ori homes
raja reels contest
raja reels contest
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୯ କୋଭିଡ୍ ପଜିଟିଭ୍
  • ||

୧୫ ବର୍ଷର ନାବାଳିକାଙ୍କୁ ୩ ମାସ ଧରି ଦୁଷ୍କର୍ମ କରିଥିବା ବାପା ଓ ପୁଅକୁ ଠାବ କଲା ଝାରସୁଗୁଡା ପୋଲିସ

17/10/2018 at 2:09 PM

ଝାରସୁଗୁଡ଼ା ୧୭/୧୦ : ଝାରସୁଗୁଡ଼ାରେ ୧୫ ବର୍ଷ ବୟସ୍କା ନାବାଳିକାକୁ ୩ ମାସ ଧରି ଦୁଷ୍କର୍ମ କରିଥିବା ବାପା ପୁଅଙ୍କୁ ଚିହ୍ନଟ କରିଛି ଝାରସୁଗୁଡା ପୋଲିସ | ଝାରସୁଗୁଡା ପୋଲିସର କହିବା ଅନୁସାରେ ଅଭିଯୁକ୍ତ ବାପା ସୁବୋଧ ଗୁପ୍ତା ଏବଂ ତାଙ୍କ ପୁଅ | ତଦନ୍ତରେ ବ୍ୟାଘାତ ଘଟିବ ଆସନକରେ ପୋଲିସ ଅଭିଯୁକ୍ତଙ୍କ ସମ୍ପର୍କରେ ଅଧିକ ସୂଚନ ଦେବା ପାଇଁ ମନାକରିଦେଇଛି | ତେବେ ଏମାନେ କେନ୍ଦୁଝର ଜିଲ୍ଲାର ଝୁମ୍ପୁରୀରେ ରହୁଥିବା ଜଣାପଡିଛି | ଅଭିଯୁକ୍ତ ସୁବୋଧ ଗୁପ୍ତା ଜଣେ ଖଣି ବ୍ୟବସାୟୀ ବୋଲି ମଧ୍ୟ ପୋଲିସ କହିଛି |

ସୂଚନାଯୋଗ୍ୟ ଯେ, ଝାରସୁଗୁଡା ଉପକଣ୍ଠର ଏକ ଗାଁରେ ରହୁଥିବା ଏହି ନାବାଳିକାଙ୍କୁ ଝାରସୁଗୁଡାର ଜଣେ ମହିଳା ତାଳଚେରରେ ଜଣକ ଘରେ କାମରେ ଲଗାଇଥିଲେ | ତେବେ ସେଠାରେ ଗତ ୩ ମାସ ହେଲା ନାବାଳିକାକୁ ସମ୍ପୃକ୍ତ ଘରର ବାପା ଓ ପୁଅ ବାରମ୍ବାର ଦୁଷ୍କର୍ମ କରୁଥିଲେ ବୋଲି ନାବାଳିକା ୨ ଦିନ ତଳେ ଝାରସୁଗୁଡା ବିଟିଏମ ଫାଣ୍ଡିରେ ଅଭିଯୋଗ କରିଥିଲେ | ଅଭିଯୋଗ କ୍ରମେ ନାବାଳିକାଙ୍କୁ ତାଳଚେର ନେଇ କାମରେ ଲଗାଇଥିବା ମହିଳାକୁ ଖୋଜାଖୋଜି କରିବା ସହ ତାଳଚେର ରେ ଯାଇ ଅଭିଯୁକ୍ତଙ୍କୁ ଖୋଜିଥିଲା | ଅଭିଯୁକ୍ତମାନଙ୍କ ଠିକଣା ସମ୍ପର୍କରେ ପୀଡିତା ନାବାଳିକା ଠିକରେ କହିପାରୁନଥିବାରୁ ପୋଲିସ ପାଇଁ ଅସୁବିଧା ସୃଷ୍ଟି ହୋଇଥିଲା | ତେବେ ଗୋଟିଏ ସୂତ୍ରରୁ ଖବର ପାଇ ଝାରସୁଗୁଡା ପୋଲିସ ତାଳଚେରରୁ ଯାଇ କେନ୍ଦୁଝରରେ ମଧ୍ୟ ବିଭିନ୍ନ ସ୍ଥାନରେ ଚଢ଼ାଉ କରିଥିଲା | ଶେଷରେ କେନ୍ଦୁଝର ଜିଲ୍ଲାର ଝୁମ୍ପୁରୀ ଠାରେ ଅଭିଯୁକ୍ତମାନେ ରହୁଥିବା ପୋଲିସ ଜାଣିପାରିଥିଲା | ଅଭିଯୁକ୍ତମାନନ୍କ ଘରକୁ ମଧ୍ୟ ପୋଲିସ ଯାଇଥିଲା | ତେବେ ଅଭିଯୁକ୍ତ ବାପା ପୁଅ ପୂର୍ବରୁ ହିଁ ଫେରାର ହୋଇଯାଇଥିଲେ | ଅଭିଯୁକ୍ତମାନଙ୍କ ଘରେ ଥିବା ଆଉ ଜଣେ ବ୍ୟକ୍ତିଙ୍କ ଠାରୁ କିଛି ତଥ୍ୟ ସଂଗ୍ରହ କରି ପୋଲିସ ଫେରିଛି | ଅତି ଶୀଘ୍ର ଅଭିଯୁକ୍ତମାନଙ୍କୁ ଗିରଫ କରାଯିବ ବୋଲି ପୋଲିସ କହିଛି |

   Related Posts