Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ମାଲକାନଗିରି ଗସ୍ତରେ ପୋଲିସ ଡିଜି ଆର.ପି. ଶର୍ମା ; ମାଓ ଅପରେସନ ନେଇ କଲେ ସମୀକ୍ଷା

6/11/2018 at 2:33 PM

ମାଲକାନଗିରି ୬|୧୧: ଆଜି ମାଲକାନଗିରି ଜିଲ୍ଲା ଗସ୍ତରେ ଯାଇଛନ୍ତି ପୋଲିସ ଡିଜି ଆର୍.ପି ଶର୍ମା । ତାଙ୍କ ସହ ଏଡିଜି ଅପରେସନ ଆର୍.ପି କୋଚେ ଓ ଗୁଇନ୍ଦା ବିଭାଗ ନିର୍ଦ୍ଦେଶକ ଅରୁଣ ରାୟ ଉପସ୍ଥିତ ଅଛନ୍ତି । ମାଲକାନଗିରି ଏସପିଙ୍କ କାର୍ଯ୍ୟାଳୟରେ ବେଜାଙ୍ଗିୱାଡାରେ ହୋଇଥିବା ମାଓ ଅପରେସନରେ ପୋଲିସର ସଫଳତାର ସମୀକ୍ଷା କରିଛନ୍ତି ଡିଜି । ବୈଠକରେ ବିଏସଏଫ ଏବଂ ଓଡିଶା ପୋଲିସ ମଧ୍ୟରେ କିଭଳି ଭାବେ ସମନ୍ବୟ ରକ୍ଷା କରାଯାଇପାରିବ ସେନେଇ ଆଲୋଚନା ହୋଇଛି । ଆଗାମୀ ଦିନରେ ନକ୍ସଲ ଅପରେସନରେ କିଭଳି ଭାବେ ଯବାନମାନଙ୍କୁ ଆହୁରି ସଫଳତା ମିଳିପାରିବ ସେନେଇ ଆଲୋଚନା କରାଯାଇଛି । ବୈଠକରେ ବିଏସଏଫର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । ଗତକାଲି ମାଓ ଅପରେସନରେ ସାମିଲ ଥିବା ଯବାନମାନଙ୍କୁ ପୁରଷ୍କୃତ କରିଛନ୍ତି ଡିଜିପି । ମାଲକାନଗିରିରେ ସାଧାରଣ ନିର୍ବାଚନ ପୂର୍ବରୁ କିଭଳି ଭାବେ ଆହୁରି ଅଧିକ ବିଏସଏଫ କ୍ୟାମ୍ପ୍ ସ୍ଥାପନ କରାଯାଇପାରିବ ସେନେଇ ଡିଜିପି ଅଧିକ ଗୁରୁତ୍ବ ଦେଇଛନ୍ତି । ବିଏସଏଫ ଡିଆଇଜିଙ୍କ ସହ ମଧ୍ୟ ବିସ୍ତୃତଭାବେ ଆଲୋଚନା କରିଥିଲେ ।

ଗତକାଲି ମାଲକାନଗିରିରେ ପୋଲିସ ଏନକାଉଣ୍ଟରରେ ୫ଜଣ ମାଓବାଦୀ ପ୍ରାଣ ହରାଇଥିଲେ । ପୋଲିସର ମନୋବଳ ବଢାଇବାକୁ ଡିଜିପିଙ୍କ ଗସ୍ତ ବିଶେଷ ଗୁରୁତ୍ବ ବହନ କରିବ । ଗତକିଛି ଦିନ ତଳେ ଆନ୍ଧ୍ର-ଓଡିଶା ଡିଜିପି ସ୍ତରୀୟ ବୈଠକରେ ନକ୍ସଲ ଦମନ ରଣନୀତି ନେଇ ସ୍ବତନ୍ତ୍ର ରଣନୀତି ପ୍ରସ୍ତୁତ ହୋଇଥିଲା । ସେଥିରେ ଆନ୍ତରାଜ୍ୟ ସୂଚନା ଆଦାନପ୍ରଦାନ ଉପରେ ଜୋର ଦିଆଯାଇଥିଲା । ଏହି ବୈଠକ ପରେ ପୋଲିସକୁ ସଫଳତା ମିଳିଛି । ତେଣୁ ଆଗକୁ କିଭଳି ରଣନୀତି ପ୍ରସ୍ତୁତ ହେବ ଆଜି ବୈଠକରେ ସମୀକ୍ଷା କରାଯାଇଛି ।

   Related Posts