Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ପାତାଳି ମହୋତ୍ସବ ଡ୍ୟୁଟିରେ ଥିବା ପୋଲିସ ବାବୁ ମଦ ପିଇ ମାତାଲ ହେଲେ ଆଉ ରାସ୍ତାରେ ଗଡିଲେ, ଭିଡିଓ ହେଉଛି ଭାଇରାଲ୍

10/02/2019 at 4:35 PM

ସୋନପୁର ୧୦|୨:  ମଦ ପିଇ ରାସ୍ତାରେ ଗଡିଲେ ପୋଲିସ ବାବୁ । ସୋନପୁର ଜିଲ୍ଲା ବୀରମହାରାଜପୁର ଥାନାରେ କାର୍ଯ୍ୟରତ ଏଏସଆଇ ବିପିନ ବିହାରୀ ଜାନୀ ନିଶାସକ୍ତ ଅବସ୍ଥାରେ ଲୁହାଖଣ୍ଡି ଗାଁ ରାସ୍ତାର ଉପରେ ଗଡିଥିବା ଭିଡିଓ ଦେଖିବାକୁ ମିଳିଛି । ଦେଖନ୍ତୁ ପୋଲିସ ବାବୁ ଜଣକ ଫୁଲ୍ ମାତାଲ । ମାତାଲ ଅବସ୍ଥାରେ ରାସ୍ତାରେ ଗଡୁଛନ୍ତି ଲୋକଙ୍କୁ ଗାଲିଗୁଲଜ କରି ଧମକ ମଧ୍ୟ ଦେଉଛନ୍ତି । ପୋଲିସ ବାବୁଙ୍କ ଏଭଳି ଆଚରଣ ସାଧାରଣ ଜନତାଙ୍କ ମଧ୍ୟରେ ଆଲୋଚନାର ବିଷୟ ହୋଇଛି ।

ସ୍ଥାନୀୟ ଅଞ୍ଚଳରେ ବେଆଇନ ମଦ କାରବାର ଯୋଗୁଁ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇଥିବାବେଳେ ଖୋଦ ପୋଲିସ ଅଧିକାରୀ ନିଜେ ମାତାଲ ହୋଇ ରାସ୍ତାରେ ଗଡିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।

ପୋଲିସ ବାବୁ ଜଣଙ୍କ ବୀରମହାରାଜପୁର ଥାନା କୋଟସମଲାଇ ଠାରେ ହେଉଥିବା ପାତାଳି ମହୋତ୍ସବକୁ ଡ୍ୟୁଟି କରିବାକୁ ଯାଇଥିଲେ । କିନ୍ତୁ ମହୋତ୍ସବର ସୁରକ୍ଷା ଦାୟିତ୍ବରେ ଥିବା ଏହି ପୋଲିସ ବାବୁ ଜଣକ ସୁରକ୍ଷା ଦାୟିତ୍ବ ତୁଲାଇବେ କଣ ନିଜେ ମାତାଲ ହୋଇ ରାସ୍ତାରେ ଗଡୁଛନ୍ତି । ଓଲଟା ଲୋକଙ୍କୁ ଗାଳି ଗୁଲଜ ମଧ୍ୟ କରୁଛନ୍ତି ।

କେବଳ ସେତିକି ନୁହଁ ଖାକି ପୋଷାକ ମଧ୍ୟରୁ ପ୍ୟାଣ୍ଟ ଓ ଜୋତା ପିନ୍ଧି ସେ ଶୋଇପଡିଥିବାବେଳେ ସାର୍ଟକୁ ନିଜ ତଳେ ଲୋଚାକୋଚା କରି ପକାଇ ଦେଇଥିଲେ । ଉଠିବା ପରେ ମଧ୍ୟ ନିଜ ପୋଷାକକୁ ସେ ଯେମିତି ତଳେ ପକାଉଥିଲେ ଆଉ ଧରିଥିଲେ ଲାଗୁଥିଲା ବର୍ଦ୍ଦି ପ୍ରତି ତାଙ୍କର ତିଳେମାତ୍ର ସମ୍ମାନବୋଧ ନାହିଁ ।

ପୋଲିସ ବାବୁ ମାତାଲ ହୋଇପଡିଥିବା ଦେଖି ସ୍ଥାନୀୟ ଲୋକ ସେଠାରେ ପହଞ୍ଚି ପୋଲିସ କାର୍ଯ୍ୟକଳାପକୁ ଉପହାସ କରିଥିଲେ । ତାଙ୍କ ସାର୍ଟରେ ଲାଗିଥିବା ନେମ୍‌ପ୍ଲେଟର ଫଟୋ ଉଠାଇଥିଲେ ମଧ୍ୟ ପୋଲିସ ବାବୁଙ୍କ ନିଶା ଭାଙ୍ଗିନଥିଲା । ପାଖରେ ଆଣ୍ଡ୍ରଏଡ ମୋବାଇଲ ଫୋନ ପଡିଥିଲା । ତାକୁ ମଧ୍ୟ ସ୍ଥାନୀୟ ଲୋକେ ଉଠାଇନେଇ ପରେ ପୋଲିସ ବାବୁଙ୍କୁ ଦେଇଥିଲେ ।

ସେ ଏମିତି କେମିତି ଡ୍ୟୁଟିରେ ଥାଇ ମାତାଲ ହେଲେ ବୋଲି ପଚାରିବାରୁ ଟିକେ ନିଦ ଲାଗିଲା ଆଉ ଶୋଇପଡିଲି ବୋଲି ସଫେଇ ଦେଇଥିଲେ । କିନ୍ତୁ ଏହା କହିବା ବେଳକୁ ମଧ୍ୟ ତାଙ୍କ ପାଦ ଟଳମଳ ହେଉଥିଲା ଆଉ ତାଙ୍କ ମୁହଁରୁ ଭଣ ଭଣ ମଦଗନ୍ଧ ବାହାରୁଥିଲା ।   

   Related Posts