Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ବେପରୁଆ ସୋର ପୋଲିସ : ନିଖୋଜ ମହିଳାଙ୍କୁ ନଖୋଜି ରୁଜୁ କରିଛି ହତ୍ୟା ମାମଲା, ଗିରଫ ଭୟରେ ସ୍ବାମୀ ଓ ସଂପର୍କୀୟ ଫେରାର

7/02/2020 at 4:10 PM

ସୋର ୭।୨: ସୋର ପୋଲିସର ବିବାଦ ଥମିବାରେ ନାଁ ଧରୁନି । ମାସେ ତଳେ ଜଣେ ନିର୍ଦ୍ଦୋଶ ଯୁବକଙ୍କୁ ଡକାୟତି ମାମଲାରେ ଗିରଫ କରି ଜଣେ ଏଏସଆଇ ନିଲମ୍ବିତ ହୋଇଥିଲେ । ତାପରେ ସାମ୍ବାଦିକଙ୍କୁ ଦୁର୍ବ୍ୟବହାର ଅଭିଯୋଗ ଆସିଥିଲା ପୋଲିସ ବିରୋଧରେ । ଏବେ ପୁଣି ଏକ ସଙ୍ଗୀନ ଅଭିଯୋଗ ଆସିଛି । ଜଣେ ମହିଳା ଜୀବିତ ଥିବାବେଳେ ତାଙ୍କୁ ହତ୍ୟା କରାଯାଇଥିବା ଦର୍ଶାଇ ପୋଲିସ ମାମଲା ରୁଜୁ କରିଥିବାରୁ, ସଂପୃକ୍ତ ମହିଳାଙ୍କ ସ୍ବାମୀ ଓ ସ୍ବାମୀଙ୍କ ଭିଣୋଇ ଫେରାର ଏବଂ ଶାଶୁ ସର୍ଟ ଷ୍ଟେ ହୋମରେ ଅଟକ । ତେବେ ମହିଳା ନିଖୋଜ ଥିବାବେଳେ ପୋଲିସ ନିଖୋଜ ମାମଲା ରୁଜୁ ନକରି ହତ୍ୟା ମାମଲା ରୁଜୁ କରିଥିବାରୁ ତାହା ମହିଳାଙ୍କ ପରିବାରକୁ ହରଡଘଣାରେ ପକାଇଛି ।

ବାଲେଶ୍ବର ଜିଲ୍ଲା ସୋର ଥାନା ଅଠିଳାବାଜ ଗ୍ରାମର ଜଣେ ବିବାହିତା ମହିଳା ନିଖୋଜ ହୋଇଯିବା ପରେ ମହିଳାଙ୍କ ବାପଘର ପକ୍ଷରୁ ସୋର ଥାନାରେ ହତ୍ୟା ଅଭିଯୋଗ କରାଯାଇଥିଲା । ପୋଲିସ ସାଇଣ୍ଟିଫିକ୍ ଟିମ୍ ଏବଂ ପୋଲିସ କୁକୁର ସହାୟତାରେ ଛାନଭିନ କରିଥିଲା । ଛାନଭିନ୍ ପରେ ପୋଲିସ ୩୦୨ ଦଫା ଲଗାଇ ମହିଳାଙ୍କ ଶାଶୁଙ୍କୁ ନଜରବନ୍ଦୀରେ ସର୍ଟ ଷ୍ଟେ ହୋମରେ ରଖିଥିଲା । ତେବେ ନିଖୋଜ ମହିଳା ଜଣଙ୍କ ନିକଟରେ ସୋର କୋର୍ଟକୁ ଆସିଥିଲେ ବି ହାଜର ହୋଇନଥିଲେ । ଅନ୍ୟପକ୍ଷରେ ଏହି ଘଟଣା ପ୍ରେମ ସଂପର୍କଜନିତ ବୋଲି ଜଣାପଡିଛି । ଗୋଟିଏ ସନ୍ତାନର ମା ସଂପୃକ୍ତ ମହିଳା ଅନ୍ୟ ଜଣଙ୍କୁ ପ୍ରେମ ବିବାହ କରିବାକୁ ଚାହୁଁଥିବା ଏବଂ ସେଥିପାଇଁ ସ୍ବାମୀଙ୍କ ଘର ଛାଡିଥିବା ଜଣାଯାଇଛି । ଏପରିକି ପ୍ରଥମ ସ୍ବାମୀଙ୍କ ସହ ବିବାହ ବିଚ୍ଛେଦ ପାଇଁ ସେ ଚାହୁଁଥିବା ଓ ବିବାଦର ସମାଧାନ କରିବାକୁ ଇଚ୍ଛା କରୁଥିବା ଶୁଣିବାକୁ ମିଳୁଛି ।

ଅନ୍ୟପକ୍ଷରେ ଘଟଣାରେ ଯଥାର୍ଥ ତଦନ୍ତ ନକରି, ନିଖୋଜ ମହିଳାଙ୍କ ସଂପର୍କରେ ଖୋଳତାଡ ନକରି କିମ୍ବା ହତ୍ୟାର କିଛି ପ୍ରମାଣ ନଥାଇ ମଧ୍ୟ ପୋଲିସ ଏକ ହତ୍ୟା ମାମଲା ରୁଜୁ କରିବା ଗୁରୁତର ସ୍ଥିତ ସୃଷ୍ଟି କରିଛି । ଗୋଟିଏ ପରିବାର ଗିରଫ ଭୟରେ ଭୟଭୀତ ଅବସ୍ଥାରେ ଅଛନ୍ତି। ପରିବାରର ତିନି ସଦସ୍ୟ ଉଚ୍ଚ ନ୍ୟାୟଳୟରେ ଜାମିନ ଅବେଦନ କରି ଗିରଫ ଭୟରେ ଫେରାର ହୋଇଯାଇଛନ୍ତି । ପୋଲିସର ଭୂମିକା ନେଇ ପ୍ରଶ୍ନ ଛିଡା ହୋଇଥିବା ବେଳେ ଅଭିଯୋଗର ସତ୍ୟାସତ୍ୟ ନବୁଝି ନିର୍ଦ୍ଦୋଶୀଙ୍କୁ ହନ୍ତସନ୍ତ କରାଯିବା ଘଟଣାରେ ଦୃଢ କାର୍ଯ୍ୟାନୁଷ୍ଠାନ ପାଇଁ ସାଧାରଣରେ ଦାବି ହେଉଛି ।

   Related Posts