Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

୪ ଲକ୍ଷ ଟଙ୍କାର ଦେଶୀ ମଦ ଜବତ, ୨ ଗିରଫ

31/01/2020 at 5:22 PM

ଭଦ୍ରକ୩୦/୧: ଦେଶୀ ମଦ ବୋଝେଇ ଟ୍ରକ ଜବତ। ସଂପୃକ୍ତ ୨ ଜଣ ଅଭିଯୁକ୍ତକୁ ପୋଲିସ୍ ଗିରଫ କରିଛି। ୧୬ ନମ୍ବର ଜାତୀୟ ରାଜପଥର ଭଦ୍ରକ ଜିଲ୍ଲା ରାଣୀତାଲ ଛକ ନିକଟରେ ଟ୍ରକଟିକୁ ଜବତ କରିଛି ଭଦ୍ରକ ଅବକାରୀ ବିଭାଗ ।

ଦେଶୀ ମଦ ବୋଝେଇ ଟ୍ରକଟି ବାଲେଶ୍ଵର ଜିଲ୍ଲାରୁ ଆସୁଥିବା ନେଇ ଖବର ପାଇଥିଲା ଅବକାରୀ ବିଭାଗ । ଟ୍ରକରେ ଦେଶୀ ମଦକୁ ରବର ଟ୍ୟୁବରେ ଭର୍ତ୍ତି କରି ବସ୍ତାରେ ବନ୍ଧା ଯାଇଥିଲା । ଅବକାରୀ ବିଭାଗ ଓ ପୋଲିସ କୁ ଚକମା ଦେବା ପାଇଁ ବସ୍ତା ଉପରେ ଅନ୍ୟାନ୍ୟ ପଲିଥିନ ବୋଝେଇ କରାଯାଇଥିଲା । ଅବକାରୀ ବିଭାଗର ସୂଚନା ଅନୁଯାୟୀ ଟ୍ରକରେ ୩୫୦୦ ଲିଟର ଦେଶୀ ମଦ ରହିଛି । ମଦର ଆନୁମାନିକ ମୂଲ୍ୟ ୪ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି ।

ଗିରଫ ଦୁଇ ଜଣ ହେଲେ ବାଲେଶ୍ଵର ଜିଲ୍ଲାର ସୁନହଟର ସଞ୍ଜୟ ଦାସ ଓ ସହଦ ଗାଁର ରଶ୍ମି ରଞ୍ଜନ ବେହେରା ବୋଲି ଅବକାରୀ ବିଭାଗ ସୂଚନା ଦେଇଛି । ପୂର୍ବରୁ ମଧ୍ୟ ସମାନ ଷ୍ଟାଇଲରେ ମଦ ଚୋରା ଚାଲାଣ ହେଉଥିବା ନେଇ ଅବକାରୀ ବିଭାଗକୁ ସୂଚନା ମିଳିଛି ।

   Related Posts