Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

୪ ହତ୍ୟା ଅଭିଯୁକ୍ତଙ୍କୁ ଏନ୍‌କାଉଣ୍ଟର କଲା ପୁଲିସ୍‌

6/11/2019 at 7:52 PM

ଝାରସୁଗୁଡା ୦୬।୧୧ –  ଝାରସୁଗୁଡା ଜିଲ୍ଲା ବ୍ରଜରାଜ ନଗରରେ ଲୋମଟାଙ୍କୁରା ଗୁଳିକାଣ୍ଡ । ଗୁଳିକାଣ୍ଡରେ ଯୁବ ବ୍ୟବସାୟୀ ମଣ୍ଟୁଘୋଷ ମୃତ । ଗୁଳିକାଣ୍ଡ କରି ଫେରାର  ହୋଇଯାଇଥିବା ୪ଅପରାଧୀଙ୍କୁ ଏନକାଉଣ୍ଟର କଲା ଝାରସୁଗୁଡା ପୋଲିସ । ସମସ୍ତ ଅପରାଧୀଙ୍କୁ ଗୁରୁତର ଅବସ୍ଥାରେ ଝାରସୁଗୁଡା ହସ୍ପିଟାଲରେ ଭର୍ତ୍ତି କରାଯାଇଛି ।

 ଅପରାଧୀଙ୍କ ଗୁଳିରେ ଜଣେ ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି ।  ମଙ୍ଗଳବାର ସନ୍ଧ୍ୟା ସମୟରେ ବ୍ରଜରାଜନଗର ଏକ ଜନଗହଳିପୂର୍ଣ ଅଞ୍ଚଳରେ ଘଟିଥିଲା ଏହି ଗୁଳିକାଣ୍ଡ । ପୂର୍ବ ଶତ୍ରୁତା ଓ କୋଇଲା ବ୍ୟବସାୟରେ ପତିଆରା ଜାହିର ପାଇଁ ଦୁଇ ବ୍ୟବସାୟୀ ଗୋଷ୍ଠୀ ମଧ୍ୟରେ ଏଭଳି ଗୁଳିକାଣ୍ଡ ଘଟିଥିବା ପୁଲିସ ପ୍ରଥାମିକ ତଦନ୍ତରୁ ଜାଣିବାକୁ ପାଇଛି ।

ଗ୍ୟାଙ୍ଗୱାରରୁ ଫୁଟିଲା ଗୁଳି। କୋଇଲା ପାଇଁ ଗ୍ୟାଙ୍ଗସ ଅଫ୍‌ ବ୍ରଜରାଜନଗର ରକ୍ତମୁଖା ହୋଇଛନ୍ତି । ଟଳିଛି ଆଉ ଗୋଟିଏ ମୁଣ୍ଡ। ଏବେ କିନ୍ତୁ ସିସିଟିଭିରେ କଏଦ ହୋଇଥିଲା ସେହି ଲୋମଟାଙ୍କୁରା ଭିଜୁଆଲ । ମଙ୍ଗଳବାର ସମୟ ସଂଧ୍ୟା ସାଢ଼େ ୭ଟା। ସ୍ଥାନ  ବ୍ରଜରାଜ ନଗରର କେନ୍ଦ୍ର ସ୍ଥଳରେ ଥିବା ହୋଟେଲ ଲକ୍ଷ୍ମୀ କାଫେ। ଏହିଠାରେ ହଠାତ ପଶିଥିଲେ ୪ଜଣ ଦୁର୍ବୃତ୍ତ ।  ପଏଣ୍ଟ ବ୍ଲାଙ୍କରୁ ମଣ୍ଟୁ ଘୋଷଙ୍କ  ଉପରେ ଗୁଳି ଚଳାଇଥିଲେ।  ସେହିଠାରେ ମଣ୍ଟୁଙ୍କ ମୃତ୍ୟୁ ହୋଇଥିଲା।

ପ୍ରାଥମିକ ତଦନ୍ତରୁ ଏହା କୋଇଲା ବ୍ୟବସାୟ ଓ ପୂର୍ବ ଶତ୍ରୁତା ହତ୍ୟାକାଣ୍ଡ ବୋଲି ପୋଲିସ ଅନୁମାନ କରିଛି । ତେବେ ଅପରାଧୀଙ୍କୁ ଏକକାଉଣ୍ଟର କରି କାବୁ କରିବାରେ ସଫଳ ହୋଇଛି ପୋଲିସ । ବ୍ରଜରାଜ ନଗର ଚାରିପଟୁ ସିଲ୍‌ କରି ଅପରାଧୀଙ୍କ ପିଛା କରୁଥିବା ପୋଲିସ ସ୍ଥାନୀୟ ମଧୁପୁର ଜଙ୍ଗଲ ନିକଟରେ ୪ ଅଭିଯୁକ୍ତଙ୍କୁ ଏନକାଉଣ୍ଟର କରିଥିଲା ।

 ଗୁରୁତର ଅପରାଧୀ ମାନଙ୍କୁ ସ୍ଥାନୀୟ ଝାରସୁଗୁଡା ମେଡିକାଲରେ ଭର୍ତ୍ତି କରାଯାଇଛି । ଅଭିଯୁକ୍ତଙ୍କ ପାଲଟା ଗୁଳିରେ ଜଣେ ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି ।  ଆହତ ଚାରି ଅଭିଯୁକ୍ତ ହେଲେ ଅନନ୍ତ ଧଳ, ଶୈଳେନ୍ଦ୍ର ପତ୍ର, ନିକି ସିଂ, ରଫିକ ଅନସାରୀ । ଉତ୍ତରାଞ୍ଚଳ ଡିଆଇଜି ହିମାଂଶୁ ଲାଲ କହିଛନ୍ତି ଝାରସୁଗୁଡ଼ାର ଗ୍ୟାଙ୍ଗୱାରକୁ ଚେରରୁ ଉପାଡ଼ିବ ପୋଲିସ।

୪ ଅପରାଧୀଙ୍କ ଗୁଳିରେ ପ୍ରାଣ ହରାଇଥିବା ମଣ୍ଟୁ ଘୋଷ ଦୁର୍ଦ୍ଦାନ୍ତ ଅପରାଧୀ ସୋନୁ ଘୋଷର ଭାଇ। ଚାରିମାସ ତଳେ ବ୍ରଜରାଜନଗରରେ ହୋଇଥିବା ଅମିତ ଧଳ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଥିଲା ସୋନୁ । ଏବେ ସୋନୁ ଜେଲରେ। ଏବେ ସୋନୁର ଭାଇକୁ ଅମିତର ଭାଇ ହତ୍ୟା କରିଛି ।

ପୋଲିସ ଏନକାଉଣ୍ଟରରେ ଆହତ ସମସ୍ତ ଅଭିଯୁକ୍ତଙ୍କୁ  କଡା ସୁରକ୍ଷା ବଳ ରେ ବର୍ତ୍ତମାନ ଝାରସୁଗୁଡା ମୁଖ୍ୟ ଚିକିତ୍ସାଳୟରେ ଚିକିତ୍ସା କରାଯାଉଛି  ।

   Related Posts