Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

ବେଦୀରୁ ଅମାନିଆ ବରକୁ ଉଠାଇନେଲା ପୋଲିସ, ଥାନାରେ ବାହାନା କରି କହିଲା- ‘ଜାଣିନି ଏତେ ଲୋକ କେମିତି ଆସିଲେ’…

26/04/2021 at 11:51 AM

ଜଳନ୍ଧର,୨୬/୦୪: କରୋନା ଭାଇରସ ସାରା ଦେଶରେ ଆତଙ୍କ ଖେଳାଇଛି । ଏହାକୁ ନଜରରେ ରଖି ପଞ୍ଜାବରେ ସପ୍ତାହାନ୍ତ ସଟଡାଉନ୍ ଲାଗିଛି । ପ୍ରଶାସନ ତରଫରୁ ଲୋକଙ୍କୁ କୋଭିଡ୍ ଗାଇଡଲାଇନ୍ ମାନିବା ସହ ସତର୍କ ରହିବାକୁ କୁହାଯାଉଛି । ଏହା ସତ୍ତ୍ୱେ କିଛି ବ୍ୟକ୍ତି ସତର୍କ ହେଉନାହାଁନ୍ତି । ଅମାନିଆ ହେଉଛନ୍ତି । ତେବେ ଜଳନ୍ଧରରେ ହେଉଥିବା ଏକ ବିବାହ ଭୋଜିରେ ୧୦୦ରୁ ଅଧିକ ଅତିଥି ଆସିଥିବା ଦେଖିବାକୁ ମିଳିଥିଲା । ଯାହା ପରେ ପୋଲିସ କଡା କାର୍ଯ୍ୟାନୁଷ୍ଠାନ ନେଇଛି ।

ପୋଲିସ ଏହି ମାମଲାରେ ବେଦୀରୁ ବର ଓ ବରର ଜେଜେ ବାପାଙ୍କୁ ଥାନାକୁ ନେଇ ଯାଇଥିଲା । ନିୟମ ଅନୁସାରେ ବିବାହରେ ୨୦ ଅଧିକ ଅତିଥିଙ୍କ ପାଇଁ ଉପ ଜିଲ୍ଲାପାଳଙ୍କ ଅନୁମତି ଆବଶ୍ୟକ । କିନ୍ତୁ ପୋଲିସ ଯେତେବେଳେ ଶତାଧିକ ଅତିଥି ଆସିଥିବା ସୂଚନା ପାଇଥିଲା ତୁରନ୍ତ ଚଢଉ କରିଥିଲା ।  ବର ଓ ଜେଜେ ବାପାଙ୍କୁ ପିସିଆର ଭ୍ୟାନରେ ଥାନାକୁ ନେଇଯାଇଥିଲା ।

ଥାନାରେ ଉଭୟଙ୍କୁ ପଚରାଉଚୁରା ବେଳେ ସେମାନେ କହିଥିଲେ ଯେ, ଏତେ ଲୋକ କେଉଁଠୁ ଆସିଲେ ଜଣାନାହିଁ । ସେମାନେ କେବଳ ୨୦ ଲୋକଙ୍କୁ ବିବାହକୁ ଡାକିଥିଲେ । ପୋଲିସ ଉଭୟ କନ୍ୟା ଓ ବରପକ୍ଷଙ୍କ ବିରୋଧରେ ମାମଲା ରୁଜୁ କରିଛି । ଏହାସହ ୨ ଗଣ୍ଟା ପରେ ବରକୁ ଛାଡିଥିଲା । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର୍ ଧରିଛି ।

ଥାନାଧିକାରୀ ମୁକେଶ କୁମାର କହିଛନ୍ତି ଯେ, ତାଙ୍କୁ ଏକ ମନ୍ଦିରରେ ବିବାହ ଭୋଜି ଅନୁଷ୍ଠିତ ହେଉଥିବା ନେଇ ସୂଚନା ମିଳିଥିଲା । ଏଠାରେ ବହୁ ସଂଖ୍ୟାରେ ଲୋକ ଉପସ୍ଥିତ ଥିଲେ । ଏହି ମାମଲାରେ ଉଭୟ ପକ୍ଷ ବିରୋଧରେ ମାମଲା ରୁଜୁ ହୋଇଛି । ତେବେ ୧୮୮ ଧାରାରେ ବର ଓ ଜେଜେ ବାପାଙ୍କୁ ଥାନାରୁ ଡାକି ପଚରାଉଚୁରା କରାଯାଇଥିଲା ବୋଲି ସେ କହିଛନ୍ତି ।

   Related Posts