Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କଟକରେ ପୁଣି ଏନ୍‌କାଉଣ୍ଟର, ପୋଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ ବୁଧିଆ ଦାସ ଗୁରୁତର

11/09/2019 at 8:05 AM

କଟକ ୧୧।୯: କଟକରେ ପୁଣି ପୋଲିସ ଏନ୍‌କାଉଣ୍ଟର କରିଛି । ପୋଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ ବୁଧିଆ ଦାସ ଗୁରୁତର ହୋଇଛି । ସିଡିଏ ସେକ୍ଟର-୧୩ରେ ଚାଉଳିଆଗଞ୍ଜରେ ପୋଲିସ ଚଢାଉ କରିଥିଲା । ଚଢାଉବେଳେ ପୋଲିସ-ଅପରାଧୀ ମଧ୍ୟରେ ଗୁଳିବିନିମୟ ହୋଇଥିଲା । ଅପରାଧୀ ବୁଧିଆର ଡାହାଣ ଗୋଡରେ ଗୁଳି ବାଜିଛି । ଗୁରୁତର ଅବସ୍ଥାରେ ତାକୁ କଟକ ଏସ୍‌ସିବିରେ ଭର୍ତ୍ତି କରାଯାଇଛି ।

ବୁଧିଆ ନାଁରେ ୩୦ ଅପରାଧିକ ମାମଲା ରହିଛି । ବୁଧିଆ ଟିଟୋ ଗ୍ୟାଙ୍ଗର ସଦସ୍ୟ ବୋଲି ପୋଲିସ ପକ୍ଷରୁ ସୂଚନା ମିଳିଛି । ବୁଧିଆ ନିକଟରୁ ଗୋଟିଏ ପିସ୍ତଲ, ୨ଟି ଅଫୁଟା ଗୁଳି ଜବତ କରିଛି ପୋଲିସ । ଗୁଳି ବିନିୟମ ବେଳେ ପୋଲିସ କର୍ମଚାରୀ ବିଶ୍ବଜିତ୍ ସାମନ୍ତରାୟ ମଧ୍ୟ ଆହତ ହୋଇଥିବା ଜଣାପଡିଛି ।

   Related Posts