Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

କଟକ ସିରିଜ ମର୍ଡର ଘଟଣାର ଅଭିଯୁକ୍ତ କୁହାଯାଉଥିବା ନାରାୟଣ ମାନସିକ ରୋଗୀ କି ନାହିଁ ସ୍ପଷ୍ଟ କରୁନି ପୋଲିସ, ରାଜରାସ୍ତାକୁ ଓହ୍ଲାଇଲା ବିଜେପି

1/08/2019 at 5:56 PM

କଟକ୧|୮:କଟକ ସିରିଏଲ୍‌ ମର୍ଡ଼ର ଘଟରାରେ ନୟାଗଡ଼ର ନାରାୟଣ ସାହୁଙ୍କୁ ଗିରଫ କରିଛି ପୋଲିସ । ହେଲେ ନାରାୟଣ ଜଣେ ମାନସିକ ରୋଗୀ କି ନାହିଁ ସେକଥା ଏପର୍ଯ୍ୟନ୍ତ ସ୍ପଷ୍ଟ କରିନି ପୋଲିସ । ସେପଟେ ବେପାରରେ କ୍ଷତି ପରେ ନାରାୟଣ ମାନସିକ ସନ୍ତୁଳନ ହରାଇଥିବା ଅଭିଯୋଗ କରିଛନ୍ତି ନାରାୟଣଙ୍କ ପରିବାର ଲୋକ । ଯଦି ନାରାୟଣ ଜଣେ ମାନସିକ ରୋଗୀ ହୋଇଥାନ୍ତି ତାହେଲେ ତାଙ୍କ ବିରୋଧରେ ଦଣ୍ଡବିଧାନକୁ ନେଇ ପ୍ରଶ୍ନ ଉଠାଇଛନ୍ତି ଆଇନଜୀବୀ । ସେପଟେ ଜଣେ ମାନସିକ ରୋଗୀଙ୍କୁ କେଉଁ ଆଧାରରେ ପୋଲିସ ଅଭିଯୁକ୍ତ ଦର୍ଶାଇଛି ତାକୁ ନେଇ ଆଜି କଟକରେ ରାସ୍ତାକୁ ଓହ୍ଲାଇଥିଲା ବିଜେପି । ….

ରହସ୍ୟମୟ ହୋଇ ଉଠିଥିଲା କଟକ ସିରିଏଲ୍‌ ମର୍ଡ଼ର ଘଟଣା । ଏବେ ଏହି ଘଟଣାରେ ଅଭିଯୁକ୍ତ ଭାବେ ନାରାୟଣ ସାହୁ ଗିରଫ ପରେ ମଧ୍ୟ ପୂରା ରହସ୍ୟ ଉପରୁ ପରଦା ହଟିପାରିନି । ଅଭିଯୁକ୍ତ ନାରାୟଣ ସାହୁଙ୍କ ପରିବାର ଓ ଗ୍ରାମବାସୀ ନାରାୟଣଙ୍କୁ ନିର୍ଦୋଷ କହୁଥିବା ବେଳେ ପୋଲିସ କିନ୍ତୁ ତାଙ୍କ ବିରୋଧରେ କୋର୍ଟରେ ପ୍ରମାଣ ରଖିବାକୁ ଦମ୍ଭ ଦେଖାଇଛି ।

ୟାରି ଭିତରେ ନାରାୟଣ ଜଣେ ମାନସିକ ରୋଗୀ କି ନାହିଁ ତାହା ମଧ୍ୟ ସ୍ପଷ୍ଟ କରୁନି ପୋଲିସ । ଯଦି ନାରାୟଣଙ୍କ ପରିବାରର ଅଭିଯୋଗ ଅନୁସାରେ ନାରାୟଣ ଜଣେ ମାନସିକ ରୋଗି ହୋଇଥାନ୍ତି ତାହେଲେ ତାଙ୍କ ବିରୋଧରେ ଦଣ୍ଡ ବିଧାନକୁ ନେଇ ପ୍ରଶ୍ନ ଉଠାଇଛନ୍ତି ଆଇନଜୀବୀ ।

ସେପଟେ ଜଣେ ମାନସିକ ରୋଗୀଙ୍କୁ କେଉଁ ଆଧାରରେ ପୋଲିସ ଅଭିଯୁକ୍ତ ଦର୍ଶାଇଛି ତାକୁ ନେଇ ପ୍ରଶ୍ନ ଉଠାଇଛି ବିଜେପି । ଆଇନଶୃଙ୍ଖଳା ପରିସ୍ଥିତି, ମର୍ଡ଼ର ମିଷ୍ଟ୍ରିର ରହସ୍ୟ ଭେଦ କରିବାରେ ପୋଲିସର ବିଫଳତା ପ୍ରତିବାଦରେ ଗୁରୁବାର ରାସ୍ତାକୁ ଓହ୍ଲାଇଥିଲା ଦଳ ।

ବିଧାନସଭା ଚାଲିଥିବା ବେଳେ କଟକରେ ୨୪ଘଣ୍ଟାରେ ତିନି ତିନିଟି ମର୍ଡ଼ର ପୋଲିସର ନିଦ ହଜାଇଦେଇଥିଲା । ୭ଦିନର କସରତ ପରେ ନୟାଗଡ଼ରୁ ନାରାୟଣ ସାହୁଙ୍କୁ ସଂଦେହରେ ଉଠାଇଥିଲା ପୋଲିସ । ଆଉ ଉଠାଇଆଣିବାର ୩ଦିନ ପରେ ଅଭିଯୁକ୍ତ ଦର୍ଶାଇ ଗିରଫ କରିଛି ।

   Related Posts