Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଧାମନଗରରେ ରହସ୍ୟଜନକ ଭାବେ ନାବାଳିକା ମୃତ୍ୟୁ ଘଟଣା- ସନ୍ଦେହ ଘେରରେ ପୁଲିସ ଭୂମିକା

5/11/2019 at 7:39 PM

ଭଦ୍ରକ ୦୫।୧୧- ଭଦ୍ରକ ଧାମନଗରରେ ଯାଜପୁର ଜିଲ୍ଲା ଦଶରଥପୁର ବ୍ଲକର ମଙ୍ଗଳପୁର ଥାନା ଅଞ୍ଚଳର ନାବାଳିକାଙ୍କ ମୃତ୍ୟୁ ଘଟଣା ଉପରୁ ଏ ପର୍ଯ୍ୟନ୍ତ ପର୍ଦ୍ଦା ହଟି ନ ଥିବା ବେଳେ ଭଦ୍ରକ ପୋଲିସର କାର୍ଯ୍ୟକଳାପ ସନ୍ଦେହ ଘେରକୁ ଆସିଛି ।ଭଦ୍ରକ ପୋଲିସ ଏହି ମାମଲାର ତଦନ୍ତ କରିବାକୁ ପଛଘୁଞ୍ଚା ଦେଉଥିବା ନେଇ ଅଭିଯୋଗ ହୋଇଛି । ନାବାଳିକାଙ୍କ ମୃତ୍ୟୁ ପାଇଁ ଦାୟୀ ୨ ଜଣ ଅଭିଯୁକ୍ତ ଏ ପର୍ଯ୍ୟନ୍ତ ଧରା ପଡ଼ିନାହାନ୍ତି ।

ମୁମୁର୍ଷୁ ଅବସ୍ଥାରେ ନାବାଳିକା ଉଦ୍ଧାର ହେବାପରେ ହସ୍ପିଟାଲରେ ମୃତ୍ୟୁ ଘଟଣାକୁ ୪ ଦିନ ବିତି ଯାଇଥିଲେ ମଧ୍ୟ ପୋଲିସ ଏ ପର୍ଯ୍ୟନ୍ତ ଅଭିଯୁକ୍ତ କିମ୍ବା ତାର ସହଯୋଗୀକୁ ଗିରଫ କରି ପାରିନାହିଁ । ସ୍ମିତାରାଣୀ ମାମଲା ଓ କେନ୍ଦ୍ରାପଡ଼ା କୋଅପରେଟିଭ ଯୌନ ନିର୍ଯାତନା ମାମଲାରେ ଯାଜପୁର ଓ କେନ୍ଦ୍ରାପଡା ପୋଲିସର କାର୍ଯ୍ୟକଳାପ ଉପରେ ପ୍ରଶ୍ନ ଉଠିଥିବା ବେଳେ ଏବେ ଭଦ୍ରକ ପୋଲିସର କାର୍ଯ୍ୟକଳାପ ଏଥିରେ ଆଉ ଏକ ଫର୍ଦ୍ଦ ଯୋଡ଼ିଛି । ଭଦ୍ରକ ଏସ୍‌ପି ପ୍ରଥମେ ଏହି ମାମଲାକୁ ଯାଜପୁର ଜିଲ୍ଲାର କହି ନିଜେ ମୁଣ୍ଡରୁ ହଟେଇ ଦେଇଥିଲେ।

କିନ୍ତୁ ସ୍ଥାନୀୟ ଲୋକ ଏନେଇ ପୂର୍ବାଞ୍ଚଳ ଆଇଜିଙ୍କୁ ଟ୍ବିଟ୍ କରିଥିଲେ ।ପୂର୍ବାଞ୍ଚଳ ଆଇଜି ଭଦ୍ରକ ଏସ୍‌ପିଙ୍କୁ ଘଟଣାର ତଦନ୍ତ କରି ୨୪ ଘଣ୍ଟା ମଧ୍ୟରେ ରିପୋର୍ଟ ଦେବାକୁ ନିର୍ଦ୍ଦେଶ ଦେଇଥିଲେ । କିନ୍ତୁ ଭଦ୍ରକ ଏସ୍‌ପି ପୁଣି ଥରେ ଟ୍ବିଟ୍ କରିଛନ୍ତି ଯେ ନଭେମ୍ବର ୨ ତାରିଖରେ ଯାଜପୁର ମଙ୍ଗଳପୁର ଥାନାରେ ଏନେଇ ମାମଲା ରୁଜୁ ହୋଇଥିଲା । ପୋଲିସ ଟ୍ବିଟରରେ ଦୋଷ ଝାଡୁଥିବା ବେଳେ ମୃତ ନାବାଳିକାର ବାପା ଏନେଇ ନଭେମ୍ବର ୩ ତାରିଖରେ ଏତଲା ଦେଇଛନ୍ତି ।କିନ୍ତୁ ଏ ପର୍ଯ୍ୟନ୍ତ ପୋଲିସ ତାଙ୍କ ସହିତ ଯୋଗାଯୋଗ କରିନାହିଁ କିମ୍ବା ମାମଲାର ତଦନ୍ତ ଆଗଉନାହିଁ ବୋଲି କହିଛନ୍ତି ।…

ଏହିମାମଲାରେ ଯାଜପୁର ମଙ୍ଗଳପୁର ପୋଲିସ ମୁଖ୍ୟ ଅଭିଯୁକ୍ତର ୨ ଜଣ ସହଯୋଗୀଙ୍କୁ ଅଟକ ରଖିଥିବା ସୂଚନା ମିଳିଛି । କିନ୍ତୁ ମୁଖ୍ୟ ଅଭିଯୁକ୍ତ ଏବଂ ତାର ଜଣେ ସହଯୋଗୀ ଏବେବି ଫେରାର ଅଛନ୍ତି । ଭଦ୍ରକ ପୋଲିସ ତଦନ୍ତ କରୁ କି ଯାଜପୁର ପୋଲିସ କିନ୍ତୁ ଅଭିଯୁକ୍ତକୁ ଧରିବାରେ ପୋଲିସ ପଛଘୁଞ୍ଚା ଦେଉଥିବା ଅଭିଯୋଗ ହିଁ ସାଂଘାତିକ।

 ମୁଖ୍ୟ ଅଭିଯୁକ୍ତ ସେକ୍‌ ନନ୍‌ ଏବଂ ତାର ଅନ୍ୟ ଜଣେ ସହଯୋଗୀ ଏବେବି ଫେରାର ଅଛନ୍ତି । ଭଦ୍ରକ ଧାମନଗର ପୋଲିସ ହବିବ ନଗର ଅଞ୍ଚଳରୁ ସହଯୋଗୀ ଗୋଲାମ୍‌ ଗସ୍‌କୁ ଅଟକ ରଖି ଯାଜପୁର ମଙ୍ଗଳପୁର ପୋଲିସକୁ ହସ୍ତାନ୍ତର କରିଛି ।ତେବେ ପ୍ରଶ୍ନ କେତେଜଣ ଏହି ଘଟଣାରେ ସଂପୃକ୍ତ ? କେଉଁ ପରିସ୍ଥିତିରେ ନାବାଳିକାଙ୍କର ମୃତ୍ୟୁ ଘଟିଲା ।

   Related Posts