Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଦୁବାଇରେ IPL ଫାଇନାଲ, ଝାରସୁଗୁଡ଼ାରେ ବେଟିଂ ; ଚଢାଉ କରି ଜଣକୁ ଗିରଫ କଲା ପୋଲିସ, ନଗଦ ଟଙ୍କା ଓ ମୋବାଇଲ ଜବତ

11/11/2020 at 12:20 PM

ଝାରସୁଗୁଡ଼ା ୧୧।୧୧: ଦୁବାଇରେ ଚାଲିଥିଲା ଆଇପିଏଲ୍‌ ଫାଇନାଲ ମ୍ୟାଚ୍‌ । ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍‌ ମଧ୍ୟରେ କଡା ଟକ୍କର ଚାଲିଥିବା ବେଳେ ଝାରସୁଗୁଡ଼ାରେ ଚାଲିଥିଲା ବେଟିଂ । ପୋଲିସ ଚଢାଉ କରି ନଗଦ ଟଙ୍କା ସହ ଜଣଙ୍କୁ ଗିରଫ କରିବାରେ ସକ୍ଷମ ହୋଇଛି ପୋଲିସ ।

 ଆଇପିଏଲ୍‌ ମ୍ୟାଚ୍‌ ପାଇଁ ବେଟିଂ କରୁଥିବା ବୁକିଙ୍କୁ ଧରିବାକୁ ଜାଲ ବିଛାଇଥିଲା ପୋଲିସ । ଶେଷରେ ପୋଲିସକୁ ସଫଳତା ମିଳିଛି । ରବିବାର ଦିନ ଆଇପିଏଲ୍‌ର ଫାଇନାଲ ମ୍ୟାଚ୍‌ ମୁମ୍ବାଇ ଓ ଦିଲ୍ଲୀ ମଧ୍ୟରେ ଚାଲିଥିଲା । ମ୍ୟାଚ୍‌ ପାଇଁ ଅନଲାଇନ ଜରିଆରେ ବେଟିଂ ଚାଲିଥିଲା । କିଏ ଜିତିବ ଆଉ,  କିଏ ହାରିବ , ତାକୁ ନେଇ ଲାଗୁଥିଲା ବାଜି । ଏହିଭଳି ଖେଳ ଚାଲିଥିବା ବେଳେ ଝାରସୁଗୁଡା ପୋଲିସ ସହରର ତେଲିଭଟ୍ଟା ଅଞ୍ଚଳରୁ ମହମ୍ମଦ ଜାହାଙ୍ଗିର ହୁସେନକୁ ଗିରଫ କରିଛି। ତାର ନିକଟରୁ ନଗଦ ୨୭  ହଜାର ୨ଶହ ୫୦ଟଙ୍କା , ୨ଟି ମୋବାଇଲ , ଗୋଟିଏ ଏଟିଏମ କାର୍ଡ , ପାସବୁକ , ନୋଟବୁକ ସମେତ ପଏଣ୍ଟ ଚାର୍ଟ ଜବତ କରିଛି ।  ଆଇପିଏଲ ବେଟିଂକୁ ନେଇ  ପୂର୍ବରୁ ବେଲପାହାଡ଼ ପୋଲିସ ଗତ ୬ ତାରିଖ ଛତିଶଗଡ଼ର ଏକ ଗ୍ୟାଙ୍ଗକୁ ଗିରଫ କରି କୋର୍ଟ ଚାଲାଣ କରିଥିଲା ।

   Related Posts