Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ପୁରୀ : ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ, ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ: ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆ : ଟସ୍ ଜିତିଲା ଅଷ୍ଟ୍ରେଲିଆ, ପ୍ରଥମେ କରିବ ବ୍ୟାଟିଂ
  • ||
  • ଚଳିତ ବର୍ଷ ବିନ୍ଦୁସାଗରରେ ଡଙ୍ଗା ଭସା ଉପରେ ରୋକ୍, ନିଷ୍ପତ୍ତି ନେଲା ବିଏମସି
  • ||

ନୂଆ ବର୍ଷ ପାଇଁ ପୁରୀର ସୁରକ୍ଷା ସମୀକ୍ଷା କଲେ ଡିଜିପି, ଉତ୍ତର-ପଶ୍ଚିମ କୋଣ ପୋଲିସ ୱାଚ୍ ଟାୱାର୍ ଚଢିଲେ ବିଦେଶିନୀ

29/12/2019 at 8:24 PM

ପୁରୀ ୨୯।୧୨: ନୂଆ ବର୍ଷ ପାଇଁ ପୁରୀରେ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଶ୍ରୀମନ୍ଦିର ଚତୁଃପାର୍ଶ୍ୱକୁ ଆକର୍ଷଣୀୟ କରିବା ସହ ସହରର ସୁରକ୍ଷା ନେଇ ବ୍ୟାପକ ବନ୍ଦୋବସ୍ତ କରାଯାଇଛି । ପୋଲିସ ଡିଜି ରବିବାର ପୁରୀରେ ସୁରକ୍ଷା ବନ୍ଦୋବସ୍ତର ସମୀକ୍ଷା କରିଛନ୍ତି । ସେପଟେ କଡ଼ା ସୁରକ୍ଷା ସତ୍ତ୍ୱେ ଉତ୍ତର-ପଶ୍ଚିମ କୋଣରେ ଥିବା ପୋଲିସ ୱାଚ୍ ଟାୱାର୍ ଉପରେ ଚଢ଼ି, ଚାରିଜଣ ବିଦେଶିନୀ ନିଷିଦ୍ଧାଞ୍ଚଳର ଭିଡିଓ ଏବଂ ଫଟୋ ଉଠାଇଥିବା ଦେଖାଯାଇଛି ।  

କାଳିଆ ଦର୍ଶନରୁ ଆରମ୍ଭ ହେବ ନୂଆବର୍ଷ । ଶ୍ରୀକ୍ଷେତ୍ରକୁ ଛୁଟିବ ଶ୍ରଦ୍ଧାଳୁଙ୍କ ସୁଅ । ନୂଆ ବର୍ଷକୁ ଦୃଷ୍ଟିରେ ରଖି ଶ୍ରୀମନ୍ଦିର ଚାରିପାଖକୁ ସଜ୍ଜା ଯାଉଛି। ସିଂହଦ୍ୱାର ଆଗରେ ନବନିର୍ମିତ ସେଡ଼କୁ ସୁନ୍ଦର ଭାବେ ଫୁଲରେ ସଜା ଯାଇଛି । ସାମ୍ନା ପାଚେରୀ କଡ଼ରେ ସୃଷ୍ଟି କରାଯାଇଛି ସବୁଜିମା।  ଏପଟେ ନୂଆବର୍ଷରେ ସମ୍ଭାବ୍ୟ ଭିଡକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।  ପୁରୀ ଏସପିଙ୍କ କାର୍ଯ୍ୟାଳୟରେ ପୋଲିସ ଡିଜି ସମୀକ୍ଷା କରିଛନ୍ତି ।

ଶ୍ରୀମନ୍ଦିର ଓ ବେଳାଭୂମିରେ ଶ୍ରଦ୍ଧାଳୁ ଓ ପର୍ଯ୍ୟଟକଙ୍କ ସୁରକ୍ଷା ନେଇ ବ୍ୟାପକ ବନ୍ଦୋବସ୍ତ କରାଯାଇଛି । ଶ୍ରୀମନ୍ଦିର ଭିତର ଓ ବାହାର ସହ ସହର ଭିତରେ ଓ ବାହାରେ ୨୭୬ ଅଧିକାରୀ ଏବଂ ୬୫ ପ୍ଲାଟୁନ୍ ଫୋର୍ସ ମୁତୟନ ରହିବେ । ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ସେଡ଼କୁ ଲାଗି ବାଉଁଶରେ ତିଆରି କରାଯାଇଛି ଏକାଧିକ ବ୍ୟାରିକେଡ଼ । ବିଭିନ୍ନ ସ୍ଥାନରେ ଲଗାଯାଇଛି ଅତ୍ୟାଧୁନିକ ସିସି ଟିଭି କ୍ୟାମେରା ।

ଡିସେମ୍ବର ୩୧ ଓ ଜାନୁଆରି ୧, ଏହି ଦୁଇଦିନ ପୁରୀ ସହର ଭିତରେ ମାଲବାହୀ ଗାଡ଼ି ପ୍ରବେଶ ଉପରେ ରୋକ୍ ଲଗାଯାଇଛି। ତେବେ ଯାତ୍ରୀବାହୀ ବସ୍ ଓ ଟୁରିଷ୍ଟ ବସ୍ ଚଳାଚଳର ରୁଟ୍ ପରିବର୍ତ୍ତନ କରାଯାଇନାହିଁ। ତେବେ ଟୁରିଷ୍ଟ ବସ୍ ଗୁଡିକ ମାଳତୀପାଟପୁର ବସଷ୍ଟାଣ୍ଡରେ ରହିବେ।

ସେପଟେ କଡ଼ା ସୁରକ୍ଷା ସତ୍ତ୍ୱେ ଶ୍ରୀମନ୍ଦିରର ଉତ୍ତର ପଶ୍ଚିମ କୋଣରେ ଥିବା ପୁଲିସ ୱାଚ୍ ଟାୱାର୍ ଉପରେ ଚଢି ୪ ଜଣ ବିଦେଶୀନୀ କୋଇଲି ବୈକୁଣ୍ଠ ସହ ସଲଗ୍ନ ବିଭିନ୍ନ ନିଷିଧାଞ୍ଚଳର ଭିଡିଓ ଏବଂ ଫଟୋ ଉତ୍ତୋଳନ କରିଛନ୍ତି । ୱାଚ୍ ଟାୱାର ଉପରେ ଚଢି ମୋବାଇଲ ଓ କ୍ୟାମେରା ଯୋଗେ ଫଠୋ ଉତ୍ତୋଳନ କରୁଥିବାର ଦେଖିବାକୁ ମିଳିଥିଲା ।

ୱାଚ୍ ଟାୱାର ଉପରେ ସୁରକ୍ଷାକର୍ମୀ ରହିବା କଥା। କିନ୍ତୁ ସୁରକ୍ଷାକର୍ମୀଙ୍କ ଅବହେଳା ବା ଅନୁପସ୍ଥିତ କେଉଁ କାରଣରୁ ସେଠାକୁ ଚଢ଼ିଯାଇଥିଲେ ବିଦେଶିନୀ । ଯଦି କିଛି ଅଘଟଣ ଘଟିଥାନ୍ତା ଏଥିପାଇଁ କିଏ ଦାୟୀ ରହିଥାନ୍ତା। ଶ୍ରୀମନ୍ଦିର ପ୍ରଶାସନ ନା ପୋଲିସ ପ୍ରଶାସନ ଏ ନେଇ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି ।

   Related Posts