଙ୍କର ପରିଚୟ ମିଳି ପାରିନାହିଁ । ଏମାନେ ପେଷାଦାର ଦେହଜୀବୀ କି ନାଁ ସେ ବାବଦରେ ସ୍ପଷ୍ଟ ହୋଇ ପାରିନାହିଁ । ଯୁବତୀ ମାନଙ୍କ ମଧ୍ୟରେ ଜଣେ କଲେଜ ଛାତ୍ରୀ ଥିବାର ଜଣା ଯାଇଛି । ଦୀର୍ଘ ଦିନ ହେଲା ଜଗତସିଂହପୁର ସହରରେ ଥିବା ବୃନ୍ଦାବନ ଗେଷ୍ଟ ହାଉସ ନାମକ ଏହି ଘରୋଇ ଲଜରେ ଦେହ ବ୍ୟବସାୟ ଚାଲିଥିବାର ଅଭିଯୋଗ ହୋଇ ଆସୁଥିବା ବେଳେ ପୋଲିସ ଏହା ଉପରେ ନଜର ରଖି ଥିଲା । ଆଜି ପୋଲିସ ଅଚାନକ ଚଢ଼ାଉ କରି ସେକ୍ସ ରାକେଟ ଠାବ କରିଛି ।